Zef. 1:5 - Bhaibheri Rakachena muChindau

⁵ avo vanokotama pashi kudira hondo yomudenga vari pazvachungu zvemhatso; naavo vanokotama pashi, vechipika kunaMambo Mwari, asi vanopikazve ndiMarikhamu;

Zef. 1:5 Iomraidhean Croise

1 Madzi. 11:33

Ngokuti wakandisiya, akadira Ashithorethi chimwari chevaSidhoni, neKhemoshi, chimwari chevaMoabhi, naMirikhomu, chimwari chevana vaAmoni, aazi kuhamba ngenjira dzangu, echiita izvo zvakarurama mukuona kwangu, nokungwarira zviemeso zvangu nemipango yangu, kudai ngezvaakaita Dhavhidha baba ake.

1 Madzi. 11:5

Ngokuti Soromoni wakateera Ashithorethi, chimwari chevaSidhoni, naMirikhomu, chinyangadzo chavaAmoni.

1 Madzi. 18:21

Erija zvino wakauya kunevanhu veshe, wakati, “Munozogara mukuwo wakaitawani pakati pemipinimidzo miiri? Kuti Mambo Mwari ari Mwari, muteerenyi; asi kuti ari Bhaari, zvino muteererenyi.” Vanhu avazi kumupingura neizwi.

2 Madzi. 17:32

Ndizvo vakadira Mambo Mwari, vakaemesa kubva pakati pavo vanhu vakasiyana kuita vapristi vendau dzakakwirira, avo vakapira midiro yavo kumhatso dziri kundau dzakakwira.

2 Madzi. 17:33

Ndizvo vakadira Mambo Mwari, asi vakadira zvimwari zvavo, kudai ngetsika dzemadzinza ekwevakatorwa.

2 Madzi. 17:41

Ndizvo madzinza aya akadira Mambo Mwari, akadirazve miedzaniso yavo yakatsetswa; metsa nanyamashi vana vavo nevana vevana vavo vanoangira kuita kudai ngezvakaitwa ngemadzibaba avo.

2 Madzi. 23:12

Maarita awo aiya padera pedenga rekamera repadera raAhazi, awo akaitwa ngemadzimambo aJudha, nemaarita mairi akaitwa ndiManase mumaruwanze mairi emhatso yaMambo Mwari, wakaapwanyira pashi kubvapo, akagura kuita zvigurwa, bukuta racho akarikandira murwizi Kedhironi.

Isa. 22:1

Izwi guru ngendaa yebani rechioniso. Unoronzenyi ngokukwira kwemwaita mweshe padera pemhatso,

Isa. 44:5

Umwe uyu unozoti, ‘Inini ndiri waMambo Mwari;’ umweni unozodzidaidza pachake ngezina raJakobe; asi umweni unozonyora panyara yake kuti, ‘Ndiri waMambo Mwari,’ nokudzidudza zina raIsuraeri.”

Isa. 45:23

Inini pachangu ndakapika, pamuromo pangu pakabuda zvakarurama, izwi iro risikazopetuki, kwendiri mabvi eshe anozogwadama, nendimi dzeshe dzinozopika ndini.

Isa. 48:1

Izwai izvi, O mhatso yaJakobe, avo vanodaidzwa ngezina raIsuraeri, neavo vanobva kuchinyuka chaJudha, avo vanopika ngezina raMambo Mwari, vechipupura ndiMwari waIsuraeri, asi haiwa ngegwinyiso nokuti ngokururama.

Jer. 12:16

Nazvino, kudai vechizodzidzira njira dzevanhu vangu ngomwoyo yavo yeshe, kupika ngezina rangu kuti, ‘Kudai ngezvaanopona Mambo Mwari,’ kudai ngezvevakadzidzisa vanhu vangu kupika ndiBhaari, zvino vanozogarisika pakati pevanhu vangu.

Jer. 19:13

Mhatso dzeJerusarema nemhatso dzemadzimambo aJudha dzinozosvipiswa, kudai ngendau yeThofethi, mhatso dzeshe dzevakapishira padera padzo mutombo kuhondo dzeshe dzomudenga, vakadurura midiro yavo yokumwa kunezvimwari zvimweni.’ ”

Jer. 32:29

VaKharadhea vanorwa nedhorobha iri vanozouya, vabase muriro padera paro nokuripisha, nemhatso idzo dzevakapishira mutombo unegwema padera pamatenga adzo kunaBhaari, vakadurura midiro yokumwa kunezvimwari zvimweni kunditsenesa.

