Ruthe 2:20 - Bhaibheri Rakachena muChindau

²⁰ Zvino Naomi wakati kunomuzakazi wake, “Ngaafumiswe ndiMambo Mwari uwo usikazi kurekera nyasha dzake kunevanopona nevakafa.” Naomi wakatizve kwaari, “Uwo munhu ihama yedu, woukama hwedu hwepasinde.”

Ruthe 2:20 Iomraidhean Croise

2 Sam. 2:5

Dhavhidha wakatuma nhumwa kuvamuna veJabheshigireadhi echiti kwevari, “Mambo Mwari ngaamufumise, ngokuti mwakaonisa nyasha iyi kunamambo wenyu, Sauri, ngokumuika!

2 Sam. 9:1

Dhavhidha wakabvunza echiti, “Uchiyo here wakasara wemhatso yaSauri, uwo wendingaonisa nyasha ngendaa yaJonathani?”

Jobe 19:25

Ngokuti ndinozia kuti muripiri wangu unopona, naye pakugumisira unozoema padera penyika.

Mazwi 17:17

Mungani unorudo mukuwo weshe, nehama inoberekwa kuti idetsere mukutambudzika.

Revhi 25:25

“Kunyazwi ndiani wehama yako akaita murombo, orootengesa rupande rwenhaka yake, nokudai umwe wehama dzake echiuya kuiripira, naapo unozoripira iyo yakatengeswa ngehama yake.

Vafiripi 4:10

Inini ndinodakara kakurutu munaMambo kuti zvino pakupedzisira mwakamusirira kupinimidza ndini; ngegwinyiso mwaipinimidza ndini, asi mwakatama mukuwo wokuzvionisa.

Ruthe 2:21

Zvino Ruthe muMoabhi wakati, “Watizve kwendiri, ‘Newe unozogara uri pasinde pevaranda vangu, metsa vapedze kukukura kwangu kweshe.’ ”

Ruthe 3:12

Asi zvino kunyazwi igwinyiso kuti inini ndiri hama youkama hwepasinde kwouri, asi zvakanyadaro iripo hama yepasinde yaamho kupinda inini.

Ruthe 4:14

Zvino madzimai akati kunaNaomi, “Ngaatendwe Mambo Mwari, uwo usikazi kukusiya nyamashi usina hama, kuti zina rake riirikire muIsuraeri!

Ruthe 4:4

Ndizvo ndapinimidza kuti ndierekete kwouri ndechiti, ‘Itenge, uri pamberi paava vakagara pano, nepamberi pevakuru vevanhu vangu. Kudai wechida kuiripira, iripire; asi kudai usikazoiripiri, ndironzere, kuti ndizie; ngokuti akuchina umweni ungairipira ngepabanze pako, neinini ndiri sure kwako.’ ” Ndizvo wakati, “Ndinozoiripira.”

Ruthe 4:6

Pane izvi, hama yakati, “Andikoni kuiripira inini pachangu, ngokuti ndingazoshaishira nhaka yangu. Tora iwewe kutenderwa kwangu kwokuripira kuita nhaka yako, ngokuti inini andingairipiri.”