Zef. 1:11 - Bhaibheri Rakachena muChindau

¹¹ Vagari veMortha, boorerai, ngokuti vatengesi veshe vapera; veshe avo vaipima sirivha vakaurawa.

Zef. 1:11 Iomraidhean Croise

Jobe 27:16

Kunyazwi echiunganidza sirivha kudai ngebukuta kuwanda, nokudzinasirira zvokufuka kudai ngedongo,

Jobe 27:17

unounganidza, asi vakarurama vanozozvipfeka, vasina ndaa vanozokoanisirana sirivha iyo.

Jer. 25:34

Zhambararai, imwimwi vaushi, mucheme; dzimburumbudzei mumarota, imwimwi vakuru vomutanga, ngokuti mazuva okuurawa kwenyu aguma; nemwi munozowa kudai ngechidziyo chakanakisisa.

Jer. 4:8

Ngendaa yeizvi dzisimidzei ngemachira emasaka, mucheme muboorere: ushungu hunotyisa hwaMambo Mwari ahuzi kupera kubva kwetiri.

Ezek. 21:12

Chema, uboorere, O mukororo womunhu, ngokuti inorwa nevanhu vangu, inorwa nevatongi veshe vaIsuraeri, vanokandirwa pamwepo kushoti nevanhu vangu. A! Chaya chizva!

Hos. 9:6

Ngokuti, kunyazwi kudai vatiza ngendaa yokuparadzwa, Egipite rinozovaunganidza, Mempfisi rinozovaika. Rukato ruchavatorera zviro zvavo zvinomutengo mukurutu zvesirivha; minzwa inozoapo mumatende avo.

Joeri 1:13

Simirai machira emasaka, mucheme, imwimwi vapristi; boorerai, imwimwi vashandi vearita. Uyai, atai usiku hweshe muri mumachira emasaka, imwimwi vashandi vaMwari wangu! Munikero wezviyo nomunikero wokumwa azvichaunzwi kumhatso yaMwari wenyu.

Joeri 1:5

Mukai, imwimwi zviradza, mucheme; mwechiboorera, mweshe imwimwi vamwi vevhini, ngendaa yevhini idzva, ngokuti rabviswa pamiromo yenyu.

Zef. 2:5

Ihehe kwevari vagari vokuhumbikumbi yoruandhle, dzinza revaKherethi! Izwi raMambo Mwari rinorwisana nemwi, O Khenani, nyika yevaFiristia; ndinozokuparadza, metsa pasisina unosaramwo.

Zek. 14:21

nehari dzeshe dziri muJerusarema nemwaJudha dzinozoita dzakacheneswa kunaMambo Mwari wehondo, navo veshe vanopira midiro vanozouya nokudzitora, nokubikira mukati mwadzo. Pairo zuva akuchazoapo muKhenani mumhatso yaMambo Mwari wehondo.

Johani 2:16

Naye wakati kuneavo vaitengesa njia, “Dusai izvi zviro kubva pano! Musaita mhatso yaBaba angu mhatso yokutengesira!”

Jakobe 5:1

Uyai zvino, imwimwi makurudza, mucheme nokuboorera ngamadambudziko anozouya padera penyu.