Ruthe 2:12 - Bhaibheri Rakachena muChindau

¹² Mambo Mwari ngaaunzidzire mushando wako, nomusharo wakazara ngaupuwe kwouri ndiMambo Mwari, Mwari waIsuraeri, uwo pashi pemaphaphiro ake iwewe wakauya koohwara kwaari.”

Ruthe 2:12 Iomraidhean Croise

Nduyo 17:8

Ndingwarire kudai ngemboni yedziso; ndifishe pashi pomumvuri wemaphaphiro ako,

Nduyo 19:11

Ndizvozve muranda wako unonyowedzwa; mukuzvingwarira zvino musharo mukuru.

Nduyo 36:7

A, kunakanyi kwenyasha dzako dzinorudo, A Mambo Mwari! Vanhu veshe vanohwara pashi pomumvuri wemaphaphiro ako.

Nduyo 57:1

Ndiitire nyasha, A Mwari, ndiitire nyasha, ngokuti mweya wangu unohwara mwouri; mubvuri remaphaphiro ako ndinozohwara, metsa dutu rinoparadza rapinda.

Nduyo 58:11

Vanhu vanozoti, “Ngegwinyiso uriyo musharo wevakarurama. Ngegwinyiso uriyo Mwari unotonga panyika.” KuneMutungamiriri woKuemba. Nduyo yaDhavhidha apo Sauri atumira vanhu koorinda mhatso yaDhavhidha kuti amuuraye.

Nduyo 61:4

Ngandigare mutende rako mhera nariini, ndihware mubvute pashi pemaphaphiro ako. Selah.

Nduyo 63:7

ngokuti iwewe waiya kudetswa kwangu, ndinozodakara ndiri mumumvuri wemaphaphiro ako, ndinoemba ngokudakara.

Nduyo 91:4

Unozokufukidza ngemaphaphiro ake, newe unozohwara pashi pemaphaphiro ake; ugondeki hwake chihlangu nechokudzivhikira ndicho.

Mazwi 11:18

Munhu wakashata apana chaanouyirwa ndicho, asi uwo unokusha kururama unoona musharo kwawo.

Mazwi 23:18

Ngegwinyiso zviripo zvichauya, nemagondero ako aazogurwi.

Jer. 31:16

Izvi ndizvo zvinoronza Mambo Mwari: Nyarara izwi rako kubva mukuchema, nemadziso ako asachema masodzi; ngokuti mushando wako unozoripirwa, unoronza Mambo Mwari. Vanozopetuka kubva kunyika yemagaa.

Mateu 23:37

“Jerusarema, Jerusarema, iwewe unouraya vaprofeti, wechivaponda ngemapuwe avo vanotumwa kwouri, kuwandanyi kwemikuwo yendakada kuunganidza vana vako pamwepo, kudai ngemhambo inounganidza zvitiyo zvayo pashi pemaphaphiro ayo, nemwi amuzikutenda!

Mateu 5:12

Dakarai, mwechidakara kakurutu; ngokuti musharo wenyu mukuru mudenga; ngokuti ngokudaro vakatambudza vaprofeti avo vaiya pamberi penyu.

Mateu 6:1

“Wonai kuti musaita kururama kwenyu pamberi pevanhu, kuti vamuone; kuti mwechizodaro, amuzooni musharo kunaBaba enyu ari mudenga.

Ruka 6:35

Asi idai magaa enyu, muvaitire zvakanaka, mwechivakweretesa musikakariri kupetudzirwa, nomusharo wenyu unozoita mukuru, nemwi munozoita vana veUwo Uripadera pazveshe; ngokuti iye unenyasha kwavari vasikabongi nekwavari vakashata.

Vakorose 2:18

Musatendera naumwe kuti amukorerese kuashira chipo chenyu ngokudzipfaisa ngamaune nokudira ngirosi, echibatisisa kuneizvo zvaakaona, echidzikudza kusina shwiro ngomupinimidzo wenyama,

2 Tim. 1:18

Mambo ngaaite kuti aone nyasha kubva kunaMambo ngeiro zuva! Newe unonasa kuzia kuwanda kweizvo zvaakandishandira muEfesu.

2 Tim. 4:8

Kubvira zvino ragadzikirwa inini dzungudza rokururama, iro raanozondipa ngeiro zuva Mambo, mutongi wakarurama, haiwa kwendiri ndega, asi nokwavariwo veshe vakada kuoneka kwake.

Vahebheru 11:26

echierenga kuti kutsverudzwa ngendaa yaKristu kuri upfumi hwakakura kupinda upfumi hweEgipite, ngokuti wairingirira mberi kumusharo.

Vahebheru 11:6

Asi pasina kugonda azvingaitiki kumudakadza, ngokuti kunyazwi ndiani uwo unouya kunaMwari, unosisira kuti atende kuti uriyo, naye unopa muthuso avo vanomutsvaka.

Vahebheru 6:10

Ngokuti Mwari aasiri wokusikaruramapi; aazoriyarwi mushando wenyu norudo rwemwakaonisa ngendaa yezina rake mukushandira vakacheneswa, kudai ngezvemuchavashandira nazvino.

Ruthe 1:16

Asi Ruthe wakati, “Usandiangiridza kuti ndikusiye, nokuti kuhwirira kubva mukukuteera! Apo pounoenda, neni ndinozoendawo; naapo pounogara ndipo pendinozogarawo; vanhu vako vanozoita vanhu vangu, naMwari wako unozoita Mwari wangu.

Ruthe 2:11

Asi Bhoazi wakamupingura, akati kwaari, “Kwakashumirwa kweshe kwendiri izvo zvewakaitira mazvarira ako iwewe kubvira pakufa kwemwamuna wako, nokusiya kwowakaita baba ako namai ako, nenyika yokubarwa kwako, wechiuya kuvanhu vousikazi kumbozia ngekaretu.

Ruthe 2:13

Zvino wakati, “Ngandiangire kuona nyasha mukuona kwako, mambo wangu, ngokuti iwewe wandiembedzera, waereketa ngokuiyanisa kunemurandakadzi wako, kunyazwi ndisikazi kudai ngaumwe wevarandakadzi vako.”

Ruthe 4:15

Naye unozoita kwouri muunziri wokupona kwako, nomureri wousharuka hwako; ngokuti muzakazi wako, uwo unokuda, wakapinda kunaka kwouri kunevakororo vanomwe, ndiye wamubereka.”

1 Sam. 24:19

Ngokuti ndiani ungati aone gaa rake, ungarirekera rechienda zvakanaka here? Ndizvo Mambo Mwari ngaaunzidzire kwouri ngezvakanaka ngeizvo zvewaita kwendiri nyamashi.

1 Sam. 24:20

Zvino, ringira, ndinonasa kuzia kuti iwewe unozoita mambo, nokuti umambo hwaIsuraeri hunozogwinyiswa munyara yako.