Jer. 4:2

nokudai wechipika, ‘Kudai ngezvaanopona Mambo Mwari,’ mugwinyiso, mukutonga kwakanaka, nomukururama, zvino madzinza anozofumiswa ndiye mwaari, vanozoganza kwaari.”

Jer. 49:1

Izvi ndizvo zvinoronza Mambo Mwari ngendaa yaAmoni: “Isuraeri aana vakororo here? Aana vanogara nhaka yake here? Ngenyi zvino Mirikhomu echigara nhaka yaGadhi, nevanhu vake vechigara nhaka mumadhorobha ake?

Jer. 5:2

Kunyazwi vanoti, ‘Kudai ngezvaanopona Mambo Mwari,’ asi vanopika ngokunyepa.”

Jer. 5:7

“Ndingakuita marekererenyi? Vana vako vandisiya, vechipika ndivo vasiri Mwari akadi. Naapo ndavagutisa yaamho, vakaomba, vechidziunganidza ngezvikwata mumhatso dzeuhure.

Jer. 7:10

nazvino munouya kooema pamberi pangu mumhatso iyi inodudzwa ngezina rangu mwechiti, ‘Takasunhurika’ kuti tiite izvi zveshe zvinonyangadza here?

Jer. 7:9

Munozoba, kuuraya, kuomba, nokupika ngemanyepo, nokupishira midiro kunaBhaari mutombo unegwema rakanaka, nokuteera zvimwari zvimweni zvomusikazi kuzia,

Jer. 8:2

Anozoparadzirwa pamberi pezuva, nepemwedzi nepehondo yeshe yomudenga, izvo zvevakada nokushandira, zvevakateera, zvevakatsvaka, nezvevakadira; avazounganidzwi, nokuti kutsirwa; anozoita kudai ngemadisa padera pehope yenyika.

Hos. 10:2

Mwoyo wavo unonyepera; zvino vanosisira kutwara kushata kwavo. Unozoputsa maarita avo, nokuparadza sika dzavo.

Hos. 4:15

Kunyazwi wechihura, O Isuraeri, usatendera kuti Judha ashaishe. Usapotera Girigari, nokuti usakwira Bhethiavheni, nokuti kupika kuti, “Kudai ngezvaanopona Mambo Mwari.”

Amo. 5:26

Munozotora kukwira naSakuthi mambo wenyu, naKaiwani, chimwari chenyu chenyeredzi, miedzaniso yenyu yemwakadziitira.

Mateu 6:24

“Akuna munhu ungakona kushandira madzimambo mairi; ngokuti unozonyenyeredza umwe, ade umweni, nokuti unozoshoora umwe abatirire kunoumweni. Amungashandiri Mwari nemare.

Zvak. 10:9

Zvino nechimangwani, avo vachahamba vechikwedzera kudhorobha, Petro wakakwira padenga remhatso rakaterama kookumbira, rooda kuita awa rechitanhatu.

Varoma 14:11

Ngokuti kwakanyorwa kuti, “Kudai ngezvendinopona, unoronza Mambo Mwari, mabvi eshe anozondigwadamira nendimi dzeshe dzinozokudza Mwari.”

Dhuto. 10:20

Munozotya Mambo Mwari, Mwari wenyu; mumudire iye ega, nokwaari munozonamatira, nokupika ngezina rake.

Dhuto. 4:19

Naapo mwomirudza madziso enyu mudenga nokuona zuva, mwedzi, nyeredzi, hondo yeshe yomudenga, musazopauswa nokugwadama kuidira nokuishandira, zviro zvaakapa Mwari kumadzinza eshe ari pashi pomudenga.

Josh. 23:7

kuti musazobvengedzana naaya madzinza, anosara pakati penyu, nokuti musazoronza mazina ezvimwari zvawo, nokuti kuita mhiko ndizvo, nokuti kuzvishandira, nokuti kuzvigwadamira.