Ruthe 4:11 - Bhaibheri Rakachena muChindau

¹¹ Zvino vanhu veshe vaiya pamusiwo, nevakuru vakati, “Tiri zvapupu. Mambo Mwari ngaamuite uwo mukadzi unopotera mumhatso mwako kuti adai ndiRacheri naRea, avo vairi pamwepo vakaaka mhatso yaIsuraeri; ugare nhaka muEfratha, uite unembiri muBhetherehema.

Ruthe 4:11 Iomraidhean Croise

Gen. 23:10

Zvino Efroni waiya akagara pakati pevaHiti, naEfroni muHiti wakapingura Abrahama mukuzwa kwevaHiti, avo veshe vaipotera pamusiwo wedhorobha rake, echiti,

Gen. 24:60

Vakafumisa Rebheka, vakati kwaari, “Iwewe mukunda wedu, ita mai wemakumi emazana gumi, nemibarirwana yako ngainyise madhorobha eavo vanoinyenya!”

Gen. 29:16

Rabhani waiya nevasikana vairi, zina romukuru waiya Rea nezina romudoko raiya Racheri.

Gen. 29:25

Zvino mumangwanani wakaona kuti ndiRea, wakati kunaRabhani, “Chiinyi ichi chowaita kwendiri? Andizi kukushandira here kuti undipe Racheri? Ndizvo zvino wakandichengedzera ngenyi?”

Gen. 29:32

Rea wakaita mimba, akabara mukororo, akadudza zina rake kuti Rubheni, ngokuti wakati, “Ngendaa yokuti Mambo Mwari wakaona kutambudzika kwangu; ngegwinyiso zvino mwamuna wangu unozondida.”

Gen. 35:23

Vakororo vaRea vaiya Rubheni, dangwe raJakobe, Simeoni, Revhi, Judha, Isakha, naZebhuruni.

Gen. 35:24

Vakororo vaRacheri vaiya Josefa naBhenjamini.

1 Madzi. 21:8

Ndizvo wakanyora tsamba ngezina raAhabhi, wakaisa chinamatiso chaAhabi padera padzo, wakatumira tsamba idzo kuvakuru, nokunevakuru vaigara mudhorobha rake raaigara Nabhothi.

1 MaKro. 2:51

Sarima baba aBhetherehema, Harefi baba aBhethigadha.

Nduyo 132:6

Ringira, takazvizwira muEfratha; takazvionera mushango reJaari.

Mazwi 14:1

Mukadzi wakangwara unoaka mhatso yake, asi benzi rinoipwanyira pashi ngenyara dzaro.

Mazwi 31:23

Mwamuna wake unoziikanwa pamisiwo yedhorobha, apo echigara pakati pevakuru venyika.

Jer. 32:10

Ndakanyora zina rangu mutsamba, ndikaikonya ngechidhindo; ndakadaidza zvapupu, ndikamupimira mare pazvipimo.

Mik. 5:2

“Asi iwewe, Bhetherehema Efratha, umwe wemadzinza madoko aJudha, kubva kwouri unozondibudira umwe unozoita mutongi muIsuraeri, uwo maambo ake ngeekaretu, kubva kumazuva ekaretu.”

Mateu 2:6

‘Iwewe Bhetherehema, nyika yaJudha, auri mudoko akadi mukati mwevatongi vaJudha; ngokuti kwouri kunozobuda mutungamiriri uwo ndiye unozoita muushi wevanhu vangu vaIsuraeri.’ ”

Dhuto. 25:7

Nokudai munhu asikadi kutora mukadzi womukoma wake, naapo mukadzi womukoma wake ngaaende kuvakuru pamusiwo wedhorobha, echiti kwavari, “Munun'una wemwamuna wangu unoramba kumuitira zina mukoma wake muIsuraeri; aatendi kuita mushando womukoma wake waiya mwamuna wangu.”

Dhuto. 25:9

naapo mukadzi womukoma wake unozouya kwaari pamberi pevakuru, unozomusunhura gwada rake kubva kutsoka yake, nokumupfira mata muhope mwake; unozoereketa echiti, “Ndizvo zvinoitwa kunomunhu unoramba kumusira dzinza romukoma wake.”

Ruthe 1:2

Zina romunhu uwo raiya Erimerekhi, nezina romukadzi wake raiya Naomi, nemazina evakororo vake vairi aiya Mahironi naKhirioni; vaiya vaEfratha veBhetherehema muJudha. Navo vakauya munyika yeMoabhi vakagaramwo.