Zef. 1:4 - Bhaibheri Rakachena muChindau

⁴ “Ndinozotambanudza nyara yangu kurwisa Judha, nokurwisa veshe vagari veJerusarema; ndinozogura vakasara vaBhaari kubva kuiyi ndau, nezina revapristi vokuhura pamwepo nevapristi vavo;

Zef. 1:4 Iomraidhean Croise

2 Madzi. 21:13

Ndinozotambanudza padera peJerusarema chipimo chetambo yendakapima ndiyo Samaria, nechipimo chendakaruramisa ndicho mhatso yaAhabhi; ndinozopukuta Jerusarema kudai ngomunhu unopukuta chidziyo, echichipinduridza.

2 Madzi. 23:12

Maarita awo aiya padera pedenga rekamera repadera raAhazi, awo akaitwa ngemadzimambo aJudha, nemaarita mairi akaitwa ndiManase mumaruwanze mairi emhatso yaMambo Mwari, wakaapwanyira pashi kubvapo, akagura kuita zvigurwa, bukuta racho akarikandira murwizi Kedhironi.

2 MaKro. 34:4

Mukuona kwake vakaputsa maarita aanaBhaari; wakaputsira pashi maarita okupishira mitombo inegwema rakanaka aiya padera pavo. Wakaputsira pashi sika dzokudira, nemiedzaniso yakatsetswa neyakanyunguruswa, kuita zvigurwa, akaikuya kuita bukuta, wakafafaza bukuta iro padera pemaiba eavo vaiya vakapira midiro kweiri.

EKISEDHUSI 15:12

Imwimwi mwakatambanudza nyara yenyu yokumudyo, nyika yakavamedza.

Jer. 15:6

Mambo Mwari wakati, “Iwewe wandirasha, uri kuhwirira sure; ndizvo ndatambanudza nyara yangu kwouri nokukuparadza; ndaremba ngokumukungurira.

Jer. 6:12

Mhatso dzavo dzinozopuwa kunevamweni, minda yavo nevakadzi vavo pamwepo; ngokuti ndinozotambanudza nyara yangu padera pevanogara munyika,” unoronza Mambo Mwari.

Ezek. 25:7

ndizvo, ringira, ndinozotambanudza nyara yangu kurwa nemwi, ndinozomupira kumadzinza kudai ngevapambi. Ndinozomugura kubva pakati pevanhu, ndinozoita kuti mupedzwe kubva mukati mwenyika; ndinozomuparadza. Zvino munozozia kuti inini ndini Mambo Mwari.”

Ezek. 6:14

Ndinozotambanudza nyara yangu padera pavo, ndiite nyika matongo, nokuparadzwa muugaro hwavo hweshe kubvira mushango kuenda Dhibhira. Zvino vanozozia kuti inini ndini Mambo Mwari.”

Hos. 10:5

Vagari vomuSamaria vanohuta ngendaa yemakonyana eBhethiavheni. Vanhu varo vanozobonda ngendaa yaro, nevapristi vemiedzaniso vanozochema, avo vakadakara ngendaa youthende hwaro, hwakabva kweriri.

Mik. 5:13

neni ndinozogura miedzaniso yenyu yakatsetswa nesika dzenyu kubva pakati penyu; nemwi amuchazodiri mushando wenyara dzenyu;

Zef. 2:11

Mambo Mwari unozotyisa kakurutu kwevari; ngokuti unozopedza zvimwari zveshe zvenyika; nekwaari zvinozogwadama pashi, chimwe ngachimwe pandau yacho, mahumbikumbi eshe nezviwi zveshe zvevemadzinza.

Zef. 2:13

Naye unozotambanudza nyara yake kurwa nevari dera, nokuparadza Asiria; naye unozoita kuti Ninevhe riite dongo, nokuoma kudai ngehlengwe.