Ruthe 2:4 - Bhaibheri Rakachena muChindau

⁴ Zvino apapo Bhoazi wakaguma echibva Bhetherehema, wakati kuvacheki, “Mambo Mwari ngaa nemwi.” Navo vakamupingura kuti, “Mambo Mwari ngaakufumise.”

Ruthe 2:4 Iomraidhean Croise

Gen. 18:19

Haiwa, ngokuti ndakamutsanangura kuti apange vana vake nevemhatso yake vanozouya sure kwake, kuti vangwarire njira yaMambo Mwari, kuti vaite zvakarurama nokutonga kwakanaka; kuti Mambo Mwari aunze padera paAbrahama izvo zvaakamugondisa.”

Gen. 28:3

Mwari Unesimba-reshe ngaakufumise, aite kuti mubarane, amuwanze, kuti muite dzinza guru revanhu.

1 MaKro. 2:51

Sarima baba aBhetherehema, Harefi baba aBhethigadha.

Nduyo 118:26

Unomuchena uwo unouya ngezina raMambo Mwari. Tinokukudza tiri mumhatso yaMambo Mwari.

Nduyo 134:3

Mambo Mwari, musiki wedenga nenyika, ngaamufumise ari muZioni.

Jer. 31:23

Izvi ndizvo zvinoronza Mambo Mwari wehondo, Mwari waIsuraeri: Vachazoereketazve mazwi aya munyika yaJudha, nomumadhorobha ayo, apo ndinozovapetudza kubva muubatwa hwavo, “Mambo Mwari ngaakufumise, O ugaro hwokururama, O mutunhu wakacheneswa.

Zvi. 6:24

“Mambo Mwari ngaamufumise nokumungwarira.

Ruka 1:28

Nayo yakapotera kwaari ikati, “Mwauya, iwewe waona nyasha, Mambo Mwari unewe!”

2 VaTes. 3:16

Zvino Mambo wokunyarara emene ngaamupe kunyarara nguva dzeshe nenjira dzeshe. Mambo ngaagare nemwi mweshe.

1 Tim. 6:2

Avo vane madzimambo anotenda vasazovashoora ngokuti ihama, asi vanosisira kuvashandira, ngokuti avo vanoashira kudetserwa vari vatendi nevanodikanwa. Dzidzisa nokupanga izvi.

2 Tim. 4:22

Mambo ngaagare nomweya wako. Nyasha ngadzigare nemwi.

Josh. 24:15

Zvino kudai zvechioneka kwomuri kuti zvakashata kumushandira Mambo Mwari, tsanangurai nyamashi uwo womunozoshandira; pamweni zvimwari zvakashandirwa ngemadzibaba enyu aiya ngoruseri rworwizi, nokuti zvimwari zvevaAmori, vomunogara munyika yavo; asi kwendiri inini nevemhatso yangu, tinozoshandira Mambo Mwari.”

Vato. 6:12

Ngirosi yaMambo Mwari yakaoneka kwaari, yakati kwaari, “Mambo Mwari unewe, iwewe ngwazi inesimba.”

Vato. 6:16

Asi Mambo Mwari wakati kwaari, “Ngegwinyiso ndinozoa newe, newe unozouraya vaMidhiani kudai ngomunhu umwe.”

Ruthe 2:3

Ndizvo wakaenda, akaguma, akanongeredza mumunda sure kwevacheki. Echinongeredza kudaro wakaguma kurupande rwomunda waBhoazi, uwo waiya wemhuri yaErimerekhi.

Ruthe 2:5

Zvino Bhoazi wakati kumuranda wake waiya mukuru wevacheki, “Ngowani uyu mudzimai uchiri mudoko?”

Ruthe 4:11

Zvino vanhu veshe vaiya pamusiwo, nevakuru vakati, “Tiri zvapupu. Mambo Mwari ngaamuite uwo mukadzi unopotera mumhatso mwako kuti adai ndiRacheri naRea, avo vairi pamwepo vakaaka mhatso yaIsuraeri; ugare nhaka muEfratha, uite unembiri muBhetherehema.

1 Sam. 17:37

Dhavhidha wakatizve, “Mambo Mwari uwo wakandinunura kubva munyara dzemhondoro nokunyara dzebheya, unozondinunurazve kubva kunyara youyu muFiristia.” Ndizvo Sauri wakati kunaDhavhidha, “Enda, Mambo Mwari ngaanewe.”