Vafiripi 1:1 - Bhaibheri Rakachena muChindau

¹ Phauri naThimothi, varanda vaKristu Jesu, ndinonyorera kwavari veshe vakacheneswa munaKristu Jesu avo vari muFiripi, pamwepo nevatungamiriri vakuru vechiara nevadetseri.

NOVO TESTAMENTO EM NDAU

¹ Pauri na Timoti, varanda va Jesu Kristu, kwavari vese vakacheneswa vari kuna Kristu Jesu vari mu Firipi pamwepo no vavonisi no vashandi:

Vafiripi 1:1 Iomraidhean Croise

Marku 13:34

Kwakadai ngomunhu echihamba rwendo kuenda kunyika imweni, iye wakasiya mhatso yake, wakapa varanda vake simba, umwe ngaumwe mushando wake, akapangazve murindi wepamusiwo kuti arinde.

Johani 12:26

Kudai munhu echindishandira, ngaanditeere, kuti pendiri naye muranda wangu unozoapowo; kuti munhu echindishandira, Baba vanozomuremeredza.

Zvak. 1:20

“Ngokuti kwakanyorwa mubhuku reNdwiyo kuti, ‘Ugaro hwake ngahuite shango, munhu asagara mukati mwahwo;’ ‘Mushando wake ngautorwe ngoumweni.’

Zvak. 20:28

Dzingwarirenyi imwimwi pachenyu nedanga reshe remwakaemeswa padera paro ndiMweya Wakachena, kuti muite vangwariri varo, muushe chiara chaMwari, chaakatenga ngengazi yoMukororo wake emene.

Zvak. 9:13

Asi Ananiasi wakapingura echiti, “Mambo, ndakazwa ngevanhu vazhinji ngendaa yomunhu uyu, ngokuwanda kweizvo zvakashata zvaakaita kune vakacheneswa venyu muJerusarema;

Varoma 1:1

Phauri, muranda waJesu Kristu, wakadaidzwa kuita mupostori, wakaemeserwa vhangeri raMwari,

Varoma 1:7

Kwavari veshe vari muRoma vanodikanwa ndiMwari, vakadaidzwa kuita vakacheneswa. Nyasha kwomuri nokunyarara kunobva kunaMwari Baba wedu naMambo Jesu Kristu.

1 VaK. 16:10

Kudai Thimothi echiuya kwomuri, wonai kuti agare pakati penyu pasina chaanotya, ngokuti iye unoshanda mushando waMambo, kudai ngezvendinoita inini;

2 VaK. 1:1

Phauri, mupostori waKristu Jesu ngokuda kwaMwari, naThimothi hama yedu, kuchiara chaMwari chiri muKhorinte, pamwepo nevakacheneswa veshe vari munyika yeshe yeAkhaiya;

Vagaratiya 1:10

Ngokuti inini zvino ndinotsvaka kudiwa ngevanhu here, nokuti kudiwa ndiMwari? Nokuti ndinoedza kudakadza vanhu here? Kudai ndaiya ndichadakadza vanhu, ngokudaro andingaiti muranda waKristu.

Vagaratiya 3:26

ngokuti munaKristu Jesu imwimwi mweshe muri vakororo vaMwari kubudikidza ngokugonda.

Vagaratiya 3:28

Apachina muJudha nokuti muGiriki, apachina wakasungwa nokuti wakasunhurika, apachina mwamuna nokuti mukadzi, ngokuti imwimwi mweshe muri umwe munaKristu Jesu.

Vaefesu 1:1

Phauri, mupostori waKristu Jesu ngokuda kwaMwari, ndinonyorera kwavari vakacheneswa vari muEfesu, avo vanogondeka munaKristu Jesu.

Vaefesu 1:15

Ngeiyi ndaa neniwo, ndakati ndazwa ngokugonda kwenyu munaMambo Jesu norudo rwenyu kunevakacheneswa veshe,

Vaefesu 6:24

Nyasha ngadzigare kwavari veshe vanomuda Mambo wedu Jesu Kristu ngorudo rusikaperi.

Vafiripi 2:19

Asi ndinogonda munaMambo Jesu kutumira Thimothi kwomuri ngokukasira kuti neni ndidakadzwe ngemashoko enyu.

Vafiripi 2:5

Uyu mupinimidzo ngaugare mukati mwenyu uwo waiya mukati mwaKristu Jesu,

Vafiripi 3:12

Andikwopi kuti ndatohanira ichi nokuti kuita waperera zvino; asi ndinoangirira kuenda mberi kuti chiite changu icho chaakandibatira Kristu Jesu.

Vafiripi 3:3

Ngokuti tisu tiri vakachekwa, avo vanodira Mwari muMweya nokuganza munaKristu Jesu, tisikagondi munyama,

Vafiripi 3:8

Eya ngegwinyiso, ndinoerenga zveshe kuti zviri zvisina shwiro ngendaa yokunaka kukurutu kwokumuzia Kristu Jesu, Mambo wangu. Ngendaa yake ndakatambudzika ngokurashikirwa ngezviro zveshe, neni ndinozvierenga kuti zviri marara, kuitira kuti ndiuyirwe ndiKristu,

1 VaTes. 1:1

Phauri, Sirivhanusi naThimothi, ndinonyorera kuchiara chevaThesaronika chiri munaMwari Baba nomunaMambo Jesu Kristu. Nyasha nokunyarara ngazvigare nemwi.

