Ruthe 3:7 - Bhaibheri Rakachena muChindau

⁷ Naapo Bhoazi aiya adya nokumwa nomweya wake waidakara, wakaenda kooata kumagumo kwomurwi wekoroni. Zvino Ruthe wakauya ngokunyarara, akafukura tsoka dzake, akaata pashi.

Ruthe 3:7 Iomraidhean Croise

Gen. 43:34

Wakavakoanisira tsima kubva pamberi pake, asi tsima yaBhenjamini yakahwirinzirwa kashanu kune dzavo veshe. Vakamwa, vakadakara naye.

2 Sam. 13:28

Zvino Abhusaromu wakapanga varanda vake echiti, “Ringisisai zvino apo mwoyo waAmunoni aradza ngevhini, naapo ndinozoti kwomuri, ‘Bayai Amunoni,’ naapo muurayenyi. Musatya; ngokuti andinipi here ndamupanga? Itai vanoshinga ngwazi.”

1 Madzi. 21:7

Mukadzi wake Jezebheri wakati kwaari, “Andiwepi here mutongi, mambo waIsuraeri? Miruka, udye kudya, kuti mwoyo wako udakare; inini ndinozopa munda wemivhini waNabhothi muJezireeri kwouri.”

Esita 1:10

Ngezuva rechinomwe apo mwoyo wamambo wechidakara ngevhini, wakapanga Mehumani, Bhizitha, Habhona, Bhigitha, Abhagitha, Zetha naKharkasi, mithenwa minomwe yaishanda pamberi pamambo Ahasuerusi,

Nduyo 104:15

nevhini rinodakadza mwoyo yomunhu, nemafuta anoita kuti hope in'anikire, nechingwa chinogwinyisa mwoyo womunhu.

Muchu. 10:19

Dhiri rinoitirwa kudakara, nevhini rinoitirwa kudakadzwa, nemare inokwanisa izvo zveshe zvinodiwa.

Muchu. 2:24

Akuna chiro chakanaka kunomunhu kupinda kudya nokumwa, nokuti mweya wake udakare mukunaka kwomushando wake. Ichiwo ndakaona kuti chakabva munyara yaMwari,

Muchu. 8:15

Ndizvo ndakairikidza kudakara, ngokuti apana chiro chakapinda kunaka pashi pezuva chinopinda kudya nokumwa, nokudzikudza pachake, ngokuti ichi chinozoenda naye mukushanda kwake mumazuva eshe okupona kwake kwaanopuwa ndiMwari pashi pezuva.

Muchu. 9:7

Enda hako, udye kudya kwako ngokudakara, wechimwa vhini rako unomwoyo unodakara; ngokuti Mwari unoashira mishando yako.

1 VaK. 10:31

Ndizvo kunyazwi mwechidya nokuti mwechimwa, kunyazwi chiinyi chomunoita, itai zveshe mukukudza Mwari.

Vaefesu 5:18

Musaradza ngevhini, iro rinopara kusikadzibata, asi mwechizadzwa ndiMweya,

Vato. 16:25

Apo mwoyo yavo yaiya yechidakara, vakati, “Daidzai Samusoni, kuti ambotitambira.” Ndizvo vakadaidza Samusoni kubva kumhatso yetirongo; naye wakavatambira. Vakamuisa pakati pesika;

Vato. 19:22

Zvino vachadakadzisa mwoyo yavo, penya, vamuna vedhorobha, vanhu vakashata, vakatendenedza mhatso, vakakuhudza pamusiwo. Vakaereketa nomunhu wemhatso, uwo musharuka, vechiti, “Budisai uwo munhu wapotera mumhatso yako, kuti tiite kwaari kudai ngomukadzi.”

Vato. 19:6

Ndizvo vamuna vairi avo vakagara pashi, vakadya nokumwa vari pamwepo; baba omusikana akati kunomunhu uwo, “Tenda, ndinokupota kuti uate usiku hweshe, nomwoyo wako ngaudakare.”

Vato. 19:9

Naapo munhu nebunha rake pamwepo nomuranda wake amiruka kuti aende, vazvere vake, baba omusikana, vakati kwaari, “Ringira zvino, zuva rodo kubira. Ndinokupota, atazve pano, kuti mwoyo wako udakare, namangwani unozofumira kuenda njira yako, kuti ugume kanyi.”

Ruthe 3:6

Ndizvo wakadzaka kumbuwa, wakaita zveshe zvaakaronzerwa ndimazvarira ake.

Ruthe 3:8

Pakati pousiku, munhu uwo wakakaruka, wakadzitsanduridza; akaona mudzimai akaata kutsoka dzake.