Biblia Todo Logo
Bìoball air-loidhne

- Sanasan -




Zef. 2:7 - Bhaibheri Rakachena muChindau

7 Humbikumbi inozoita nhaka yevakasara vemhuri yaJudha, apo pevanozoushira zvifuyo zvavo padera payo, nomumhatso dzeAshikeroni vanozoatamwo madeekoni. Ngokuti Mambo Mwari, Mwari wavo, unozovahambira, nokuvaunzazve kubva kuubatwa hwavo.

Faic an caibideil Dèan lethbhreac




Zef. 2:7
42 Iomraidhean Croise  

Josefa wakati kuvana vababa ake, “Ndaakufa; asi Mwari unozomuhambira, amubudise kubva munyika muno kuenda kunyika yaakapika ndiyo, kunaAbrahama, kunaIsaka nokunaJakobe.”


Uyazve, tapota, A Mwari wehondo; ringira pashi, uri mudenga, newe uone; uhambire uyu muvhini,


Mambo Mwari, wakaitira nyasha nyika yako; iwewe wakahwirinza upfumi hwaJakobe.


Nevanhu vakatenda; naapo vazwa kuti Mambo Mwari wakahambira vana vaIsuraeri nokuti wakaona kutambudzwa kwavo, vakakotamisa masoro avo vakadira.


Ngeiro zuva Mambo Mwari unozotambanudza nyara yakezve kwechipiri kutora avo vakasara vevanhu vake, kubva Asiria, Egipite, Phathrosi, Khushi, Eramu, Shina, Hamathi nezviwi zvoruandhle.


Asi vanozojatira padera pevaFiristia ngokumabirirazuva; pamwepo vanozovachakata vanhu vokumabvazuva. Vanozotambanudza nyara yavo padera peEdhomu neMoabhi, nevanhu veAmoni vanozovapurutana.


ndizvo rinozoapo pato guru rinobva Asiria revakasara vevanhu vake, kudai ngezveraiyapo kuvaIsuraeri apo pevakakwira kubva munyika yeEgipite.


Asi Mambo Mwari unozoitira Jakobe nyasha, uchazotsanangurazve Isuraeri, nokuvaisa munyika mwavo; nevapara vanozobatana navo, vanozodzibatanidza pachavo kumhatso yaJakobe.


Ngokuti ngome inozosiiwa, dhorobha rinevanhu vazhinji rinozotizwa; mutunhu nemarusvingo okurinda zvinozoita mapako mhera nariini, kudakara kwedhuba, kumafuro ezvifuyo,


“Zvino ndinozounganidza pachangu akasara emakwai angu kubva kunyika dzeshe kwendakaatatanisira, nokuaunzazve kumatanga awo; nawo anozobereka nokuwandisa.


“Ngokuti izvi ndizvo zvinoronza Mambo Mwari: ‘Kwega apo Bhabhuroni rapedza makore aro makumi manomwe ndinozouya kwemuri, ndechizadzisa chigondiso changu kwemuri, ngokumupetudza kundau iyi.


Ndinozoonekwa ndimwi,’ unoronza Mambo Mwari; ‘Ndinozobvisa ubatwa hwenyu nokumuunganidza kubva kumadzinza eshe, nokubva kundau dzeshe kwendakamudzingira,’ unoronza Mambo Mwari, ‘Neni ndinozomupetudza kundau kwandakaita kuti mutorwe kuitwa vabatwa.’


Mumazuva awo vemhatso yaJudha vanozobatana pamwepo nevemhatso yaIsuraeri, navo vanozobuda pamwepo kubva munyika yedera kuenda kunyika yendakapa madzibaba enyu kuita nhaka yavo.”


Ngokuti, ringira, ngegwinyiso mazuva anouya,’ Mambo Mwari unoronza, ‘Apo pendinozopetudza voubatwa vevanhu vangu, Isuraeri naJudha; ndinozovapetudza kunyika yendakapa madzibaba avo, navo vanozoigara nhaka,’ unoronza Mambo Mwari.”


Ngokuti izvi ndizvo zvinoronza Mambo Mwari: “Emberai Jakobe ngokudakara, mudaidzire mazwi mukuru wemadzinza; teketesai, kudzai, mwechiti, ‘O Mambo Mwari, ponesa vanhu vako vakasara vaIsuraeri!’


Vanhu vanozotenga minda ngemare, nokunyora mutsamba, nokuinama ngechidhindo, nokutora zvapupu munyika yaBhenjamini, nomundau dzinotendenedza Jerusarema, nomumadhorobha aJudha, neenyika yezvimitunhu, neeShefera neokubani; ngokuti ndinozopetudza vakabatwa vavo,” unoronza Mambo Mwari.


