Vafiripi 2:9 - Bhaibheri Rakachena muChindau

⁹ Ndizvo Mwari wakamukudza kakurutu, akamupa zina riri padera pezina reshe,

NOVO TESTAMENTO EM NDAU

⁹ Ndizvo Mwari wakamukuja kukurutu, akamupa zina riri panyezuru po mazina ese;

Vafiripi 2:9 Iomraidhean Croise

Gen. 3:15

Ndinozoisa ugaa pakati pako nomukadzi, nepakati pemibarirwana yako nemibarirwana yake; mibarirwana yake inozoremadza soro rako, newe unozoremadza chisisinho chake.”

Nduyo 110:1

Mambo Mwari wakati kunamambo wangu, “Gara apa ngokumudyo kwangu, metsa ndaita magaa ako chitambarariro chetsoka dzako.”

Nduyo 110:5

Mambo Mwari uri ngokumudyo kwako unozoparadza madzimambo ngezuva rokutseneka kwake.

Nduyo 89:27

Ndinozomuita dangwe, mukuru wemadzimambo eshe omunyika.

Nduyo 91:14

Ngokuti uwo unondida, ndinozomununura; ndinozomungwarira uwo unozia zina rangu.

Isa. 52:13

Ringirai, muranda wangu unozobudirira, unozokudzwa nokukuriswa, naye unozokudzwa kakurutu.

Isa. 53:12

Ndizvo ndinozomupa chikoaniswa chake pakati pevakuru, naye unozokoanisirana zvakachakatwa nevanesimba; ngokuti wakadurura mweya wake metsa pakufa, akaerengwa pamwepo nevashaishi; asi wakatwara kushaisha kwevazhinji, wakakumbirira kukungurirwa kwevapauki.

Isa. 9:7

Umambo hwake unozoramba wechikura, kuchaapo kunyarara kusina magumo padendemaro raDhavhidha nepaumambo hwake. Unozouemesa nokuugwinyisa ngokutonga kwakanaka nokururama, kubvira zvinopano mhera nariini. Kugwinyisisa kwaMambo Mwari wehondo kunozoita izvi.

Dha. 7:14

Kwakapuwa kwaari kutonga, nouthende, noumambo, kuti vanhu veshe, madzinza nendimi vamushandire. Kutonga kwake kutonga mhera nariini, akuzopindi, noumambo hwake huri husikazoparadzwi.

Mateu 11:27

Zviro zveshe zvakahinwa kwendiri ndiBaba angu. Akuna unozia Mukororo, ndiBaba ega. Akunazve unozia Baba, asi Mukororo ega, nouwo waanoda kumupangidzira Mukororo.

Mateu 28:18

NaJesu wakauya kwavari, akaereketa kwavari echiti, “Simba reshe rakapuwa kwendiri mudenga nomunyika.

Ruka 10:22

Zveshe zvakapuwa kwendiri ndiBaba angu; akuna naumwe unozia Mukororo kuti ndiani, kwega Baba, nokuti Baba kuti ndiani, kwega Mukororo nouwozve waanoda Mukororo kuti amuonise kwaari Baba.”

Johani 13:3

Jesu, echizia kuti Baba vaiya vamupa zveshe munyara dzake nokuti wakabva kunaMwari nokuti unoenda kunaMwari,

Johani 17:11

Andichimwopi munyika, asi vachirimwo munyika, neni ndouya kwomuri. Baba Vakachena, vangwarirei muzina renyu, iro romwakandipa, kuti vaite umwe kudai tisu tiri umwe.

Johani 17:12

Apo ndichinavo, ndakavangwarira muzina renyu, iro romwakandipa. Ndakavarinda, akuna naumwe wavo wakarashika, asi mukororo wokurashwa, kuti zvinyorwa zvizadzisike.

Johani 17:5

Nazvino imwimwi, Baba, ndiirikidzei mwemene ngokuirikidzwa ukwo kwendaiya nakwo nemwi, ngepamberi nyika isati yasikwa.

Zvak. 5:31

Iye Mwari wakamumirudza ngokumudyo kwake kuti aite Mutungamiriri noMuponesi, kuti ape kutenderuka kuvaIsuraeri nokukungurirwa zvishaishi.

Vaefesu 1:10

kudai ngourongwa hwokuzarisika kwenguva, kuti aunganidze zviro zveshe mwaari Kristu, zviro zvomudenga nezviro zvomunyika.

Vakorose 1:18

Ndiye soro romuiri, chiara; ndiye maambo, dangwe rokumuka kubva kwevakafa, kuti iye aite mukuru muzviro zveshe.

2 VaTes. 1:12

kuti zina raMambo wedu Jesu riirikidzwe mwomuri, nemwi muirikidzwe mwaari, kudai ngezvakaita nyasha dzaMwari wedu naMambo Jesu Kristu.

Vahebheru 1:4

Mukororo wakapinda kunaka kunengirosi, ngokuti wakagara nhaka yezina rakapinda kunaka kuneradzo.

Vahebheru 1:9

Iwewe wakada kururama, wakanyenya kushata; ndizvo Mwari, Mwari wako, wakakudzodza ngemafuta okudakara kupinda vangani vako.”

Vahebheru 12:2

techiringira kunaJesu, muambi nomupedzi wokugonda kwedu, uwo ngendaa yokudakara kwakaiswa pamberi pake, wakashingirira muchinjiko, asikaerengi chimene chawo, wakagara pashi ngokumudyo kwedendemaro raMwari.

Vahebheru 2:9

Asi tinoona Jesu, uwo wakaitwa mudoko pashi pengirosi kwenguva doko, asi zvino akapfekedzwa dzungudza routhende nokuremeredzwa ngendaa yokutambudzika kworufu, kuti ngenyasha dzaMwari araire rufu ngendaa yomunhu weshe.

1 Pet. 3:22

Uwo wakaenda mudenga, uri ngokumudyo kwaMwari, nengirosi, vatongi nevane simba vanomupfaira.

2 Pet. 1:17

Ngokuti wakaashira kuremeredzwa nouthende zvakabva kunaMwari Baba, apo izwi iro rakauya kwaari rechibva kuuthende hwakakurisisa rechiti, “Uyu ndiye Mukororo wangu unodikanwa, wendinonasa kudakara ndiye.”

3 Joh. 1:7

ngokuti ngendaa yeiro zina vakabuda kuenda, vasikatori chiro kubva kunevemadzinza.

Chakapangijihwa 1:5

nokunobva kunaJesu Kristu uri chapupu chakagondeka, dangwe rokumuka kwevakafa, nomutongi wemadzimambo enyika. Kwaari uwo wakatida, akatisunhura kubva kuzvishaishi zvedu ngengazi yake,

Chakapangijihwa 11:15

Zvino ngirosi yechinomwe yakaridza hwama yayo, kwakazwika mazwi makuru mudenga echiti, “Umambo hwenyika hwaita umambo hwaMambo wedu nohwaKristu wake, naye unozotonga mhera nariini nariini.”

Chakapangijihwa 19:16

Naye unezina rakanyorwa padera pechokufuka chake nepachizva chake kuti, “MAMBO WEMADZIMAMBO NOMUTONGI WEVATONGI.”

Chakapangijihwa 3:21

Iye unonyisa, ndinozomuita kuti agare neni padendemaro rangu, kudai ndini ndakanyisawo, ndikagara naBaba angu padendemaro ravo.

Chakapangijihwa 5:12

dzechiti ngeizwi guru, “Rakasisira Gwai iro rakaurawa kuashira simba, upfumi, ungwaru, kugwinya, kuremeredzwa, uthende nokukudzwa!”