Revhi 6:5 - Bhaibheri Rakachena muChindau

⁵ nokuti chaakapika ngokunyepa ndicho, eya, achipetudze, nokututsira chechishanu padera pacho, azvipe kunouwo uri muridzi wazvo.

Revhi 6:5 Iomraidhean Croise

2 Sam. 12:6

Unozokahwirinzira karongomuna ako kakwai, ngokuti wakaita ichi chiro, ngokuti aazi kumuitira nyasha.”

Neh. 10:35

Tinodziemesera pachedu kuti tiunze michero yokutanga yevhu redu, nemichero yokutanga yemiti yeshe yemichero, gore ngegore kumhatso yaMambo Mwari;

EKISEDHUSI 22:1

“Kudai munhu echiba kabi nokuti gwai nokuiuraya nokuti kuitengesa, unozoripa ngekabi shanu pakabi imwe, nemakwai marongomuna pagwai imwe.

EKISEDHUSI 22:4

Kudai chakabiwa chikaoneka chechizwa munyara mwayo, kunyazwi ikabi nokuti mbongoro nokuti gwai, unozoripa kairi.

EKISEDHUSI 22:7

“Kudai munhu echizopa kuno muakirwana wake mare nokuti zvidziyo kuti angwarire, nazvo zvikabiwa kubva mumhatso yomunhuwo, zvino kudai mbavha iyo yechioneka, inozoripa kairi.

EKISEDHUSI 22:9

Ndaa yeshe yokupauka, kunyazwi yekabi, yembongoro, yegwai, yezvokusimira nokuti yechiro chakarashika, chaanoronza umwe kuti, ‘Ichi ndicho’: ndaa yaavo vairi inozoiswa pamberi paMwari; uwo waanozoitira ndaa Mwari unozoripa kairi kumuakirwana wake.

EKISEDHUSI 30:7

Aroni unozopishirapo mutombo une gwema rakanaka; mangwanani eshe apo paanonasirira zvibani unozoupisha.

Isa. 58:6

“Uku andikwopi kuera kudya kwendatsanangura: kusunungura zvisungo zvokutonga kusikazi kururama, kusunhura mitwaro inorema, kuita kuti vanotambudzwa vasunhurike, nokuti kugura majoka eshe?

Isa. 58:9

Zvino munozodaidza, naMambo Mwari unozomupingura; munozodaidzira kuti mudetserwe naye unozoti, ‘Ndiri pano.’ Kudai mwechidusa joka kubva pakati penyu, nokukhomba kwechinwe, kuereketa ngezvakashata,

Ezek. 33:15

kudai wakashata echipetudza chibatiso, nokupetudza izvo zvakatorwa ngokubira, nokuhamba muzviemeso zvokupona, asikaiti zvakashata, ngegwinyiso unozorarama, aazofi.

Revhi 5:16

Unozoripa kushata kwaakaita ngendaa yeicho chiro chakacheneswa, unozotutsira rupande rwechishanu, unozozvipa kunomupristi. Unozoita muripo ngendaa yechishaishi chake, naye unozorekererwa.

Ruka 19:8

NaZakheusi wakaema, akati kunaMambo, “Ringira, Mambo, ndinopa hafu youpfumi hwangu kuvarombo; kudai ndakatora chiro kumunhu ngourimbwi, ndinomuhwirinzira zvakapetwa karongomuna.”

1 Sam. 12:3

Ndiri pano; itai chapupu ndini pamberi paMambo Mwari, nepamberi pewakadzodzwa wake. Ikabi yaani yendakatora? Nokuti imbongoro yaani yendakatora? Nokuti ndiani wendakachengedzera? Ndianizve wendakatambudza? Nokuti kunyara yaani yendakaashira chitengero kubata madziso angu ndicho? Chironzenyi, neni ndinozomupetudzira.”