Revhi 7:2 - Bhaibheri Rakachena muChindau

² Pandau inourairwa mudiro ndipozve panozourairwa mudiro wokupauka; nengazi yawo unozoifafaza kutendenedza arita.

Revhi 7:2 Iomraidhean Croise

Isa. 52:15

Ndizvo anozofafazira madzinza akawanda; madzimambo anozokonya miromo yavo ngendaa yake; ngokuti izvo zvisikazi kumboronzwa kwevari vanozozviona; neicho chevasikazi kumbozwa, vanozochizwisisa.

Ezek. 36:25

Ndinozofafaza mvura yakaera padera penyu, nemwi munozoita vakasukika kubva mukusikasukika kwenyu kweshe, nokubva mukudira miedzaniso yenyu yeshe ndinozomusuka.

Ezek. 40:39

Nomuberere romusiwo aiyapo matafura mairi, kurutii rumwe nematafura amweni mairi kurutii rumweni, pokuurairapo midiro yokupisha, midiro yokushaisha, nemidiro yokupauka.

Revhi 1:11

Unozoriuraya ngokurutii rwedera rwearita pamberi paMambo Mwari nevapristi, vakororo vaAroni, vanozofafazira ngazi yaro kumarutii eshe earita.

Revhi 1:3

“Kudai mudiro wake uri mudiro wokupisha wezvifuyo, ngaape yomukono isina kuremara naye unozopa kudai ngokuda kwake pamusiwo wetende romushongano pamberi paMambo Mwari.

Revhi 1:5

Unozouraya mukono pamberi paMambo Mwari, nevapristi, vakororo vaAroni, vanozopira ngazi, vechifafaza ngazi kumarutii eshe earita iro riri pasinde pomusiwo wetende romushongano.

Revhi 14:13

Unozouraya gondohwe pandau panourairwa mudiro wokushaisha nomudiro wokupisha mundau yakachena; ngokuti mudiro wechishaishi chokupauka kudai ngomudiro wokushaisha ngezvomupristi; wakachenesesa.

Revhi 3:2

Unozoisa nyara yake padera pesoro romudiro, uiuraye pamusiwo wetende romushongano; nevakororo vaAroni vapristi vanozofafazira ngazi paarita kuritendenedza.

Revhi 3:8

Unozoisa nyara yake padera pomudiro wake. Inozouraiwa pamberi petende romushongano, nevakororo vaAroni vanozofafazira ngazi yayo paarita kuritendenedza.

Revhi 4:24

Naye unozoisa nyara yake padera pesoro racho, achiuraye apo panourairwa midiro yokupisha pamberi paMambo Mwari; uri mudiro wokushaisha.

Revhi 4:29

Unozoisa nyara yake padera pesoro romudiro wokushaisha, unozouraya uwo mudiro wokushaisha pandau yemidiro yokupisha.

Revhi 4:33

Unozoisa nyara yake padera pesoro romudiro wokushaisha, nokuriuraya kuti riite mudiro wokushaisha pandau panourairwa midiro yokupisha.

Revhi 5:16

Unozoripa kushata kwaakaita ngendaa yeicho chiro chakacheneswa, unozotutsira rupande rwechishanu, unozozvipa kunomupristi. Unozoita muripo ngendaa yechishaishi chake, naye unozorekererwa.

Revhi 5:7

“Asi kudai asikakoni kuunza gwai, unozounza kunaMambo Mwari ngendaa yechishaishi chake chaakashaisha magora mairi, nokuti njia mbiri, imwe yomudiro wechishaishi, neimwenizve yomudiro wokupisha.

Revhi 5:9

Unozofafaza ngazi yomudiro wokushaisha parutii rwearita; nengazi imweni inozodururwa pashi pearita; uri mudiro wokushaisha.

Revhi 6:25

“Ereketa kunaAroni nevakororo vake wechiti, ‘Ichi ndicho chironzo chomudiro wokushaisha: Mudiro wokushaisha unozourairwa pamberi paMambo Mwari pandau apo panourairwa mudiro wokupisha; uri wakachenesesa.

Revhi 6:7

Mupristi unozoita muripo pamberi paMambo Mwari naye unozorekererwa kunyazwi ngechiri chaakaita chokupauka ndicho.”

Zvi. 6:12

naye unozodzipira pachake kunaMambo Mwari ngemazuva okudziparadzanisa kwake, naye unozounza kagondohwe kegore rimwe kuita mudiro wokushaisha. Asi mazuva ake okutanga aachazoerengwi, ngokuti kudziparadzanisa kwake kwakasvipiswa.

Vahebheru 11:28

Ngokugonda wakangwarira Phasika nokufafazwa kwengazi, kuti muurayi asazogwama matangwe aIsuraeri.

Vahebheru 12:24

nokunaJesu, muemereri wechitenderano chitsva, nokungazi yokufafazwa, inoereketa zvakanaka kupinda ngazi yaAbhera.

1 Pet. 1:2

kudai ngokuzia karetu kwaMwari Baba, mukucheneswa kwoMweya, kuti vapurutane kunaJesu Kristu, nokufafazirwa ngengazi yake. Nyasha nokunyarara ngazviwanzwe kwomuri.