Zef. 1:10 - Bhaibheri Rakachena muChindau

¹⁰ “Pazuva iro,” unoronza Mambo Mwari, “Kunozoapo bope rokuchema kubva kuMusiwo Hove, kuboorera kubva kurutii rwechipiri, kupwanyiwa kukurutu kubva kuzvimitunhu.

Zef. 1:10 Iomraidhean Croise

2 Sam. 5:7

Zvakanyadaro Dhavhidha wakanyisa masvingo eZioni, iro ndiro dhorobha raDhavhidha.

2 Sam. 5:9

Dhavhidha wakagara mumasvingo, wakaridaidza kuti dhorobha raDhavhidha. Dhavhidha wakaaka dhorobha kutendenedza kubvira paMiro kupinda mukati.

2 Madzi. 22:14

Ndizvo Hirikia mupristi, Ahikamu, Akhebhori, Shafani naAsaia, vakaenda kunaHuridha muprofeti womukadzi, mukadzi waSharumu mukororo waThikivha, mukororo waHahasi, mungwariri wezvokusimira; iye waigara muJerusarema muguta rechipiri, umwo mwevakaereketa naye.

2 MaKro. 3:1

Zvino Soromoni wakatanga kuaka mhatso yaMambo Mwari muJerusarema, paMutunhu Moria, pandau yaakaoneka Mambo Mwari kunababa ake Dhavhidha, kundau yaakaemesa Dhavhidha pambuwa yokupurira yaOrinani muJebhusi.

2 MaKro. 32:22

Ndizvo Mambo Mwari wakaponesa Hezekia nevagari veJerusarema, kubva kunyara yaSenakheribhi mambo weAsiria, nokubva kunyara dzemagaa ake eshe; wakavapa kuzorora kumarutii eshe.

2 MaKro. 33:14

Ngesure kweizvi wakaaka rukumbati rwokubanze kwedhorobha raDhavhidha, ngokumabirirazuva kweGihoni mubani, metsa pakupinda paMusiwo Hove, wakaenda narwo mberi rwakatendenedza Oferi, wakarukwidza kakurutu. Wakaisa nduna dzokurwa hondo mumadhorobha eshe akashosherwa muJudha.

2 MaKro. 34:22

Ndizvo Hirikia naavo veshe vakatumwa ndimambo vakaenda kunaHuridha muprofeti womukadzi, mukadzi waSharumu mukororo waTokhathi, mukororo waHasira, mungwariri wezvokufuka, uwo waigara muJerusarema munharaunda yokubani; navo vakaereketa ngamazwi awo kwaari.

Neh. 12:39

nepadera poMusiwo waEfuremu, nepasinde poMusiwo weKare, nepasinde poMusiwo weHove, nokuThawa raHananeri, neThwa reZana, metsa kuguma kuMusiwo weMakwai; navo vakaema paMusiwo weVarindi.

Neh. 3:3

Vakororo vaHasenaa vaiakisa Musiwo weHove; vakaradzika mwamba yawo, vakaemesa zvivhayo zvawo, zvihuri zvawo, nemigogo yawo.

Isa. 59:11

Teshe tinorira kudai ngemabheya, nokuchema kakurutu kudai ngemagora: tinogarira kutonga kwakanaka, asi akuna; tinogarira ruponeso, asi ruri kuretu nesu.

Jer. 39:2

Mugore regumi narimwe rokutonga kwaZedhekia, mumwedzi wechirongomuna, ngezuva rechipfumbamwe romwedziwo, rusvingo rwedhorobha rwakapwanyirwa pashi. Apo perakatorwa Jerusarema,

Jer. 4:31

Ngokuti ndakazwa izwi rakadai ngeromukadzi unorwadziwa ngokubereka, unorwadziwa kwakadai ngouwo unobereka mwana wedangwe, kuchema kwemwanasikana weZioni, unofemurika echitambanudza nyara dzake echiti, “Ihehe kwendiri zvino! Inini mweya wangu unopera simba pamberi pevaurayi.”

Ezek. 6:13

Naapo munozozia kuti inini ndini Mambo Mwari, naapo vakafa vavo vanozoata pakati pemiedzaniso yavo yokudira kutendenedza maarita avo, padera pezvimitunhu zveshe zvakakwirira, nepadera pemitunhu yeshe, nepashi pemiti yeshe yakasvipirika, nepashi pemiti yeshe yemiokhi inemashakani, kundau dzeshe dzevakapira mitombo inegwema rakanaka kumiedzaniso yavo yeshe yokudira.

Amo. 8:3

Ndwiyo dzetemperi dzinozoita kuboorera ngeiro zuva, unoronza Mambo Mwari, Mwari; miiri mizhinji yakafa inozokandirwa kundau dzeshe. Nyarara.”

Zef. 1:15

Iro zuva rinozoita zuva roushungu, zuva rokutambudzika nokusvipa mwoyo, zuva rokuparadzwa nokuangiridzwa, zuva rechidima chakasvipa, zuva remakore nechidima chikurutu,

Zef. 1:7

“Nyarara pamberi paMambo Mwari, Mwari! Ngokuti zuva raMambo Mwari riri pasinde; Mambo Mwari wanasirira mubairo, wachenesa vakakokwa vake.