Zef. 1:12 - Bhaibheri Rakachena muChindau

¹² Panguva iyo ndinozotsvakisisa Jerusarema ngezvibani, neni ndinozoorora vanhu vakagara pamasese avo, avo vanoti mumwoyo mwavo, ‘Mambo Mwari aazoshandi zvakanaka, nokuti zvakashata.’

Zef. 1:12 Iomraidhean Croise

Jobe 21:15

Ndiani Une-simba-reshe kuti timushandire? Chiinyi chetinouyirwa ndicho kudai techizokumbira kwaari?

Nduyo 10:4

Wakashata ngokudzikudza kwehope yake unoti, “Mwari aazondibvunzi.” Mikarakadzo yake yeshe inoti, “Akuna Mwari.”

Nduyo 14:1

Benzi rinoti mumwoyo mwaro, “Akuna Mwari.” Vakaora, vakaita mishando inonyangadza; akuna naumwe unoita zvakanaka.

Nduyo 94:7

navo vanoti, “Mambo Mwari aazvioni, Mwari waJakobe aakarakadzi ndizvo.”

Isa. 5:19

avo vanoti, “Ngaakasire, ngaakasire nomushando wake, kuti tiuone; nourongwa hwoUwo Wakachena waIsuraeri ngahukasire kuzadzisika, kuti tihuzie!”

Jer. 10:5

Miedzaniso yakadai ngezungazunga rokudzinga makunguwo mumunda wemagaka, aikoni kuereketa; inotwarwa, ngokuti aikoni kuhamba. Musaitya, ngokuti aikoni kuita zvakashata, nokuti kuita zvakanaka.”

Jer. 48:11

Moabhi rakagarisika kubvira muudoko hwaro, rakagara padera pemasese aro, arizi kumbodururwa kubva kuchidziyo kuiswa muchidziyo chimweni, arizi kumbopindazve muubatwa; ndizvo kunuhwira kwaro kuchakandodaro, negwema raro arizi kupinduka.

Ezek. 8:12

Zvino wakati kwendiri, “Mukororo womunhu, waona here icho chinoitwa ngevakuru vemhatso yaIsuraeri muchidima, munhu weshe mukamera romuedzaniso wake? Ngokuti vanoti, ‘Mambo Mwari aationi, Mambo Mwari wasiya nyika.’ ”

Ezek. 9:4

naye wakati kwaari, “Enda ngomukati mwedhorobha, nomukati mweJerusarema, uise chioniso pahuma dzevanhu vanofemurika nokugwimba ngendaa yezvinyangadzo zveshe zvinoitwa pakati paro.”

Ezek. 9:9

Wakati kwendiri, “Kushata kwemhatso yaIsuraeri neyokwaJudha kwakakura yaamho; nyika yakazara ngokuparadzwa kwengazi nedhorobha rakazara ngokusikarurama, ngokuti vanoti, ‘Mambo Mwari wasiya nyika, naMambo Mwari aaoni akadi.’

Amo. 6:1

Ihehe kwevari vanogarisika muZioni, neavo vanozwa kungwaririka paMutunhu weSamaria, vakuru vokutanga vemadzinza avo kwevari vanoenda vemhatso yaIsuraeri!

Obh. 1:6

A kutsvakwa kwezvaIsau! A kutsvakisiswa kwoupfumi hwake hwakafishika!

Mar. 2:17

Mwarembesa Mambo Mwari ngemazwi enyu. Asi munoti, “Tamurembesa ngokudini?” Ngokuronza, “Veshe vanoita zvakashata vakanaka mukuona kwaMambo Mwari, naye unodakara ndivo;” nokuti ngokubvunza kuti “Uri pari Mwari wokutonga kwakanaka?”

2 Pet. 3:4

vechiti, “Chigondiso chokuuya kwake chiri pari? Ngokuti kubvira panguva yevakaata madzibaba edu, zveshe zviro zvinondogara kudai ngomugarire wazvo kubvira pakutanga pokusikwa!”

Chakapangijihwa 2:23

Neni ndinozouraya vana vake vafe. Nezviara zveshe zvinozozia kuti inini ndini ndinotsvakisisa mupinimidzo nomwoyo, neni ndinozomupa umwe ngaumwe kudai ngemishando yake.