Ruthe 1:6 - Bhaibheri Rakachena muChindau

⁶ Zvino iye wakamiruka kupetuka nevazakazi vake vairi, kubva kunyika yeMoabhi, ngokuti waiya azwa ari munyika yeMoabhi kuti Mambo Mwari wakahambira vanhu vake nokuvapa zvokudya.

Ruthe 1:6 Iomraidhean Croise

Gen. 21:1

Mambo Mwari wakahambira Sara kudai ngezvaakaronza, naMambo Mwari wakaita kunaSara kudai ngezvaakagondisa.

Gen. 28:20

Zvino Jakobe wakapika mhiko echiti, “Kudai Mwari echizoa neni, andingwarire munjira iyi yendinohamba, andipe chingwa chokudya nemachira okusimira,

Gen. 48:15

Naye wakafumisa Josefa, akati, “Mwari uwo madzibaba angu akahamba pamberi pake madzibaba angu Abrahama naIsaka. Mwari uwo waiya Muushi wangu mukupona kwangu kweshe metsa nyamashi,

Gen. 50:25

Josefa wakapikisa vana vaIsuraeri mhiko echiti, “Ngegwinyiso Mwari unozomuhambira, nemwi munozotwara magodo angu kukwira nawo kubva pano.”

Nduyo 102:14

Ngokuti varanda vako vanodakara ngemapuwe aro, vanozwira urombo bukuta raro.

Nduyo 111:5

Unopa kudya kwevari vanomutya; unogara echikarakadza chitenderano chake.

Nduyo 132:15

Ngegwinyiso ndinozofumisa ngokuwanzisa kudya kwavo; ndinozogutisa varombo varo ngechingwa.

Nduyo 145:15

Madziso eveshe anoringira kweuri, newe unovapa kudya kwavo ngenguva kwayo.

Nduyo 146:7

Unotongera ngokururamisa vanotambudzwa, uwo unopa kudya kunevane nzara. Mambo Mwari unosunhura mabhanditi.

Nduyo 147:14

Unoisa kunyarara mumigano yako; unokugutisa ngekoroni yakapindisisa kunaka.

EKISEDHUSI 3:16

Enda, uunganidze pamwepo vakuru veshe vaIsuraeri wechiti kwavari, ‘Mambo Mwari, Mwari wamadzibaba enyu, Mwari waAbrahama, waIsaka nowaJakobe, wakaoneka kwendiri’ echiti, ‘Ngegwinyiso ndakamuhambira, ndikaona izvo zvinoitwa kwomuri muEgipite.’

EKISEDHUSI 4:31

Nevanhu vakatenda; naapo vazwa kuti Mambo Mwari wakahambira vana vaIsuraeri nokuti wakaona kutambudzwa kwavo, vakakotamisa masoro avo vakadira.

Mazwi 30:8

Bvisira kuretu kubva kwendiri zvisina shwiro nokunyepa; usandipa urombo, nokuti upfumi; ndigutise ngokudya kwakandikwanira,

Isa. 55:10

Ngokuti kudai ngemvura inonaya nechando zvinobva mudenga, zvisikahwiriremwo metsa zvanyakatisa nyika, kuti imerese zviyo, kuti izvipe mbeu kumukushi nokudya kuvadyi,

Jer. 29:10

“Ngokuti izvi ndizvo zvinoronza Mambo Mwari: ‘Kwega apo Bhabhuroni rapedza makore aro makumi manomwe ndinozouya kwemuri, ndechizadzisa chigondiso changu kwemuri, ngokumupetudza kundau iyi.

Joeri 2:19

Mukupingura vanhu vake Mambo Mwari unoti, “Ringira, ndinomutumira zviyo, vhini, mafuta, nemwi munozogutiswa ndizvo; andichazomuiti chishekedzo pakati pemadzinza.

Zef. 2:7

Humbikumbi inozoita nhaka yevakasara vemhuri yaJudha, apo pevanozoushira zvifuyo zvavo padera payo, nomumhatso dzeAshikeroni vanozoatamwo madeekoni. Ngokuti Mambo Mwari, Mwari wavo, unozovahambira, nokuvaunzazve kubva kuubatwa hwavo.

Mateu 6:11

Tipei ngeiri zuva kudya kwedu kunotamika nyamashi.

Ruka 1:68

“Unomuchena Mambo Mwari waIsuraeri, ngokuti iye wakahambira nokuripira vanhu vake,

Ruka 19:44

Anozokupwanyira pashi, nevana vako vari mukati mwako, navo avazosii mukati mwako nebuwe rimwe rakagadzikwa padera perimweni; ngokuti iwewe auzi kuzia mukuwo wokuhambirwa kwako.”

1 Tim. 6:8

Asi kudai tine zvokudya nezvokufuka, tinozogutiswa ndizvo izvi.

1 Pet. 2:12

Mudzibate ngokuremeredzeka kunosisira pakati pevemadzinza, kuti kuneizvo zvevanomureya ndizvo, kudai ngevaiti vakashata, vangaona ngemishando yenyu yakanaka, vakudze Mwari apo paanouya kootonga.

Ruthe 1:5

Mahironi naKhirioni vakafawo veshe; ndizvo mudzimai uwo wakafirwa ngevakororo vake vairi nemwamuna wake.

Ruthe 1:7

Ndizvo wakabuda kubva kundau yaaigara, iye nevazakazi vake vairi; vakaenda ngenjira yavo yokuhwirira kunyika yaJudha.

1 Sam. 2:21

NaMambo Mwari wakahambira Hana; wakabereka vakororo vatatu, navanasikana vairi. Nomurumbwana Samueri wakakura mukuona kwaMambo Mwari.