Zef. 1:16 - Bhaibheri Rakachena muChindau

¹⁶ zuva rokuridzwa kwegwama nokuridza mhere yehondo nokurwisana nemadhorobha anorusvingo, nendau dzehondo dzakakwirira.

Zef. 1:16 Iomraidhean Croise

Isa. 27:13

Ngeiro zuva gwama guru rinozoridzwa, naavo vaiya varashika munyika yeAsiria naavo vakadzingirwa munyika yeEgipite vanozouya koodira Mambo Mwari padera pomutunhu wakacheneswa muJerusarema.

Isa. 32:14

Ngokuti ngome inozosiiwa, dhorobha rinevanhu vazhinji rinozotizwa; mutunhu nemarusvingo okurinda zvinozoita mapako mhera nariini, kudakara kwedhuba, kumafuro ezvifuyo,

Isa. 59:10

Tinoambamira kutsvaka rukumbati kudai ngebofu, nesu tinoambamira kudai ngouwo usina madziso; tinopumhunwa masikati kudai ngousiku; tiri pakati pevakagwinya tinodai ngavanhu vakafa.

Jer. 6:1

Tizai kuti mupone, O vana vaBhenjamini, kubva pakati peJerusarema! Muridze gwama muThekoa, mwechiemesa mujeki muBhethi-hakheremu; ngokuti kushata kunouya kubva dera, nokuparadzwa kukuru.

Jer. 8:16

Kupheza kwemahachi kunozwika kubva Dhani; nyika yeshe inozungunyika ngebope rokupheza kwemikono yemahachi awo anesimba. Anouya kooparadza nyika nezveshe zviri mukati mwayo, dhorobha naavo vanogaramwo.”

Ezek. 7:7

Rufu rwako rwaguma kweuri, O iwewe mugari wenyika. Mukuwo waguma, zuva rokutambudzika riri pasinde, akuchina kudakara kumitunhu.

Hos. 5:8

Ridzai runyanga muGibhea, negwama muRama. Ridzai mhere kuBhethiavheni, ringira sure kwako, Bhenjamini.

Hos. 8:1

“Isa gwama pamuromo wako! Umwe wakadai ngegodzi uri padera pemhatso yaMambo Mwari, ngokuti vagura chitenderano changu nokupauka kubva kumupango wangu.

Joeri 2:1

Ridzai gwama muZioni, muridze mhere pamutunhu wangu wakacheneswa! Veshe vanogara munyika ngavahute, ngokuti zuva raMambo Mwari rinouya, nazvino raa pasinde,

Amo. 3:6

Gwama ringaridzwa here mudhorobha, nevanhu vakarekera kutya? Zvakashata zvingagumira dhorobha here asi kuti Mambo Mwari azviita?

HABHAKUKI 3:6

Wakaema, akazungunyisa nyika; wakaringira, akaita kuti madzinza ahute. Mitunhu yemhera nariini yakaparadzwa; kuteera njira dzake dzekaretu zvimitunhu zvemhera nariini zvakanzvaira.

Dhuto. 28:52

Rinozomukomba mumadhorobha enyu eshe, metsa marukumbati enyu akareba akashosherwa, anemagondero enyu, awa pashi mukati mwenyika yenyu yeshe; rinozomukomba mumadhorobha enyu eshe, mukati mwenyika dzenyu dzeshe dzemwakapuwa ndiMambo Mwari, Mwari wenyu.

Josh. 6:20

Ndizvo vanhu vakadaidzira nemagwama akaridzwa. Naapo vanhu vazwa bope remagwama, vanhu vakadaidzira ngokudaidzira kukurutu, norukumbati rwakawa pashi kuti serere; ndizvo vanhu veshe vakakwira kupotera mudhorobha, munhu weshe kubvira paaiya apo, vakatora dhorobha.