Ruthe 1:5 - Bhaibheri Rakachena muChindau

⁵ Mahironi naKhirioni vakafawo veshe; ndizvo mudzimai uwo wakafirwa ngevakororo vake vairi nemwamuna wake.

Ruthe 1:5 Iomraidhean Croise

Isa. 49:21

Zvino unozoti mumwoyo mwako, ‘Ndiani wandibarira ava? Andizi kufirwa ngevana vangu here, ndisaiya hloko here, ndechithutha apo naapo? Ndiani wakarera ava, ringira, ndakasiyiwa ndega, ava vabva kuri?’ ”

Jer. 2:19

Kushata kwako kwemene kunozokuorora, nokupetuka sure kwako kunozokuitira ndaa. Zia nokuona kuti chiro chakashata nechinovava kweuri kusiya Mambo Mwari, Mwari wako; kutyisa kwangu akurimwopi mukati mwako,” unoronza Mambo Mwari wehondo.

Ruka 7:12

Naapo echikwedzera pamusiwo wedhorobha, penya, munhu wakafa waitwarwa kubva mudhorobha, uwo waiya ari mukororo umwe ega wamai ake, vaiya shirikadzi; nevanhu vazhinji vedhorobha vaiya naye.

Dhuto. 32:39

“Wonai zvino kuti inini, kunyazwi inini, ndini, akunazve chimwari ngepabanze pangu. Inini ndinouraya, neni ndinoponesa; ndinokuvadza, neni ndinoporesa; akuna ungabvisa kubva munyara dzangu.

Ruthe 1:2

Zina romunhu uwo raiya Erimerekhi, nezina romukadzi wake raiya Naomi, nemazina evakororo vake vairi aiya Mahironi naKhirioni; vaiya vaEfratha veBhetherehema muJudha. Navo vakauya munyika yeMoabhi vakagaramwo.

Ruthe 1:4

Ava vakadzitorera vakadzi kubva kuvasikana vekuMoabhi; zina roumwe raiya Orpha, nezina roumweni raiya Ruthe. Naapo vakagaramwo makore anoda kuita gumi,

Ruthe 1:6

Zvino iye wakamiruka kupetuka nevazakazi vake vairi, kubva kunyika yeMoabhi, ngokuti waiya azwa ari munyika yeMoabhi kuti Mambo Mwari wakahambira vanhu vake nokuvapa zvokudya.