Zef. 3:7 - Bhaibheri Rakachena muChindau

⁷ Ndakati, ‘Ngegwinyiso rinozonditya, rinozoashira kupangwa; arizokoreri kuona zveshe zvendaunza padera paro.’ Asi vakapinda kudisa kuita zviito zvavo zveshe kuti zvisvipiswe.

Zef. 3:7 Iomraidhean Croise

Gen. 6:12

Mwari wakaona nyika, ringira, yaiya yashata; ngokuti vanhu veshe vaiya vashaishira njira yavo padera penyika.

2 MaKro. 33:11

Ndizvo Mambo Mwari wakaunza padera pavo nduna dzehondo dzamambo weAsiria, avo vakabata Manase, vakamuisa makato eminzwa, vakamusunga ngemanguri esimbi, vakamutora kuenda naye Bhabhuroni.

Jobe 36:10

Unobeura nzee dzavo kudzidziso, nokuvapanga kuti vapetuke kubva mukushata.

Nduyo 32:8

Ndinozokuonisa nokukudzidzisa njira younozohamba ndiyo; ndinozokupanga ngedziso rangu.

Mazwi 19:20

Izwa kupangwa, uashire kudzidziswa, kuti uite wakangwara pakugumisira kwako.

Isa. 5:4

Chiinyi chendaisisira kuitirazve munda wangu wemivhini, chendisikazi kuita mukati mwawo? Ndizvo, apo ndakaringira kuti ubare mavhini, wakabara mavhini omushango ngenyi?

Isa. 63:8

Ngokuti wakati, “Chokwadi vanhu vangu, vana vasikazonyepi;” ndizvo wakaita Muponesi wavo,

Jer. 17:23

Asi avazi kupurutana, nokuti kukotamisa nzee dzavo, vakaomesa mitsipa yavo, kuti vasazwa, nokuti kuashira kudzidziswa.

Jer. 25:5

naapo vechiti, ‘Tenderukai zvino, imwimwi mweshe, umwe ngaumwe wenyu kubva kunjira yake yakashata nokubva kuzviito zvake zvakashata, mugare munyika yaakamupa Mambo Mwari nemadzibaba enyu, kubvira karetu mhera nariini;

Jer. 36:3

Pamweni vemhatso yaJudha pevanozwa kweshe kushata kwendakaronga kuita kwevari, veshe umwe ngaumwe wavo ungatenderuka kubva kunjira yake yakashata, kuti ndikone kurekerera kushata kwavo nezvishaishi zvavo.”

Jer. 38:17

Zvino Jeremia wakati kunaZedhekia, “Izvi ndizvo zvinoronza Mambo Mwari, Mwari wehondo, Mwari waIsuraeri: Kudai wechizodzipira kwega kuvatongi vamambo weBhabhuroni, unozopona, nedhorobha iri arizopishwi ngomuriro; iwewe unozopona nevemhatso yako.

Jer. 6:8

Tenda kupangiwa, O Jerusarema, kuti mweya wangu urekere kupetuka kubva kweuri, ndikuite matongo, nyika isikagarwi ngevanhu.”

Jer. 7:7

zvino ndinozogara nemwi mundau iyi, munyika yendakapa kumadzibaba enyu mhera nariini nariini.

Jer. 8:6

Ndakapurutana ndikazwa, avaereketi zvakarurama; apana watenderuka kubva mukushata kwake echiti, ‘Ndakaitenyi?’ Umwe ngaumwe waenda kunjira yake kudai ngehachi rinorumba kupinda muhondo.

Hos. 9:9

Vakadzisvipisa kakurutu pachavo, kudai ngemazuva eGibhea; unozokarakadza kushata kwavo, unozoorora kushaisha kwavo.

Zef. 3:2

Arizi kupurutana kuizwi; arizi kuashira kupangwa. Arizi kugonda munaMambo Mwari; arizi kukwedzera pasinde naMwari waro.

Dhuto. 4:16

kuti musazodzishaishira, ngokudziitira muedzaniso wakatsetswa, muedzaniso nokuti ngowomuiri, muedzaniso womunhu womwamuna nokuti womukadzi,

1 Tim. 1:5

Asi zvinodiwa ngomupango rudo runobva mumwoyo wakacheneswa, runobva mumhumba isina ndaa nokugonda kwegwinyiso.

2 Pet. 3:9

Mambo aanonoki kuita chigondiso chake, kudai ngenjira yevanoti vamweni unononoka, asi unosengerera kwomuri, asikadi kuti naumwe arashwe, asi kuti veshe vatenderuke.