Biblia Todo Logo
Bìoball air-loidhne

- Sanasan -




Revhi 7:21 - Bhaibheri Rakachena muChindau

21 Naapo umwe wenyu unozogwama chiro chisikazi kusukika, kudai ngokusikasukiki kwomunhu, nokuti ngeiri mhuka isikazi kusukika, nokuti ngechiri chiro chinonyangadza chisikazi kusukika, oroodya nyama yemidiro yokuiyana iyo yakaemera Mambo Mwari, uwo munhu unozogurwa kubva pakati pehama dzake.”

Faic an caibideil Dèan lethbhreac




Revhi 7:21
31 Iomraidhean Croise  

Mwamuna weshe usikazi kuchekwa, uwo usikazi kuchekwa nyama yeganda repamberi pomuiri wake unozogurwa kubva kuvanhu vake; iye wagura chitenderano changu.”


“Munozodya chingwa chisina mumera mazuva manomwe; ngezuva rokutanga munozobvisa mumera kubva kumhatso dzenyu: ngokuti uwo unozodya chingwa chino mumera kubvira pazuva rokutanga metsa kuguma pazuva rechinomwe, uwo munhu unozogurwa kubva kuvana vaIsuraeri.


Usazoapo mumera mumhatso dzenyu metsa apera mazuva manomwe: ngokuti uwo unozodya icho chinomumera, uwo munhu unozogurwa kubva mumushongano wevaIsuraeri, kunyazwi muhambi nokuti uwo wakabarirwa munyika.


Ndizvo ereketa kwevari kuti, ‘Izvi ndizvo zvinoronza Mambo Mwari, Mwari: Munodya nyama inengazi, nokumirudza madziso enyu kuringira miedzaniso yenyu yokudira, nokuparadza ngazi; zvino munozogara nhaka yenyika here?


Zvino ndakati, “A Mambo Mwari! Ringira, andizi kumbodzisvipisa; kubvira muutsva hwangu metsa zvino andizi kutongombodya icho chadzifira, nokuti icho chakarumwa ngezvikara; amuzi kutongopinda mumuromo wangu nyama inonuhwa.”


“Mbeu dzeshe dzezviro zvinemaphaphiro zvinohamba ngemirenje mirongomuna, zvinozoita chinyangadzo kwomuri.


Mambo Mwari wakaereketa kunaMosi echiti,


“Kunyazwi ngouri munhu uri wemhatso yaIsuraeri, nokuti wevapara unogara pakati penyu, unozodya ngazi, ndinozoemesa hope yangu kubva kunomunhu uwo unodya ngazi, ndinozomugura kubva pakati pevanhu vake.


Ngokuti kupona kwenyama yeshe ingazi yayo; ndizvo ndakati kunevaIsuraeri, ‘Musazodya ngazi nokuti ngeyeiri nyama, ngokuti kupona kwemiiri yeshe kuri mungazi yayo; uwo unoidya unozogurwa.


Ngokuti kunyazwi ndiani unozoita izvi zvinyangadzo, eya, munhu unozviita unozogurwa kubva pakati pevanhu vake.


Munhu weshe unozochidya, unozodzitwarira ndaa yake, ngokuti wakatsverudza icho chiro chakachena chaMambo Mwari; nouwo munhu unozogurwa kubva pakati pevanhu vake.


Inini pachangu ndinozoemesa hope yangu kubva kunouwo munhu, ndimugure kubva pakati pevanhu vake; ngokuti wakapa worudzi rwake kuti apotye muriro kunaMorekhi, kusvipisa ndau yangu yakachena, nokutsverudza zina rangu rakachena.


Ronza kwavari, ‘Kunyazwi ndiani worudzi rwenyu pakati pemibarirwana yenyu, unokwedzera kunezvipo zvakachena, izvo zvevanopira vanhu vaIsuraeri kunaMambo Mwari, apo ari muchiemo chokusvipiswa kwake, uwo munhu unozogurwa kubva mukuona kwangu; inini ndini Mambo Mwari.


Akuna noumwe worudzi rwaAroni unemapere nokuti unomubvidza unozodya zvezvipo zvakachena, metsa asukika. Kunyazwi ndiani unozogwama nokuti ngechiri chakasvipiswa ngomuiri wakafa, kunyazwi ngomunhu unoduruka mbeu youhwamuna,


Kunyazwi ngouri munhu usikazodzitambudzi ngeiro zuva, unozogurwa kubva pakati pevanhu vake.


Asi avo vasikazi kusukika vechizodya nyama yakapirwa kuita mudiro wokuiyana kunaMambo Mwari, uwo munhu unozogurwa kubva pakati pehama dzake.


Mambo Mwari wakaereketa kunaMosi echiti,


Kudai umwe wenyu kunyazwi ndiani echizodya mafuta emhuka kunyazwi ngeiri, dzaanopira munhu kuita mudiro unoitwa ngomuriro kunaMambo Mwari, uwo munhu unozogurwa kubva pakati pehama dzake.


Kunyazwi ngouri wenyu unozodya ngazi nokuti ngeiri, uwo munhu unozogurwa kubva pakati pehama dzake.’ ”


Kunyazwi ngechiri chaanozogwama uwo wakasvipiswa chinozoita chakasvipiswa; kunyazwi ngouri unozogwama icho chiro unozoita wakasvipiswa metsa madeekoni.”


Kunyazwi ngedziri dzisina mabesu nemagwamba amuzodzidyi; dzakasvipiswa kwomuri.


Musazodya chiro chinonyangadza.


Sauri aazi kuereketa chiro ngezuva iro; ngokuti wakapinimidza kuti, “Panechamugumira, aazi kuchena; ngegwinyiso aazi kuchena.”


Lean sinn:

Sanasan


Sanasan