Ruthe 1:21 - Bhaibheri Rakachena muChindau

²¹ Ndakabuda kuenda ndakazara, asi Mambo Mwari wakandipetudza kanyi ndisichina chiro; muchandidaidza ngenyi kuti Naomi, mwechiona kuti Mambo Mwari akandiitira ushungu, noUwo Unesimbareshe wakandiunzira madambudziko?”

Ruthe 1:21 Iomraidhean Croise

Jobe 1:21

Akati, “Ndakabuda kubva mundani yamai angu ndiri mutitinini, neni ndinozohwirira ndiri mutitinini; Mambo Mwari wakapa, naMambo Mwari watora; ngarikudzwe zina raMambo Mwari.”

Jobe 10:17

Newe unomusirira zvapupu zvako kundiitira ndaa, unowanza ushungu hwako kwendiri; unounza hondo itsva kundirwisa.

Jobe 13:26

Ngokuti iwewe unonyora zviro zvinondishatira, wechiita kuti ndigare nhaka yezvishaishi zvoutsva hwangu.

Jobe 16:8

Naye wakaita kuti ndipute, ukwo kuri chapupu chokundiitire ndaa; kuonda kwangu kunomiruka kundiitira ndaa, kunoita chapupu muhope yangu.

Jobe 30:11

Ngokuti Mwari wasunhura rusinga rwangu, akandipfaisa, varasha matomu mukuona kwangu.

Mar. 3:5

“Zvino ndinozokwedzera kwomuri kutonga; ndinozoita chapupu chinokasira kupupura kuitira ndaa vanoringidza, vanoomba, vanopika ngokunyepa, vanotambudza nokunyima musharo wevashandi, weshirikadzi, wenherera, naavo vanopaukisa vapara, vasikandityi,” unoronza Mambo Mwari wehondo.

Ruthe 1:13

mungavagarira here metsa vakura? Mungaramba kuroorwa ngevamuna vamweni here? Haiwa, vanasikana vangu; ngokuti kunopinda kundisvipisa mwoyo kakurutu kupinda imwimwi, ngokuti nyara yaMambo Mwari yakandimukira.”