Zef. 3:11 - Bhaibheri Rakachena muChindau

¹¹ Pairo zuva auzotsverudzwi ngezviito zvako zveshe, izvo zvewakandirwisa ndizvo; ngokuti zvino ndinozodusa kubva pakati pako vanodakara mukudzikudza, newe auchazodzitunhumadzi mumutunhu wangu wakachena.

Zef. 3:11 Iomraidhean Croise

Nduyo 131:1

A Mambo Mwari, mwoyo wangu audzikudzi, madziso angu aadzitunhumadzi; andiiti chidairirwa zviro zvikuru, nokuti muzviro zvendisikahaniri.

Nduyo 49:5

Ndinozotya ngenyi ngemazuva okutambudzika, apo kushata kwevatambudzi vangu kwechinditendenedza,

Nduyo 59:12

Ngendaa yechishaishi chemiromo yavo, mazwi emiromo yavo, ngavabatwe mukudzikudza kwavo. Ngendaa yokutuka nemanyepo zvevanoereketa,

Isa. 11:9

Azvizoremadzi nokuti kuparadza pamutunhu wangu weshe wakachena; ngokuti nyika inozozara ngokuzia Mambo Mwari, kudai ngemvura inofukidza ruandhle.

Isa. 2:12

Ngokuti rinozoapo zuva raMambo Mwari wehondo padera pavo veshe vanodzikudza, naavo vanehasha, nepadera pavo veshe vanodzimirudza; navo vanozoiswa pashi,

Isa. 45:17

Asi vaIsuraeri vanoponeswa ndiMambo Mwari ngoruponeso rwemhera nariini; amuzotsverudzwi nokuti kukangaidzwa mhera nariini.

Isa. 5:15

Munhu unokotamiswa pashi, nomunhu weshe unozodzaswa pashi; nemadziso evanodzikudza anozopfaiswa.

Isa. 54:4

Usatya, ngokuti auzotsverudzwi; usapera simba, ngokuti auzopindi mukutsverudzwa; ngokuti unozoriyarwa kutsverudzwa kwoutsva hwako, auchazokarakadzizve kushoorwa kwoushirikadzi hwako.

Isa. 56:7

ava ndinozovaunza kumutunhu wangu wakachena, nokuvaita kuti vadakare mumhatso mwangu mwokukumbira; midiro yavo yokupisha nemibairo yavo inozoashirwa padera pearita rangu; ngokuti mhatso yangu inozodaidzwa kuti imhatso yokudira yevanhu veshe.”

Isa. 61:7

Pandau yokutsverudzwa kwavo vanhu vangu vanozoashira chikoaniswa chakapetwa; nepandau yokushoorwa vanozodakara ngenhaka yavo; ndizvo vanozogara nhaka yakapetwa munyika yavo; nokudakara kusikaperi kunozoita kwavo.

Jer. 13:9

“Ndizvo izvi zvinoronza Mambo Mwari, ‘Ngenjira iyi, ndinozooresa kudzikudza kwaJudha nokudzikudza kukuru kweJerusarema.

Jer. 7:4

Musagonda aya mazwi okunyepa, anoti, ‘Iri ndiro temperi raMambo Mwari, temperi raMambo Mwari, temperi raMambo Mwari.’

Ezek. 20:40

Ngokuti pamutunhu wangu wakachena, mutunhu wakareba waIsuraeri, unoronza Mambo Mwari, Mwari, apo veshe vemhatso yaIsuraeri veshe avo vanozodira inini munyika; apo ndinozovaashira, naapo ndipo pendinozoda michero yenyu nezvipo zvenyu zvakapinda kunaka nezvakachena.

Ezek. 24:21

‘Ereketa kunemhatso yaIsuraeri, izvi ndizvo zvinoronza Mambo Mwari, Mwari: Ringira, ndinozosvipisa ugaro hwangu hwakachena, kudzikudza kwesimba renyu, chidakadziso chemadziso enyu, nechidisiso chomweya yenyu; vakororo venyu nevanasikana venyu vemwakasiya sure vanozourawa ngeshoti.

Dha. 9:16

O Mambo Mwari, kudai ngokururama kwokuita kwako kweshe, kunyangadzwa kwako noushungu hwako, tinokumbira, ngazvipetudzwe kubva kudhorobha rako Jerusarema, mutunhu wako wakacheneswa; ngendaa yezvishaishi zvedu nokushata kwemadzibaba edu, Jerusarema nevanhu vako vaitwa chitsverudzo ndivo veshe vaakirwana vedu.

Dha. 9:20

Naapo ndichaereketa nokukumbira, nokutenda kushaisha kwangu nokushaisha kwevanhu vangu Isuraeri, nokuisa kupota kwangu pamberi paMambo Mwari, Mwari wangu, ngendaa yomutunhu wakacheneswa waMwari wangu,

Mik. 3:11

Vakuru varo vanotonga ngokutengerwa, vapristi varo vanodzidzisa ngomusharo, vaprofeti varo vanoprofeta ngokuona mare; asi vanotseama kunaMambo Mwari vechiti, “Ngegwinyiso Mambo Mwari unesu! Akuna kushata kungatigumira.”

Zvi. 16:3

Navo vakadziunganidza pamwepo kumukira Mosi naAroni, vakati kwavari, “Mwanyanya! Mwechiona kuti mbungano yeshe yakachena, munhu weshe wayo, naMambo Mwari uri pakati pavo. Ngenyi mwechidzikudza kudaro, padera pembungano yaMambo Mwari?”

Mateu 3:9

Musapinimidza mwechiti mukati mwenyu, ‘Tina Abrahama baba edu.’ Ngokuti ndinoti kwomuri Mwari unesimba ngaaya mapuwe kumusira vana kunaAbrahama.

Varoma 2:17

Asi kudai iwewe wechidzidaidza pachako kuti uri muJudha, wechigonda Mupango nokuganza ndiMwari,

Varoma 9:33

kudai ngezvakanyorwa kuti, “Ringirai, ndinoradzika buwe muZioni rokupumhuna, ruware runozovaita kuti vawe, nouwo unotenda kwaari aazotsverudzwi.”

1 Pet. 2:6

Ngokuti zvirimwo muzvinyorwa zvinoti, “Ringirai, ndinoradzika muZioni buwe, buwe repakhona rakatsanangurwa, rino mutengo mukuru; nouwo unotenda kwaari aazotsverudzwi.”