Ruthe 1:14 - Bhaibheri Rakachena muChindau

¹⁴ Zvino vakaboorerazve. Orpha wakachingamidza mazvarira ake ngomuromo; asi Ruthe wakanamatira kwevari.

Ruthe 1:14 Iomraidhean Croise

Gen. 31:28

Auzi kunditendera kuti ndivhaise ngomuromo vazukuru vangu nevanasikana vangu? Zvino wakaita zviro zvoupenzi.

Gen. 31:55

Rabhani wakafumira mangwanani kumiruka, akachingamidza ngomuromo vazukuru vake nevanasikana vake, akavafumisa. Rabhani wakabvapo, akahwirira kanyi kwake.

2 Sam. 19:39

Zvino vanhu veshe vakaambuka Jorodhani namambo wakaambuka; mambo wakachingamidza Bharizirai ngomuromo, wakamufumisa; naye wakahwirira kanyi kwake.

1 Madzi. 19:20

Wakasiya kabi dzake, wakarumba kuteera Erija, akati, “Nditendere, ndinokupota, kuti ndiende ndivhaise baba angu namai, naapo ndinozokuteera.” Zvino Erija wakati kwaari, “Hwirirazve; ndaitenyi kwouri?”

Mazwi 17:17

Mungani unorudo mukuwo weshe, nehama inoberekwa kuti idetsere mukutambudzika.

Mazwi 18:24

Shamwari dzimweni dzinoedzerera kuita shamwari, asi iripo shamwari inouya pasinde kupinda hama.

Isa. 14:1

Asi Mambo Mwari unozoitira Jakobe nyasha, uchazotsanangurazve Isuraeri, nokuvaisa munyika mwavo; nevapara vanozobatana navo, vanozodzibatanidza pachavo kumhatso yaJakobe.

Zek. 8:23

Izvi ndizvo zvinoronza Mambo Mwari wehondo: Mumazuva awo vanhu gumi vanobva kumadzinza endimi dzeshe dzemadzinza vanozobata muJudha, vechibatirira kumupendero wechokufuka chake vechiti, ‘Ngatiende newe, ngokuti tazwa kuti Mwari unewe.’ ”

Mateu 10:37

Iye unopinda kuda baba kunyazwi mai kuneinini, aazi kundisisira. Naye unopinda kuda mukororo kunyazwi mwanasikana kuneinini, aazi kundisisira.

Mateu 16:24

Naapo Jesu wakati kuvadzidzi vake, “Kunyazwi ndiani unoda kuuya sure kwangu, ngaadzirambe atore muchinjiko wake, anditeere.

Mateu 19:22

Asi apo jaha razwa izwi iro rakaenda rechitambudzika; ngokuti raiya noupfumi hwakawanda.

Zvak. 17:34

Asi vanhu vamweni vakanamatira kwaari, vakatenda. Pakati pavo paiya Dhionisiusi muAreopagusi nomudzimai waizwi Dhamarisi nevamweni navo.

Dhuto. 10:20

Munozotya Mambo Mwari, Mwari wenyu; mumudire iye ega, nokwaari munozonamatira, nokupika ngezina rake.

Dhuto. 4:4

asi imwimwi mwakanamatira kunaMambo Mwari, Mwari wenyu, muchapona mweshe metsa nanyamashi.

2 Tim. 4:10

ngokuti Dhemasi wakandisiya, ngokuda iyi nyika, wakaenda Thesaronika; Kresikhenesi wakaenda Garatia, Thithusi wakaenda Dharamatia.

Vahebheru 10:39

Asi isusu atisiri pakati pavo avo vanopetuka sure kuenda mukurashwa, asi tiri pakati peavo vanogonda vanoponeswa mweya.

Ruthe 1:13

mungavagarira here metsa vakura? Mungaramba kuroorwa ngevamuna vamweni here? Haiwa, vanasikana vangu; ngokuti kunopinda kundisvipisa mwoyo kakurutu kupinda imwimwi, ngokuti nyara yaMambo Mwari yakandimukira.”

Ruthe 1:15

Ndizvo wakati, “Wona, hurwani ako wahwirira kuhama dzake nokuzvimwari zvake; hwirira newe kuteera hurwani ako.”

Ruthe 1:7

Ndizvo wakabuda kubva kundau yaaigara, iye nevazakazi vake vairi; vakaenda ngenjira yavo yokuhwirira kunyika yaJudha.

Ruthe 2:11

Asi Bhoazi wakamupingura, akati kwaari, “Kwakashumirwa kweshe kwendiri izvo zvewakaitira mazvarira ako iwewe kubvira pakufa kwemwamuna wako, nokusiya kwowakaita baba ako namai ako, nenyika yokubarwa kwako, wechiuya kuvanhu vousikazi kumbozia ngekaretu.