Revhi 5:4 - Bhaibheri Rakachena muChindau

⁴ Nokuti kudai umwe wenyu echipika, echiereketa kuita zvakashata ngomuromo wake, nokuti kuita zvakanaka, kunyazwi chiinyi chaanoereketa munhu ngokupika, nacho chechifishika kwaari, apo azochizia unozoa nendaa.

Revhi 5:4 Iomraidhean Croise

2 Sam. 21:7

Asi mambo wakaponesa Mefibhoshethi, mukororo waJonathani, mukororo waSauri, ngendaa yemhiko yevakapikirana Dhavhidha naJonathani, mukororo waSauri pamberi paMambo Mwari.

2 Madzi. 6:31

Naye wakati, “Mwari ngaaite kudaro kwendiri nokupinda, kudai soro raErisha mukororo waShafati rechizogara pamakhadza ake nyamashi.”

Nduyo 106:33

ngokuti vakanyangadza mweya wake, naye wakaereketa mazwi ngokukasira.

Revhi 5:13

Ndizvo mupristi unozoita muripo wechishaishi chake chaakashaisha kunoumwe weizvi, naye unozorekererwa. Kudai ngomudiro wezviyo uhwo hunosara hunozoita hwomupristi.”

Revhi 5:3

Nokuti kudai echibata kusikasukika kwomunhu, kunyazwi ngokuri kusikasukika kwakadini, ukwo kwaanosvipiswa ndikwo munhu, nokudai chakafishika kwaari, apo azochizia unozoa nendaa.

Zvi. 30:6

“Nokudai echizoroorwa ngomwamuna, apo akapika mhiko, nokuti kuereketa chiro ngomwamuna wake, kuti asunge mweya wake ndicho,

Zvi. 30:8

Asi kudai mwamuna wake akamurambidza ngezuva raakazwa kupika ukwo; naapo unozoita kuti zviite zvisina shwiro mhiko yaakapika, neicho chaakaereketa ngomuromo wake kusunga mweya wake ndicho; Mambo Mwari unozomurekerera.

Mateu 14:7

Ndizvo iye wakagondisa ngokupika mhiko kuti unozomupa kunyazwi chiinyi chaaizokumbira.

Mateu 14:9

Namambo wakakurudzwa; asi ngendaa yokupika kwake, nendaa yaavo vaigara naye panokudya, wakapanga kuti rihinwe kwaari.

Marku 6:23

Naye wakapika kwaari kuti, “Kunyazwi chiinyi chounozokumbira kwendiri ndinozochipa kwouri, kunyazwi rupande rwoumambo hwangu.”

Zvak. 23:12

Zvino kwaedza, vaJudha vakapangana, vakadzisunga ngemhiko yokuti avazodyi nokuti kumwa metsa vauraya Phauri.

Josh. 2:14

Vamuna avo vakamupingura vechiti, “Tinozofa isusu kuti imwimwi mupone, kudai musikazodudziri uyu mushando wedu. Naapo kunozoitika apo Mambo Mwari paanozopa nyika kwetiri ngegwinyiso tinozokuitira nyasha.”

Josh. 9:15

NaJoshua wakaiyana navo, akaita chitenderano navo, kuti vapone; nevatungamiriri vembungano vakaita mhiko kwavari.

Vato. 11:31

ndizvo kunyazwi ndiani unozobuda kubva kumisiwo yemhatso yangu, kuuya kooshongana neni, apo ndopetuka ngokunyarara kubva kuvaAmoni, ngegwinyiso unozoita waMambo Mwari, neni ndinozomupira kuita mudiro wokupisha.”

Vato. 21:18

Asi zvakanyadaro atingaroodzi vanasikana vedu kuti vaite vakadzi vavo.” Ngokuti vaIsuraeri vakapika vechiti, “Ngaatukwe uwo unopa mukadzi kunomunhu weBhenjamini.”

Vato. 21:7

Tinozoita maitirenyi kuti avo vakasara vaane vakadzi, techiona kuti takapika kunaMambo Mwari techiti, ‘Akuna naumwe wedu unozoroodza mwanasikana wake kwavari.’ ”

Vato. 9:19

dai ndechiti mwakaita zvakarurama nokuremeredza kunaJerubhaari, nevemhatso yake ngeiri zuva, naapo dakarai henyu kunaAbhimerekhi, nayezve ngaadakare kwomuri.

1 Sam. 1:11

Wakapika mhiko iyi echiti, “A Mambo Mwari wehondo, kudai ngegwinyiso mungaringira kutambudzika kwomurandakadzi wenyu, mwechindikarakadza, musikariarwi murandakadzi wenyu, asi mwechizopa kunomurandakadzi wenyu mwana womurumbwana, zvino ndinozomupira kwomuri mazuva eshe okupona kwake, nechisvo achizopari soro rake.”

1 Sam. 25:22

Mwari ngaandiuraye ndife, kuti kukaedza ndisati ndauraya kunyazwi mwamuna wokugumisira.”