Zef. 2:9 - Bhaibheri Rakachena muChindau

⁹ Ndizvo kudai ngezvendinopona,” unoronza Mambo Mwari wehondo, Mwari waIsuraeri, “Moabhi inozodai ngeSodhoma, nevaAmoni kudai ngeGomora, nyika yeminzwa nemirindi yemunyu, nokuita dongo mhera nariini. Vakasara vevanhu vangu vanozovapamba, nevanopona vedzinza rangu vanozogara nhaka yavo.”

Zef. 2:9 Iomraidhean Croise

Isa. 11:14

Asi vanozojatira padera pevaFiristia ngokumabirirazuva; pamwepo vanozovachakata vanhu vokumabvazuva. Vanozotambanudza nyara yavo padera peEdhomu neMoabhi, nevanhu veAmoni vanozovapurutana.

Isa. 25:10

Ngokuti nyara yaMambo Mwari inozozorora pamutunhu uyu. VaMoabhi vanozotsikwatsikwa pashi pandau yavo kudai ngemahlanga anotsikwa tsikwa pashi murindi remadisa.

Isa. 49:18

Mirudza madziso ako, uringire kweshe, uone; veshe vanodziunganidza, vanouya kwouri. Kudai ngezvendinopona,” unoronza Mambo Mwari, “Ngegwinyiso unozodzisimidza ndizvo zveshe kudai ngechinemeso, nokudai ndimakhoti unozozvinemesa ndizvo.”

Jer. 46:18

Kudai ngezvendinopona,” unoronza Mambo, uwo zina rake rinozwi Mambo Mwari wehondo, Umwe unouya akadai ngeThabhori riri pakati pemitunhu, nokudai ngeKharmeri riri pasinde poruandhle.

Jer. 48:1

Izvi ndizvo zvinoronza Mambo Mwari wehondo, Mwari waIsuraeri, ngendaa yaMoabhi: “Ihehe kuneNebho, raparadzwa! VaKiriathiaimu vatsverudzwa, vatorwa; marukumbati akagwinya atsverudzwa nokuputsirwa pashi.

Jer. 49:1

Izvi ndizvo zvinoronza Mambo Mwari ngendaa yaAmoni: “Isuraeri aana vakororo here? Aana vanogara nhaka yake here? Ngenyi zvino Mirikhomu echigara nhaka yaGadhi, nevanhu vake vechigara nhaka mumadhorobha ake?

Jer. 49:18

Kudai ngokuparadzwa kweSodhoma neGomora namadhorobha ari pasinde paro,” unoronza Mambo Mwari, “Apana naumwe unozogarayo, haiwa naumwe unozogarisikamwo.

Jer. 49:33

“Hazori rinozoita ugaro hwemakava nokuita matongo mhera nariini; akuna munhu unozogaramwo, nokuti umwe ungaakamwo.”

Jer. 50:40

Kudai ngeapo Mwari paakapwanya Sodhoma neGomora nemadhorobha akatendenedza pasinde,” unoronza Mambo Mwari; “Ndizvo apana naumwe unozogaramwo, nokuti umwe ungauya kooakamwo.

Amo. 1:13

Izvi ndizvo zvinoronza Mambo Mwari: “Ngezvipauko zvitatu zvevaAmoni nezvirongomuna, andizopetudzi kuororwa; ngokuti vakatumbura vakadzi vanemimba muGireadhi, kuitira kuti vakudze nyika yavo.

Amo. 2:1

Izvi ndizvo zvinoronza Mambo Mwari: “Ngezvipauko zvitatu zveMoabhi nezvirongomuna, andizopetudzi kuororwa; ngokuti wakapisha magodo amambo weEdhomu kuita dota.

Zef. 2:14

Zvifuyo zvinozoata pashi mukati mwaro, nemhuka dzeshe dzomushango; zveshe hurekure nenungu zvinozogara padera pesika dzemisiwo yaro; izwi raro rinozorira mumafasitera; kuparadzwa kunozoapo mumadimba aro, ngokuti wakabudisa pamhene zvakatsetswa zvemisidhari.

Zef. 2:7

Humbikumbi inozoita nhaka yevakasara vemhuri yaJudha, apo pevanozoushira zvifuyo zvavo padera payo, nomumhatso dzeAshikeroni vanozoatamwo madeekoni. Ngokuti Mambo Mwari, Mwari wavo, unozovahambira, nokuvaunzazve kubva kuubatwa hwavo.

Zef. 3:13

Vakasara vaIsuraeri avazoiti zvakashata, nokuti kuereketa manyepo; norurumi runochengedzera aruzooneki mumuromo wavo. Zvino vanozodya nokuata pashi, akunazve unozovatyisidzira.”

Zek. 2:13

Nyararai, imwimwi vanhu veshe, pamberi paMambo Mwari; ngokuti wamiruka muugaro hwake hwakachena.

Zvi. 14:21

Asi kudai ngezvendinopona, nyika dzeshe dzinozozara ngouthende hwaMambo Mwari.

Varoma 14:11

Ngokuti kwakanyorwa kuti, “Kudai ngezvendinopona, unoronza Mambo Mwari, mabvi eshe anozondigwadamira nendimi dzeshe dzinozokudza Mwari.”

Dhuto. 29:22

Mibarirwana inozoteera yevana venyu vanozoapo ngesure kwenyu, nomupara unozobva kunyika iri kuretu, vanozoona madambudziko eiyo nyika nenhenda yaanozoisa Mambo Mwari padera payo.

Dhuto. 29:23

Mavhu enyika yeshe anobaka ngesorufa nomunyu, apana chinosimwa, apana chinomera nokukura, apana nomwenje unokuremwo, kudai ngokuparadzwa kweSodhoma neGomora, Adhima neZebhoimu, ao aakaparadza Mambo Mwari muushungu hwake hunotyisa.