Zef. 3:1 - Bhaibheri Rakachena muChindau

¹ Ihehe kuiswa mavhu, kusvipiswa, dhorobha rinotambudza!

Zef. 3:1 Iomraidhean Croise

Isa. 30:12

Ndizvo izvi ndizvo zvinoronza Uwo Wakachena waIsuraeri, “Ngokuti munoramba izwi iri, mwechigonda mukutambudza nomukuchengedzera, mwechitseama pezviri;

Isa. 5:7

Ngokuti munda wemivhini waMambo wehondo imhatso yaIsuraeri, nevanhu vaJudha muti wake unodakadza; naye wakakarira kuona kutonga kwakanaka, asi wakaona kuparadza ngazi; kuona kururama, asi wakaona kuchema.

Isa. 59:13

kupauka nokuramba Mambo Mwari, nokupauka kubva mukuteera Mwari wedu, kuereketa zvinodzasa pashi nezvokumukira, nokuronga kuereketa mazwi okunyepa nokuareketa kubva mumwoyo.

Isa. 59:6

Madande awo aazoiti zvokufuka, avazodzifukidzi ngezvevanoita. Mishando yavo mishando yokushaisha, nomunyara dzavo munekuparadza.

Jer. 22:17

Asi madziso ako nomwoyo wako azvioni chimweni kwega kuemura nokuparadza ngazi isina ndaa, nokuita kutambudza nokupamba.

Jer. 5:23

Asi ava vanhu vanomwoyo wakaoma nokumukira; vakapauka, vaenda.

Jer. 6:6

Ngokuti izvi ndizvo zvinoronza Mambo Mwari wehondo, “Temerai pashi miti yaro; mushoshere Jerusarema. Ndiro dhorobha; rinosisira kuororwa; amuna chiro chirimwo, asi kuripo kutambudza kukurutu pakati paro.

Jer. 6:7

Kudai ngechinyuka chinongwarira mvura yacho yakachena, ndizvo rinongwarira kushata kwaro kutsva; ugebenga nokuparadza zvinozwika mukati mwaro; kurwara, maonje zviri pamberi pangu mukuwo weshe.

Ezek. 22:29

Vanhu venyika vakabvuka pfuma nokuita umbavha; vakatambudza varombo nevatami, vakabvukira vapara upfumi hwavo pasina ndaa.

Ezek. 22:7

Baba namai vanoitwa chishekedzo mukati mwako; vapara vanogara mukati mwako vakaangiridzwa; nherera neshirikadzi vanoshaishirwa mukati mwako.

Ezek. 23:30

zvaunza izvi padera pako, ngokuti iwewe wakaita uhure nemadzinza evanhu, ukadzisvipisa pachako ngemiedzaniso yavo yokudira.

Revhi 1:16

Unozodusa dokoriro rayo pamwepo nemanhenga ayo, nokuzvirasha ngepamberi pearita ngokumabvazuva pandau yemarota.

Amo. 3:9

Teketesai mungome dzeAshidhodhi, nomungome dzomunyika yeEgipite mwechiti, “Unganai pachenyu padera pemitunhu yeSamaria, muringire nyongano huru irimwo mukati mwayo, kutambudzwanyi kuri mukati mwaro.

Amo. 4:1

Izwai izwi iri, imwimwi n'ombe dzeBhashani, muri padera poMutunhu weSamaria, avo vanotambudza varombo, vanopwanya vanotama, vanoti kuvamuna vavo, “Unzai chiro, timwe!”

Mik. 2:2

Vanoemura minda, nokuibvuka; mhatso, vechidzitora; vanotambudza munhu nemhatso yake, munhu nenhaka yake.

Zek. 7:10

musatambudza shirikadzi, nherera, vapara, nokuti varombo; musaronga kuitirana zvakashata mumwoyo yenyu umwe kuneumweni.’

Mar. 3:5

“Zvino ndinozokwedzera kwomuri kutonga; ndinozoita chapupu chinokasira kupupura kuitira ndaa vanoringidza, vanoomba, vanopika ngokunyepa, vanotambudza nokunyima musharo wevashandi, weshirikadzi, wenherera, naavo vanopaukisa vapara, vasikandityi,” unoronza Mambo Mwari wehondo.