Vafiripi 1:6 - Bhaibheri Rakachena muChindau

⁶ Ndechigonda ichi, kuti uwo wakatanga mushando wakanaka mukati mwenyu unozouita kuti uperere metsa pazuva raJesu Kristu.

NOVO TESTAMENTO EM NDAU

⁶ Ndechigonda ichi: Kuti iye wakatanga mushando wakanaka mukati mwenyu unozoupeja mbhera rigume zuva ra Jesu Kristu.

Vafiripi 1:6 Iomraidhean Croise

Nduyo 138:8

Mambo Mwari unozopereresa izvo zvaanoda kwendiri; nyasha dzako dzinorudo, A Mambo Mwari, dzinogara mhera nariini. Usarekera mishando yenyara dzako. KuneMutungamiriri woKuemba. Nduyo yaDhavhidha.

Johani 6:29

Jesu wakapingura, akati kwavari, “Uyu ndiwo mushando waMwari kuti mutende uwo waakatuma.”

Zvak. 11:18

Naapo vazwa izvi, vakanyarara. Vakakudza Mwari vechiti, “Ndizvo Mwari wakapawo kunevemadzinza kutenderuka kuti vapone.”

Zvak. 16:14

Nomudzimai umwe wakatizwa, zina rake raizwi Ridhia, mutengesi wemachira akatsvukuruka, wedhorobha reThiatira, uwo waidira Mwari. Mambo wakabeura mwoyo wake kuti apurutane izvo zvakaereketwa ndiPhauri.

1 VaK. 1:8

Uwo unozomugwinyisawo metsa kumagumo, kuti muite vasikaitirwi ndaa ngezuva raMambo wedu Jesu Kristu.

2 VaK. 1:15

Mukugonda uku ndaipinimidza kuti nditange kuuya kwomuri, kuti mufumiswe kwechipiri.

2 VaK. 2:3

Neni ndakanyora ichi kwomuri kuti ndoogumeyo, ndisazotambudzika ngaavo vendinosisira kudakara ndivo; ndechigonda kwomuri mweshe kuti kudakara kwangu ndikwo kudakara kwenyu mweshe.

2 VaK. 7:16

Ndinodakara kuti ngezviro zveshe ndinogonda ndimwi.

2 VaK. 9:4

kuti kusazoitika, kuti kunyazwi ngeiri njira, kudai vechiuya neni vamweni veMasedhonia, vamuone musikazi kunasirira, isusu, (ndisikaronzi imwimwi), tingazotsverudzwa ngokugonda uku.

Vagaratiya 5:10

Ndinogonda munaMambo, kuti amuzotori mukarakadzo umweni. Asi kunyazwi ndiani unomukangaidza unozodzitwarira kutongwa kwake.

Vaefesu 4:12

kuti vakacheneswa vanasirirwe kumushando wokushandira, kuaka muiri waKristu,

Vafiripi 1:10

kuti muedze muzie zviri zvakapinda kunaka, kuti muite vakacheneswa vasina ndaa metsa pazuva raKristu,

Vafiripi 1:29

Ngokuti kwakatenderwa kwomuri nguva ngenyasha, haiwa yokutenda kwega munaKristu, asi yokutambudzika ngendaa yake,

Vafiripi 2:12

Ndizvo, vanodikanwa vangu, kudai ngezvemwakandipurutana ngenguva dzeshe, haiwa panguva dzendiripo dzega, asi zvino munopinda kakurutu apo ndisipo, shandirai ruponeso rwenyu mukutya nomukuhuta;

Vafiripi 2:13

ngokuti ndiye Mwari unoshanda mukati mwenyu, echimuita kuti mukone mweshe kuda nokushandira kudakara kwake kwakanaka.

Vafiripi 2:16

Ngokubatisisa izwi rokupona kunoita kuti ndiwe nacho chokuganza ndicho ngezuva raKristu, kuti andizi kutera kurumba pasina shwiro nokuti kutera kushanda pasina shwiro.

Vakorose 2:12

apo pemwakaikwa pamwepo naye murubhabhatidzo, rwemwakamuswazve pamwepo naye kubudikidza ngokugonda musimba raMwari uwo wakamumusa kubva kwevakafa.

1 VaTes. 1:3

Tinogara techimukarakadza pamberi paMwari naBaba edu ngomushando wenyu wokugonda nokushandira kwenyu murudo nokusengerera kwokugonda munaMambo wedu Jesu Kristu.

2 VaTes. 1:11

Ngeiyi ndaa isusu tinomukumbirira nguva dzeshe, techikumbira kuti Mwari wedu amuite vanosisira mukudaidza kwake nokuzadza ngesimba rake rokudisisa kweshe kuita zvakanaka nomushando wokugonda,

2 VaTes. 3:4

Nesu tine gonda munaMambo ndimwi, kuti munoita munozoitazve zviro zvetinomupanga.

Firimoni 1:21

Ndechigonda kupurutana kwako ndinonyora kwouri, ndechizia kuti unozoita zvinopinda zvendaronza.

Vahebheru 10:35

Ndizvo musarasha kushinga kwenyu, ukwo kuno musharo mukurutu.

Vahebheru 12:2

techiringira kunaJesu, muambi nomupedzi wokugonda kwedu, uwo ngendaa yokudakara kwakaiswa pamberi pake, wakashingirira muchinjiko, asikaerengi chimene chawo, wakagara pashi ngokumudyo kwedendemaro raMwari.

1 Pet. 5:10

Zvino Mwari wenyasha dzeshe, uwo wakamudaidza kuuthende hwake husikaperi huri munaKristu Jesu, mwambotambudzika mukuwo mudoko, iye emene unozomupererisa, unozomuemesa, unozomugwinyisa nokumutseya.

2 Pet. 3:10

Asi zuva raMambo rinozoguma kudai ngembavha; naapo matenga anozopinda nokutinhira kukuru, nezvomudenga zvinozonyunguruka ngokupishwa ngomuriro, nenyika nemishando iri mukati mwayo zvinozopishwa.