Ruthe 4:4 - Bhaibheri Rakachena muChindau

⁴ Ndizvo ndapinimidza kuti ndierekete kwouri ndechiti, ‘Itenge, uri pamberi paava vakagara pano, nepamberi pevakuru vevanhu vangu. Kudai wechida kuiripira, iripire; asi kudai usikazoiripiri, ndironzere, kuti ndizie; ngokuti akuchina umweni ungairipira ngepabanze pako, neinini ndiri sure kwako.’ ” Ndizvo wakati, “Ndinozoiripira.”

Ruthe 4:4 Iomraidhean Croise

Gen. 23:11

“Haiwa, mambo wangu, ndizwei; ndinomupa munda nokumupa bako riri mukati mwawo; mukuona kwevakororo vevanhu vangu ndinoripa kwouri; ika wakafa wako.”

Gen. 23:18

kunaAbrahama kuita nhaka yake mukuona kwevaHiti, pamberi pavo veshe vaipotera ngepamusiwo wedhorobha rake.

Jer. 32:25

Asi iwewe, O Mambo Mwari, Mwari, wakati kwendiri, ‘Tenga uyu munda ngemare, wechitora zvapupu;’ kunyazwi dhorobha rapirwa munyara dzevaKharadhea.”

Varoma 12:17

Musaunzidzira munhu kushata ngendaa yokuitirwa zvakashata, asi tsvakai zvakarurama mukuona kwevanhu veshe.

2 VaK. 8:21

ngokuti tinongwarira kuti zviite zvinoremeredzeka, haiwa kwega mukuona kwaMambo, asi nomukuona kwevanhuwo.

Dhuto. 25:8

Naapo vakuru vedhorobha rake vanozomudaidza, nokuereketa kwaari. Kudai iye echizoema nokuronza kuti, “Andidi kumutora kuita mukadzi,”

Vafiripi 4:8

Pakugumisira, hama, zveshe zviri zvegwinyiso, zveshe zvinoremeredzeka, zveshe zviro zvakarurama, zveshe zviri zvakachena, zveshe zvinodikanwa, zveshe zvine mbiri yakanaka, kudai kuripo kunaka, kudai kuripo kukudzwa, pinimidzai ngeizvi zviro.

Ruthe 2:20

Zvino Naomi wakati kunomuzakazi wake, “Ngaafumiswe ndiMambo Mwari uwo usikazi kurekera nyasha dzake kunevanopona nevakafa.” Naomi wakatizve kwaari, “Uwo munhu ihama yedu, woukama hwedu hwepasinde.”

Ruthe 3:12

Asi zvino kunyazwi igwinyiso kuti inini ndiri hama youkama hwepasinde kwouri, asi zvakanyadaro iripo hama yepasinde yaamho kupinda inini.

Ruthe 3:9

Naye wakati kwaari, “Ndiwe ani?” Naye wakapingura, “Ndiri Ruthe murandakadzi wako; fukidza murandakadzi wako ngejira rako, ngokuti iwewe ndiwe hama yepasinde muripiri.”