Revhi 9:3 - Bhaibheri Rakachena muChindau

³ Unozoereketa kuvanhu vaIsuraeri wechiti, ‘Torai gotokoto rembudzi kuita mudiro wokushaisha, nekonyana nekakwai, zveshe zvinegore rimwe, zvisina kuremara, kuti zviite mudiro wokupisha,

Revhi 9:3 Iomraidhean Croise

Gen. 37:31

Vakatora bhachi raJosefa, vakauraya chiphongo, vakanyika bhachi mungazi.

Ezura 10:19

Navo vakadzipikira pachavo kuti vanozopetudza vakadzi vavo nomudiro wavo nendaa yokushaisha kwavo, umwe ngaumwe wavo wakapira gondohwe kubva kumutanga kuita mudiro wokushaisha kwavo.

Ezura 6:17

Vakapira ngomukuwo wokupirwa kweiyi mhatso yaMwari, mikono zana (100), magondohwe mazana mairi (200), zvimakwai mazana marongomuna (400); nokuita mudiro wokushaisha wevaIsuraeri veshe, vakapira magotokoto gumi namairi, kudai ngokuwanda kwemadzinza aIsuraeri.

EKISEDHUSI 12:5

Kagwai kenyu kanozoita kasina kuremara, gondohwe rine gore rimwe; munozoritora kubva pamakwai nokuti kubva pambudzi.

Isa. 53:10

Asi kwaiya kuda kwaMambo Mwari kumuparadza ngokurwadziwa apo unoita kupona kwake mudiro wokushaisha, unozoona mubarirwana wake, unozorebesa mazuva ake; kubudikidza ndiye kuda kwaMambo Mwari kunozobudirira munyara yake.

Revhi 10:16

Zvino Mosi wakatsvakisisa mbudzi yokuita mudiro wokushaisha, penya, yaiya yapishwa; naye wakatsenekera Ereaza naIthama, vakororo vaAroni avo vaiya vachapona echiti,

Revhi 12:6

“Naapo mazuva okusukika kwake apera, omwana womukomana nokuti omusikana, ngaaunze kunomupristi gwai raane gore rimwe, kuita mudiro wokupisha, nokuti njia itsva nokuti gora, kuita mudiro wokushaisha, pamusiwo wetende romushongano.

Revhi 14:10

“Ngezuva rechisere unozotora magondohwe mairi asina kuremara, nethukazi rimwe regwai rinegore rimwe, risina kuremara, nomudiro wezviyo makhirogramu matatu oufu hwakamotseka, kuita mudiro wezviyo unokumanidzwa nemafuta, nebhesini rendiro yemafuta.

Revhi 16:15

“Naapo unozouraya chiphongo chomudiro wokushaisha wevanhu, unozounza ngazi yacho mukati mwejira rendau yakachenesesa, nokuita ngeiyo ngazi kudai ngezvaakaita ngengazi yomukono, afafazire pachigaro chenyasha, nepamberi pechigaro chenyasha.

Revhi 16:5

Unozotora kubva kunembungano yevanhu vaIsuraeri zviphongo zviiri kuti zviite mudiro wokushaisha, negondohwe rimwe rokuita mudiro wokupisha.

Revhi 23:12

Nemwi munozopira gondohwe rinegore rimwe risina kuremara, ngeiro zuva raanozozunguza ndiro mwanda, kuti riite mudiro wokupisha kunaMambo Mwari.

Revhi 4:23

naapo chishaishi chake chaakashaisha chaziikanwa kwaari, unozounza chigotokoto chisina kuremara kuita mudiro wake.

Revhi 4:3

“Kudai mupristi wakadzodzwa echishaisha, ndizvo akaisa vanhu mundaa, naapo ngaaunze kunaMambo Mwari mukono usina kuremara ngendaa yokushaisha kwake kwaakashaisha kuti aite mudiro wokushaisha.

Revhi 9:2

Naye wakati kunaAroni, “Tora mukono mutsva kuita mudiro wokushaisha, negondohwe risina kuremara kuita mudiro wokupisha, uzvipire pamberi paMambo Mwari.

Revhi 9:4

nomukono negondohwe kuti zviite midiro yokuiyana, kuti zvipirwe pamberi paMambo Mwari, nomudiro wezviyo wakakumanidzwa nemafuta. Ngokuti nyamashi Mambo Mwari unozooneka kwomuri.’ ”

Varoma 8:3

Ngokuti Mwari wakaita izvo zvewaiya usikakoni kuita Mupango, ngendaa yokupera simba kwawo kubudikidza ngenyama; Mwari wakatuma Mukororo wake ari mumuemo wenyama ino kushaisha ngendaa yokushaisha, iye wakaitira ndaa kushaisha kuri munyama,

2 VaK. 5:21

Iye wakamuita kushaisha ngendaa yedu, uwo waiya asikazi kuzia kushaisha, kuti mwaari isusu tiite kururama kwaMwari.

Titosi 2:14

Ndiye wakadzipira ngendaa yedu kuti atiripire kubva mukushata kweshe nokuti adzichenesere vanhu vaite vake vemene, vanotsamwirira kuita mishando yakanaka.

1 Pet. 2:24

Uwo wakatwara emene zvishaishi zvedu mumuiri wake pamuchinjiko, kuti isusu tife mukushaisha, tipone mukururama; kubudikidza ngemaronda ake mwakaponeswa.

1 Pet. 3:18

Ngokuti Kristu wakatambudzikawo kamwe mhera nariini ngendaa yezvishaishi, ari wakarurama ngendaa yevasikazi kururama kuti amuunze kunaMwari. Wakaurawa munyama, asi wakaitwa unopona mumweya,

Chakapangijihwa 5:9

Navo vakaemba ruyo rutsva vechiti, “Munosisira imwimwi kutora bhuku nokubeura zvinamiro zvaro, ngokuti imwimwi mwakaurawa, kubudikidza ngengazi yenyu mwakatengera Mwari vanhu kubva kumadzinza eshe nendimi dzeshe nevanhu veshe nokumarusinga eshe;