Ruthe 4:10 - Bhaibheri Rakachena muChindau

¹⁰ Zve, Ruthe muMoabhi mukadzi waMahironi, ndamutora kuti aite mukadzi wangu, kuti rimusirwe zina rouwo wakafa munhaka yake, kuti zina rouwo wakafa risazodzimwa kubva pakati pehama dzake, nokubva pamusiwo wendau yake; imwimwi muri zvapupu ngeiri zuva.”

Ruthe 4:10 Iomraidhean Croise

Gen. 29:27

Pedzisa vhiki rouyu, nesu tinozokupa umweniwo ngomushando wounozondishandira makore amweni manomwe.”

Gen. 38:9

Onani wakazia kuti vana avazoiti vake; ndizvo apo oopotera kunomukadzi womukoma wake, wairashira mbeu pashi pamavhu, kuitira kuti asazopa vana kunomukoma wake.

Nduyo 109:15

Ngazvigare zviripo pamberi paMambo Mwari, kuti adzime kukarakadzwa kwake munyika.

Nduyo 34:16

Hope yaMambo Mwari inotsenekera avo vanoita zvakashata, kugura kukarakadzwa kwavo panyika.

Mazwi 18:22

Uwo waona mukadzi waona chiro chakanaka, nokuona nyasha kubva kunaMambo Mwari.

Mazwi 19:14

Mhatso noupfumi inhaka inobva kuvabereki, asi mukadzi wakangwara unobva kunaMambo Mwari.

Isa. 48:19

Mibarirwana yako yaizodai ngejecha, nevana vako vaizodai ngomicheche yaro; zina ravo arizobviswi, nokuti kuparadzwa kubva pamberi pangu.”

Hos. 12:12

Jakobe wakatizira kunyika yeAramu, iyo Isuraeri wakashandira kupuwa mukadzi; kuti apuwe mukadzi, wakausha makwai.

Hos. 3:2

Ndizvo ndakamutenga ngezvigurwa zvesirivha gumi nezvishanu, nedengu rebare, nechipimo chevhini.

Zek. 13:2

Pazuva iro, unoronza Mambo Mwari wehondo, ndinozobvisa mazina emiedzaniso yokudira munyika, aichazokarakadzwi nakamwe. Ndinozodusa vaprofeti nemweya inetsvina kubva munyika.

Mar. 2:14

Munobvunza mwechiti, “Ngenyi asikaiti?” Ngokuti Mambo Mwari uri chapupu pakati pako nomukadzi woutsva hwako, uwo wousikazi kugondeka kwaari, kunyazwi mungani wako, nomukadzi wechitenderano chako.

Vaefesu 5:25

Vamuna, idai vakadzi venyu, kudai ndiKristu wakachida chiara, akadzipira ngepamusoro pacho,

Dhuto. 25:6

Kunozoitika kuti dangwe raanozobereka ndiye rinozogara nhaka yezina romukoma wake wakafa, kuti zina rake risazorova muIsuraeri.

Vahebheru 13:4

Kuroora ngakuremeredzwe ngevanhu veshe, nomubhedhi wakwo auzi kusvipiswa; ngokuti Mwari unozotonga zvifebi nevaombi.

Josh. 7:9

Ngokuti vaKhenani navo veshe vagari venyika vanozochizwa, vanozotitendenedza, kundau dzeshe, vanozodzima zina redu kubva padera penyika. Zvino unozoitenyi kunezina rako guru?”

Ruthe 4:9

Zvino Bhoazi wakati kuvakuru nokuvanhu veshe, “Imwimwi muri zvapupu nyamashi, kuti ndatenga izvo zveshe zvaiya zvaErimerekhi, nazveshe zvaiya zvaKhirioni nezvaiya zvaMahironi, kubva munyara dzaNaomi.