Sor. 1:3 - Bhaibheri Rakachena muChindau

³ mafuta ako okuzora anegwema rakanaka, zina rako rinoita kudai ngemafuta adururwa; ndizvo mhandara dzinokuda.

Sor. 1:3 Iomraidhean Croise

Nduyo 133:2

Zvakadai ngemafuta anokosha ari musoro, anoerera kudzaka pamurebvu, pamurebvu waAroni, awo anoerera kudzaka pamupendero wechokusimira chake.

Nduyo 45:14

muzvokupfeka zvinemaara akawanda, unotungamirirwa kuenda kunamambo; sure kwake mhandwe, shamwari dzake, dzinomuteera.

EKISEDHUSI 33:12

Mosi wakati kunaMambo Mwari, “Wona, unoti kwendiri, ‘Kwira uunze ava vanhu;’ asi auzi kundiziisa uwo wounozotuma neni. Asi wakati, ‘Ndinokuzia ngezina rako, newe wakaonazve nyasha mukuona kwangu.’

EKISEDHUSI 33:19

Wakati, “Ndinozoita kuti kunaka kwangu kweshe kupinde pamberi pako; ndinozodaidzira pamberi pako zina raMambo Mwari; ndinozomuitira nyasha uwo wendinoda kuitira nyasha, ndinozoonisa nyasha kwaari wendinoda kuonisa nyasha.”

Mazwi 27:9

Mafuta nomutombo unegwema rakanaka zvinodakadza mwoyo; ndizvo zvinoita kudakadza kwoushamwari hwomunhu kunopinda kunaka kunokudzipanga pachako.

Muchu. 7:1

Zina rakanaka rinopinda kunaka kune mafuta anomutengo mukuru, nezuva rokufa rakanaka kupinda zuva rokubarwa.

Sor. 3:6

Ndiani vanouya kubva mushango vakadai ngesika dzechiushi, vakadzodzwa ngemafuta emure neemakha nembeu dzeshe dzemitombo inonuhwira yakaita uswa yevatengesi?

Sor. 4:10

A kutapiranyi kworudo rwako, hanzvadzi yangu, muroorwa wangu! Kunakanyi kworudo rwako kupinda vhini, negwema remafuta ako kupinda makha eshe okuzora!

Sor. 5:13

Matama ake akadai ngomunda wemakha, unobudisa gwema rakanaka. Miromo yake yakadai ngemaruva egofa, yechidonha mafuta emure.

Sor. 5:5

Ndakamiruka kubeurira mudikani wangu; nenyara dzangu dzakadonha mafuta emure, nezvinwe zvangu zvakadhonha mafuta emure anegwema rakanaka padera pechibato chechivhayo.

Sor. 6:8

Varipo vanahosi makumi matanhatu, nemabunha makumi masere, nemhandara dzisikaperi kuerengwa ngouwandu.

Isa. 61:3

kunasirira izvi avo vanotsumba muZioni; kuvapa dzungudza pandau yemarota, mafuta okudakara pandau yokuchema, jira rokukudza pandau yomweya wokusvipo mwoyo. Vanozodaidzwa kuzwi miokhi yokururama, zvisimwa zvaMambo Mwari, zvinoonisa kuirikidzwa kwake.

Mateu 25:1

“Zvinopano umambo hwomudenga hunoedzaniswa nevasikana varigumi, avo vakatora zvibani zvavo, vakabuda kooshongana nomukwambo.

Johani 12:3

Naapo Maria wakatora mafuta anoda kukwana litha okuzora enarde aidhura naye wakadzodza tsoka dzaJesu, akapukuta tsoka dzake ngebvudzi rake; nemhatso yakazara ngegwema rakanaka remafuta.

2 VaK. 11:2

Ngokuti ndinendurumwa ndimwi ngendurumwa yaMwari; ngokuti ndakamugangisira kumwamuna umweni, kuti ndimuise kunaKristu kudai ngemhandwe ichakazara.

Vafiripi 4:18

Asi ndaanazvo zviro zveshe, ndafumiswa. Ndagutiswa, ndaashira kubva kunaEphafrodhitusi zvipo zvemwakatumira kubva kwomuri, zviri gwema rakanaka, mudiro unoashirika unodakadza kunaMwari.

Chakapangijihwa 14:4

Ava ndivo vasikazi kudzisvipisa ngavakadzi, ngokuti vakadai ngemhandwe; ndivo vanoteera Gwai kweshe kwerinoenda. Vakatengwa kubva pakati pevanhu kuti vaite mitanguro kunaMwari nokuGwai,