Ruthe 2:10 - Bhaibheri Rakachena muChindau

¹⁰ Zvino wakawa ngehope yake, akakotamisa hope yake pashi, wakati kwaari, “Ngenyi ndaona nyasha mukuona kwako, kuti iwewe undiringire wechiona kuti ndiri mupara?”

Ruthe 2:10 Iomraidhean Croise

Gen. 18:2

Wakamirudza madziso ake akaringira, akaona, vamuna vatatu vakaema vakaringirana naye, naapo avaona, wakarumba kooshongana navo echibva pamusiwo wetende, akadzikotamisa pashi,

2 Sam. 19:28

Ngokuti veshe vemhatso yababa angu vakadai ngevakafa pamberi pamakosi wangu mambo. Asi iwewe wakaisa muranda wako pamwepo naavo vanodya patafura rako. Inini ndichine simba renyi rendingachauyazve kuti ndikumbire kunamambo?”

2 Sam. 7:18

Zvino mambo Dhavhidha wakapotera, akagara pamberi paMambo Mwari, naye wakati, “Ndiri anani, A Mambo Mwari, Mwari? Mhatso yangu chiinyi, kuti iwewe undiunze pano?

2 Sam. 9:8

Naye wakagwadama pashi, akati, “Muranda wako uri chiinyi kuti uringire imbwa yakafa yakadai ndini?”

Revhi 19:34

Mupara unogara pakati penyu unozodai ngoumwe wakabarwa pakati penyu, nemwi munozomuda kudai ngokudzida kwenyu, ngokuti imwimwi mwaiya vapara munyika yeEgipite: inini ndini Mambo Mwari, Mwari wenyu.

Mateu 25:35

Ngokuti ndaiya ndinenzara nemwi mwakandipa kudya, ndaiya ndinenyota nemwi mwakandipa chokumwa, ndaiya ndiri mupfumba nemwi mwakandiashira,

Ruka 1:43

Chaitika ngenyi ichi kwendiri, kuti mai aMambo wangu auye kwendiri?

Ruka 1:48

ngokuti iye wakaringira upashi hwomurandakadzi wake. Ngokuti ringira, kubvira zvinopano yeshe mibarirwana inozondierenga kuti ndinomuchena;

Varoma 12:10

dananai umwe kunoumweni ngorudo rukuru; muremeredzane umwe kunoumweni.

Ruthe 2:11

Asi Bhoazi wakamupingura, akati kwaari, “Kwakashumirwa kweshe kwendiri izvo zvewakaitira mazvarira ako iwewe kubvira pakufa kwemwamuna wako, nokusiya kwowakaita baba ako namai ako, nenyika yokubarwa kwako, wechiuya kuvanhu vousikazi kumbozia ngekaretu.

Ruthe 2:13

Zvino wakati, “Ngandiangire kuona nyasha mukuona kwako, mambo wangu, ngokuti iwewe wandiembedzera, waereketa ngokuiyanisa kunemurandakadzi wako, kunyazwi ndisikazi kudai ngaumwe wevarandakadzi vako.”

Ruthe 2:19

Mazvarira vake vakati kwaari, “Wainongeredza pari nyamashi? Newe waishanda pari? Ngaafumiswe uwo wakuringira.” Ndizvo wakaronzera mazvarira ake ngouwo waaishanda naye echiti, “Zina romwamuna wendaishanda naye nyamashi ndiBhoazi.”

Ruthe 2:2

NaRuthe muMoabhi wakati kunaNaomi, “Nditendere zvino ndiende mumunda kuti ndinongeredze mitsonzoti yekoroni, ngesure kwouwo wendinozoona nyasha mukuona kwake.” Naye wakati kwaari, “Enda, mwanasikana wangu.”

Ruthe 2:9

Madziso ako ngaaringire kumunda wevanokukura, uteere ngesure kwavo. Ndapanga majaha, kuti vasazokutambudza. Naapo wechizwa nyota, enda kuzvidziyo, umwe iyo yakacherwa ngemajaha.”

1 Sam. 25:23

Naapo Abhigairi wakaona Dhavhidha, wakakasira kudzaka pambongoro, akawa ngehope yake pamberi paDhavhidha, akatsikitsira pashi.