Izvi ndizvo zvinoronza Mambo Mwari wehondo: “Mundau iyi yaita matongo isina munhu nokuti mhuka, nomumadhorobha ayo eshe, kunozoapo nemafuro vaushi, vechiita kuti zvifuyo zvavo zvizorore pashi.


Ndinozopetudza vakabatwa vaJudha, nevaIsuraeri, nokuvaaka kudai ngezvevaiya vakaita pakutanga.


Mhanza yauya padera peGaza, Ashikeroni yanyaradzwa. O vakasara vebani raro! Munozodzipara mhanza kwomukuwo wakadini?


“Ndizvo izvi ndizvo zvinoronza Mambo Mwari, Mwari: Zvino ndinozopetudza upfumi hwaJakobe, nokuitira nyasha vemhatso yeshe yaIsuraeri; ndinozoita ndurumwa ngendaa yezina rangu rakachena.


Newewo, O Judha, kukukura kwaemeserwa kwouri. “Apo ndakahwirinza ubatwa hwavanhu vangu.


Avo vokubani vanozotora Mutunhu waIsau, naavo vomubani Shefera nyika yevaFiristia; vanozotora nyika yaEfuremu nenyika yeSamaria; Bhenjamini unozotora Gireadhi.


Ngegwinyiso ndinozomuunganidza mweshe pamwepo, O Jakobe, ndinozounganidza veshe vakasara vaIsuraeri; ndinozovaisa pamwepo kudai ngemakwai ari muchibaya, nokudai ngezvifuyo zvemakwai pakati pemafuro awo; vanozoita bope guru ngouwandu hwevanhu.


Ita unorumwa mukubereka, O mwanasikana Zioni, kudai ngomukadzi wobereka; ngokuti zvino unozobuda kubva mudhorobha, newe unozogara murubaya; unozoenda Bhabhuroni. Apapo unozoponeswa; apapo Mambo Mwari unozokuripira kubva munyara yemagaa ako.


Wakaremara ndinozomuita wakasara, nouwo wakadzingirwa kuretu aite dzinza rakagwinya; naMambo Mwari unozotonga padera pavo muMutunhu Zioni, kubvira zvino metsa mhera nariini.


Ndizvo kudai ngezvendinopona,” unoronza Mambo Mwari wehondo, Mwari waIsuraeri, “Moabhi inozodai ngeSodhoma, nevaAmoni kudai ngeGomora, nyika yeminzwa nemirindi yemunyu, nokuita dongo mhera nariini. Vakasara vevanhu vangu vanozovapamba, nevanopona vedzinza rangu vanozogara nhaka yavo.”


Vakasara vaIsuraeri avazoiti zvakashata, nokuti kuereketa manyepo; norurumi runochengedzera aruzooneki mumuromo wavo. Zvino vanozodya nokuata pashi, akunazve unozovatyisidzira.”


Panguva iyo ndinozomuunza kanyi, panguva apo pendinozomuunganidza; ngokuti ndinozomupa mbiri nokukudzwa pakati pevanhu veshe venyika, apo ndinozohwirinza ubatwa hwenyu pamberi pemadziso enyu,” unoronza Mambo Mwari.


Zvino Zerubhabheri mukororo waShearatieri, naJoshua mukororo waJehozadhaki, mupristi mukuru, navo veshe vakasara vevanhu, vakapurutana izwi raMambo Mwari, Mwari wavo, nemazwi aHagai muprofeti, kudai ngezvaakamutuma Mambo Mwari, Mwari wavo; nevanhu vakatya Mambo Mwari.


“Ereketa zvino kunaZerubhabheri mukororo waShearatieri, mutongi waJudha, nokunaJoshua mukororo waJehozadhaki, mupristi mukuru, nokwevari vakasara vevanhu wechiti.


“Unomuchena Mambo Mwari waIsuraeri, ngokuti iye wakahambira nokuripira vanhu vake,


Kutya kwakabata veshe; navo vakairikidza Mwari vechiti, “Muprofeti mukuru wakabuda pakati pedu!” “NaMwari wakahambira vanhu vake!”


Asi ngirosi yaMambo yakaereketa kunaFiripu yechiti, “Miruka, uende kubani ngenjira inodzaka kubva Jerusarema kuenda Gaza. Iyi injira yomushango.”


Asi Firipu wakaoneka ari muAzotusi; echihamba, wakachumaira vhangeri mumadhorobha eshe metsa wakaguma Sizaria.


Ndizvo ngomukuwo unozve varipo vakasara, vakatsanangurwa ngenyasha.


Zvino iye wakamiruka kupetuka nevazakazi vake vairi, kubva kunyika yeMoabhi, ngokuti waiya azwa ari munyika yeMoabhi kuti Mambo Mwari wakahambira vanhu vake nokuvapa zvokudya.


Lean sinn:

Sanasan


Sanasan