Revhi 7:12 - Bhaibheri Rakachena muChindau

¹² Kudai echizoupira kuti uite mudiro wokubonga, unozoupira pamwepo nomudiro wokuiyana, zvingwa zvisina mumera zvakakanywa nemafuta, nezvimakhekhe zvakadzodzwa mafuta, nezvingwa zvoufu hwakamotseka zvakakanywa nemafuta.

Revhi 7:12 Iomraidhean Croise

2 MaKro. 29:31

Zvino Hezekia wakapingura, akati, “Zvino mwadzipira kunaMambo Mwari; kwedzerai pasinde mupire midiro nemidiro yokubonga mumhatso yaMambo Mwari.” Ndizvo mbungano yakaunza midiro yokupisha neyokubonga; naavo veshe vaiya nomwoyo inoda vakaunza midiro yokupisha.

2 MaKro. 33:16

Wakaakisawo arita raMambo Mwari, wakapirapo midiro yokuiyanisa neyokubonga; akapanga Judha kuti adire Mambo Mwari, Mwari waIsuraeri.

Neh. 12:43

Ngeiro zuva vakapira midiro yakakura, navo vakadakara, ngokuti Mwari wakavaita kuti vadakare ngokudakara kukurutu; vakadzi nevana vakadakarawo. Bope rokudakara muJerusarema rakazwika kuretu.

Nduyo 107:8

Ngavabonge Mambo Mwari ngenyasha dzake dzinorudo, ngemishando yake inoshamisa yaanoitira vana vevanhu.

Nduyo 116:17

Ndinozopa kwouri mudiro wokubonga, ndinozokumbira ngezina raMambo Mwari.

Nduyo 50:23

Uwo unopira mudiro wokubonga, unondiremeredza; kunouwo unonasa kungwarira njira yake, ndinozomuonisa ruponeso rwaMwari.” KuneMutungamiriri woKuemba. Nduyo yaDhavhidha, apo muprofeti Nathani paakauya kwaari, paiya Dhavhidha apomba naBhathishebha.

Jer. 33:11

kunozozwikazve, izwi rokudakara, nerokudakadzwa, izwi romukwambo, neramakhoti, nemazwi eavo vanoemba, apo vanounza mudiro wokubonga kumhatso yaMambo Mwari, “ ‘Kubonga Mambo Mwari wehondo, ngokuti Mambo Mwari wakanaka; ngokuti nyasha dzake dzinorudo dzinogara mhera nariini!’ Ngokuti ndinozounza avo vakabatwa venyika iyi kuti vaite kudai ngepakutanga,” unoronza Mambo Mwari.

Hos. 14:2

Tora mazwi, uhwirire nawo kunaMambo Mwari, wechiti kwaari, “Bvisa kushata kweshe, ashira icho chakanaka; nesu tinozopira michero yemiromo yedu.

Revhi 2:4

“Naapo wechizounza mudiro wezviyo wakabikwa, unozoita wezvingwa zvoufu hwakamotseka zvisina mumera, zvakakanywa nemafuta, nokuti zvingwa zvakatetepa zvisina mumera zvakadzodzwa mafuta.

Revhi 2:5

Kudai mudiro wako uri wezviyo wakabikwa muhari yedongo, ngauite woufu hwakamotseka husina mumera, hwakakanywa nemafuta.

Revhi 22:29

Naapo munozopira kunaMambo Mwari mubairo wokubonga, munozopira kuti uashirike kubva kwomuri.

Revhi 6:16

Nouhwo hunosara hunozodyiwa ndiAroni nevakororo vake; nahwo hunodyiwa husina mumera, mundau yakachena; muruwanze rwetende romushongano vanozohudya.

Revhi 7:15

Nenyama yakapirwa yemidiro yake yokubonga neyokuiyana, ngaidyiwe ngeiro zuva reyakapirwa ndiro, asazoisiya metsa mangwanani.

Amo. 4:5

Mupishe mudiro wokubonga wechingwa chinomumera, nokuteketesa minikero yokuda kwenyu nokuiziisa; ngokuti munoda kuita, O vanhu vaIsuraeri, unoronza Mambo Mwari, Mwari.

Zvi. 6:15

nechitundu chezvingwa zvisina mumera, nemakhekhe oufu hwakamotseka hwakakumanidzwa nemafuta, nezvingwa zvidoko zvisina mumera zvakadzodzwa mafuta nemidiro yake yezviyo, nemidiro yake yokumwa.

Ruka 17:16

naye wakawa ngehope yake patsoka dzaJesu, echimubonga. Iye waiya muSamaria.

Ruka 17:18

Apana wakaoneka echipetuka kookudza Mwari, asi ega uyu mupara here?”

Varoma 1:21

ngokuti kunyazwi vechimuzia Mwari avazi kumuremeredza kudai ndiMwari nokuti kumubonga, asi vakaita vasina shwiro mumipinimidzo yavo nemwoyo yavo isina kungwara yakaita chidima.

Vaefesu 5:20

mwechibonga kunaMwari Baba ngezviro zveshe ngenguva dzeshe ngezina raMambo wedu Jesu Kristu.

Vahebheru 13:15

Kubudikidza ndiye, zvino, ngatiangire kupira mudiro wokukudza kunaMwari, kuronza kuti, kupira michero yemiromo yedu inopupura ngezina rake.

1 Pet. 2:5

Imwimwiwo mwakadai ngemapuwe anopona, mwakaakiwa kuita mhatso yoMweya, kuita upristi hwakachena, kupira midiro yoMweya, inoashirika kunaMwari kubudikidza ndiye Jesu Kristu.