Vafiripi 1:4 - Bhaibheri Rakachena muChindau

⁴ ngenguva dzeshe mukukumbira kwangu kweshe ndimwi mweshe ndinokumbira ngokudakara,

NOVO TESTAMENTO EM NDAU

⁴ ngo nguva jese mukukumbira kwangu kwese ndimwi mwese, ndinokumbira ngo kudakara,

Vafiripi 1:4 Iomraidhean Croise

Marku 5:5

Nguva dzeshe masikati nousiku waigara mumaiba nomumitunhu echiiboorera, echidzicheka ngemapuwe.

Ruka 15:10

Ngokudaro ndinoti kwomuri, kuripo kudakara pamberi pengirosi dzaMwari ngendaa yomushaishi umwe watenderuka.”

Ruka 15:7

Ndinoti kwomuri, ngokudaro kunozoapo kudakara mudenga ngendaa youmwe mushaishi watenderuka kupinda kudakara ngemakumi mapfumbamwe nemapfumbamwe vari vakarurama vasikatami kutenderuka.

Varoma 1:9

Ngokuti Mwari uwo wendinoshandira mumweya wangu muvhangeri roMukororo wake, ndiye chapupu changu, kuti ndinomukarakadza ngenguva dzeshe mumikumbiro yangu,

Vafiripi 2:2

itai kuti kudakara kwangu kuite kwakaperera; muite vane mupinimidzo umwe, munerudo rumwe nechisungo chimwe nomupinimidzo umwe.

Vafiripi 3:18

Ngokuti vazhinji vanohamba kudai ngemagaa omuchinjiko waKristu; ndakamuronzera ndivo kazhinji, nazvino ndinomuronzera ngokuchema.

Vafiripi 4:1

Ndizvo, hama dzangu, avo vendinoda nevendinoshuwira, kudakara kwangu nedzungudza rangu, ngokudaro emai mwakagwinya munaMambo, vanodikanwa vangu.

Vakorose 2:5

Ngokuti kunyazwi ndisipo ngomuiri, asi ndinemwi mumweya, ndechidakara, ndechiringira kuzwanana kwenyu nokugwinya kwokugonda kwenyu munaKristu.

1 VaTes. 1:2

Tinobonga Mwari nguva dzeshe ndimwi mweshe, techimukarakadza mumikumbiro yedu.

Firimoni 1:7

Ngokuti ndinodakara kakurutu nokugwinyiswa murudo rwako, ngokuti mwoyo yevakacheneswa yakagwinyiswa kubudikidza ndiwe, hama yangu.

2 Joh. 1:4

Ndinodakara kakurutu ngokuti ndakaona vamweni vevana venyu vechihamba mukati mwegwinyiso, kudai ngezvetakaashira mupango kubva kunaBaba.