Revhi 7:18 - Bhaibheri Rakachena muChindau

¹⁸ Asi kudai nyama kunyazwi ngeiri yakapirwa yemidiro yake yokuiyana yechizodyiwa ngezuva rechitatu, aizoashiriki, zve, akuzoerengwi kunouwo wakaipira; asi chinozoita chinyangadzo, nomunhu unozodya kweiri unozotwara kushaisha kwake.

Revhi 7:18 Iomraidhean Croise

Mazwi 15:8

Mudiro wewakashata chinyangadzo kunaMambo Mwari, asi mukumbiro wewakarurama kudakara kwake.

Isa. 65:4

avo vanogara pakati pemaiba, vanoata mundau dzakafishika dzemitunhu; avo vanodya nyama yenguruwe, nomuto wezviro zvinonyangadza uri muzvidziyo zvavo;

Isa. 66:3

“Kunyazwi ndiani unouraya kabi wakadai ngouwo unouraya munhu; kunyazwi ndiani unopira kakwai kuita mudiro wakadai ngewagura mutsipa wembwa; kunyazwi ndiani unopira mudiro wezviyo, wakadai ngouwo unopira ngazi yenguruwe kuita mudiro; kunyazwi ndiani unopisha mutombo unegwema rakanaka wakadai ngouwo unopira mudiro wokukarakadza muedzaniso. Ava vakatsanangura njira dzavo, avo mweya yavo inodakara munezvinonyangadza zvavo.

Jer. 14:10

Izvi ndizvo zvinoronza Mambo Mwari ngendaa yevanhu vake, “Ngegwinyiso vakada kuhambahamba, avazi kubata tsoka dzavo; ndizvo Mambo Mwari aavaashiri; zvino unokarakadza zvishaishi zvavo echiorora kushaisha kwavo.”

Jer. 14:12

Kunyazwi vanoera kudya, andizwi kuchema kwavo; kunyazwi vanopira mudiro wokupisha nomunikero, andizviashiri; asi ndinovapedza ngeshoti, ngenzara nenhenda.”

Ezek. 18:20

Mweya uwo unoshaisha unozofa. Mwana aazotwari kushaisha kwomubereki, mubereki aazotwari kushaisha kwemwana; kururama kwewakarurama kunozoita kwake, nokushata kwewakashata kunozoita kwake.

Hos. 8:13

Kunyazwi vanopira midiro yangu yakapinda kunaka, kunyazwi vanodya nyama, Mambo Mwari aavaashiri akadi. Zvino unozokarakadza kushata kwavo, nokuunzidzira kushaisha kwavo; vanozohwirira Egipite.

Revhi 10:17

“Amuzi kudya ngenyi mudiro wokushaisha kundau yakachena? Ngokuti chiri chakachenesesa, naMwari wakachipa kwomuri kuti mubvise kushaisha kwembungano, kuita muripo wevanhu pamberi paMambo Mwari.

Revhi 10:19

Aroni wakati kunaMosi, “Ringira, nyamashi vapira mudiro wavo wokushaisha nomudiro wokupisha pamberi paMambo Mwari, asi zviro zvakadai zvaitika kwendiri! Kudai ndaiya ndadya mudiro wokushaisha nyamashi, chaizoashirika here mukuona kwaMambo Mwari?”

Revhi 11:41

“Zvisikwa zveshe zvinotamanda padera penyika zvinozoita chinyangadzo; azvizodyiwi.

Revhi 17:16

Asi kudai asikazosuki zvokufuka zvake, nokushamba muiri wake, naapo unozoa nendaa yokushata kwake.’ ”

Revhi 19:5

“Naapo munozopira mubairo yemidiro yokuiyana kunaMambo Mwari, munozopira ngenjira inoita kuti muashirike.

Revhi 20:17

“Kudai munhu echizotora hanzvadzi yake, mwanasikana wababa ake, nokuti mwanasikana wamai ake, nokufukura upunu hwake, naye echiona upunu hwake, chiri chiro chakashata, navo vanozogurwa pamberi pokuona kwevanhu vavo; iye wakafukura upunu hwehanzvadzi yake; unozotwara kushata kwake.

Revhi 20:19

Usazofukura upunu hwamainini amai ako, nohwaatate ako, ngokuti ngokudaro unofukura upunu hwehama yake; vanozotwara kushata kwavo.

Revhi 22:16

ngokuvatendera kuti vatware kushaisha kwokupauka, apo vanozodya zvipo zvavo zvakachena; ngokuti inini ndiri Mambo Mwari uwo unovachenesa.”

Revhi 22:23

N'ombe nokuti hwai inechiro chinembarikidzwa, nokuti chiro chinotamika kweiri, iyo mungapira kuita mudiro ngokuda; asi wokuripira mhiko auzoashirwi wakadaro.

Revhi 22:25

Zve, musazoashira yakadai kubva munyara yomupara kupira kuita kudya kunaMambo Mwari; ngokuti kushata kwayo kuri kweiri, nokuremara kwayo kuri kweiri, isazoashirwa kwomuri.”

Revhi 5:17

“Kudai umwe wenyu echizoshaisha asikazii echiita nokuti ngechiri cheizvi zviro zvakapangwa ngezvironzo zvaMambo Mwari kuti zvisazoitwa; waanendaa, naye unotwara kushata kwake.

Revhi 7:19

“Nyama inogwama chiro chisikazi kusukika isazodyiwa; inozopishwa ngomuriro. Asi ngendaa yenyama imweni, veshe vakasukika vanozoidya.

Amo. 5:22

Kunyazwi munondipira midiro yenyu inopishwa nemidiro yenyu yezviyo, andizoiashiri; andizopinimidzi ngemidiro yokubonga yezvifuyo zvenyu zvakakora.

Mar. 1:10

“O kudai umwe pakati penyu aizokonya misiwo, kuti musazobasira muriro padera pearita rangu pasina shwiro. Andidakari ndimwi, unoronza Mambo Mwari wehondo, neni andizoashiri munikero kubva kunyara dzenyu.

Mar. 1:13

Munotizve, ‘Ringirai, A kurembesanyi kwezvinoita!’ Nemwi munofemba kwendiri, unoronza Mambo Mwari wehondo. Munounza chakapambwa nokuti chakaremara nokuti chinorwara; izvi munounza kudai ngeminikero yenyu. Ndinozoashira izvi kubva kunyara dzenyu here? Unoronza Mambo Mwari.

Zvi. 18:27

Chinozoerengwa kwouri kuita chipo chako, kudai ngezviyo zvembuwa nokudai ngezvinozarisa ndau yokukamurira vhini.

Ruka 16:15

Naye wakati kwavari, “Imwimwi muri avo vanodzipembedza pamberi pevanhu, asi Mwari unozia mwoyo yenyu; ngokuti icho chinoremeredzwa pakati pevanhu, chiri chinonyangadza pamberi paMwari.

Varoma 4:11

Wakaashira kuchekwa kuita chioniso chinogwinyisa kururama kwokugonda ukwo kwaaiya anakwo asati achekwa, kuti aite baba weavo veshe vanotenda, kunyazwi vasina kuchekwa, kuti kuerengerwe kwavari kuti vakarurama,

Vahebheru 9:28

ndizvo Kristu wakapirwa kamwe kuti atware zvishaishi zvevazhinji, unozoonekazve ngokwechipiri asikatwari zvishaishi, asi kuponesa avo vanomugarira.

1 Pet. 2:24

Uwo wakatwara emene zvishaishi zvedu mumuiri wake pamuchinjiko, kuti isusu tife mukushaisha, tipone mukururama; kubudikidza ngemaronda ake mwakaponeswa.