Revhi 9:7 - Bhaibheri Rakachena muChindau

⁷ Zvino Mosi wakati kunaAroni, “Kwedzera paarita, upire mudiro wako wokupisha, upire muripo wako iwewe nevanhu; upire mudiro wevanhu, nokuita muripo wavo, kudai ngezvaakapanga Mambo Mwari.”

Revhi 9:7 Iomraidhean Croise

Revhi 16:11

“Aroni unozounza mukono wokuita mudiro wokushaisha pachake, adziitire muripo pachake nowemhatso yake; naye unozouraya mukono wokuita mudiro wokushaisha pachake.

Revhi 16:24

Unozoshamba muiri wake ngemvura mundau yakachena, nokupfeka zvokusimira zvake, nokubudemwo, nokupira mudiro wake wokupisha, nomudiro wokupisha wevanhu, echidziitira muripo pachake newevanhu.

Revhi 16:6

“Aroni unozopira mukono wake kuita mudiro wokushaisha, uri wake emene, unozoita muripo wake pachake nowemhatso yake.

Revhi 4:3

“Kudai mupristi wakadzodzwa echishaisha, ndizvo akaisa vanhu mundaa, naapo ngaaunze kunaMambo Mwari mukono usina kuremara ngendaa yokushaisha kwake kwaakashaisha kuti aite mudiro wokushaisha.

Revhi 8:34

Kudai ngeizvi zvaitwa nyamashi ndizvo Mambo Mwari wapanga kuti zviitwe, kuita kuripirwa kwenyu.

Revhi 9:2

Naye wakati kunaAroni, “Tora mukono mutsva kuita mudiro wokushaisha, negondohwe risina kuremara kuita mudiro wokupisha, uzvipire pamberi paMambo Mwari.

Vahebheru 5:1

Ngokuti mupristi mukuru weshe wakatsanangurwa kubva pakati pevanhu unoemeserwa vanhu kuita zviro zvaMwari, kuti apire zvipo nemidiro ngendaa yezvishaishi.

Vahebheru 5:3

ngeiyi ndaa, unosisira kuti apire midiro ngendaa yezvishaishi zvake, kudai ngezvaanopira ngendaa yevanhu.

Vahebheru 9:7

asi kundau yechipiri yetende kwaipotera mupristi mukuru ega, kamwe ngegore, haiwa asina ngazi, yaapira ngendaa yake nendaa yezvishaishi zvevanhu zvakaitwa ngokusikazia.

1 Sam. 3:14

Ndizvo ndapika kumhatso yaEri kuti kushaisha kwemhatso yaEri akuzosukwi ngemidiro nokuti munikero mhera nariini.”