1 VaTes. 2:2

asi kunyazwi takatambudzika pakutanga nokuitirwa zvinotsverudza muFiripi, kudai ngezvomunozia, takatsunga munaMwari wedu kuereketa kwomuri vhangeri raMwari ngokutambudzika kukurutu.

2 VaTes. 1:1

Phauri, Sirivhanusi naThimothi, ndinonyorera kuchiara chevaThesaronika chiri munaMwari Baba edu naMambo Jesu Kristu.

2 VaTes. 1:10

apo paanouya kooirikidzwa ngevakacheneswa vake nokushamiswa pakati pavo veshe vanotenda, ngeiro zuva, ngokuti uchapupu hwedu kwomuri hwakatendwa.

1 Tim. 1:2

ndinonyorera kunaThimothi, mwana wangu wegwinyiso mukugonda. Nyasha nokukungurirwa nokunyarara zvinobva kunaMwari Baba naKristu Jesu Mambo wedu ngazvigare newe.

1 Tim. 3:8

Ngokudaro vashandi vanosisira kuti vaite vanoremeredzeka, vasina mazwi mairi, vasikanyanyi kumwa vhini, vasikakariri mare.

Titosi 1:1

Phauri, muranda waMwari nomupostori waJesu Kristu, kudai ngokugonda kwevakatsanangurwa vaMwari noruziyo rwegwinyiso rwokudira Mwari,

Titosi 1:7

Ngokuti kunosisira kuti mutungamiriri mukuru wechiara aite usikashooreki, kudai ngezvaari muranda waMwari, usina mutinini, usikakasiri kutseneka, usikadi vhini, usikaiti hohoho, usikadisisi pfuma,

Firimoni 1:1

Phauri, bhanditi raKristu Jesu, naThimothi hama yedu, ndinonyorera kunaFiremoni mungani wedu unodikanwa nounoshanda pamwepo nesu,

Vahebheru 13:23

Ndinoda kuti muzie kuti hama yedu Thimothi wakasunhurwa kubva mutirongo; kuti iye akakasira kuuya, ndinozouya pamwepo naye apo ndouya koomuona.

Jakobe 1:1

Jakobe, muranda waMwari nowaMambo Jesu Kristu, ndinonyorera kumadzinza gumi namairi akapararira, ndinomuchingamidza.

1 Pet. 2:25

Ngokuti mwaiya mwechipepesheka kudai ngemakwai, asi zvino mwapetuka kuMuushi noMungwariri womweya yenyu.

2 Pet. 1:1

Simoni Petro, muranda nomupostori waJesu Kristu, ndinonyorera kwavari vakaashira kugonda kunomutengo mukuru kwakadai ngokwedu kubudikidza ngokururama kwaMwari wedu noMuponesi Jesu Kristu.

Judha 1:1

Judha, muranda waJesu Kristu, hama yaJakobe, ndinonyorera kwavari vakadaidzwa, vanodikanwa munaMwari Baba, vanongwaririrwa Jesu Kristu.

Chakapangijihwa 1:1

Chakapangidzirwa chaJesu Kristu, chaakapuwa ndiMwari kuti apangidzire varanda vake izvo zvinosisira kuitika ngokukasira; naye wakaita kuti zviziikanwe ngokutumira ngirosi yake kumuranda wake Johani,

Chakapangijihwa 1:20

Kudai ngezvakafishika zvenyeredzi nomwe dzawaona munyara yangu yokumudyo, nezvigadzikiro zvezvibani zvinomwe zvomukore, nyeredzi nomwe ingirosi dzezviara zvinomwe nezvigadzikiro zvezvibani zvinomwe zviri zviara zvinomwe.

Chakapangijihwa 19:10

Ndakawa pashi patsoka dzayo kuidira, asi yakati kwendiri, “Ausisiri kuita kudaro! Inini ndiri muranda pamwepo newe nevangani vako, vanobatirira kuuchapupu hwaJesu. Dira Mwari! Ngokuti uchapupu hwaJesu huri mweya wokuprofeta.”

Chakapangijihwa 2:12

“Nyorera ngirosi yechiara chiri muPhergamumu wechiti: ‘Aya ndiwo mazwi ouwo uneshoti inopinza inoupanga huiri.’

Chakapangijihwa 2:8

“Nyorera ngirosi yechiara chiri muSimirna wechiti: ‘Aya ndiwo mazwi ouwo wokuamba nowokugumisira, uwo wakafa, akamukazve.’

Chakapangijihwa 22:9

asi yakati kwendiri, “Ngwara kuti usaita kudaro! Ndiri muranda pamwepo newe nehama dzako vaprofeti, naavo vanongwarira mazwi okuprofeta kwebhuku iri. Dira Mwari!”