Revhi 4:34 - Bhaibheri Rakachena muChindau

³⁴ Mupristi unozotora imweni ngazi ngechinwe chake yomudiro wokushaisha, nokuidzodza panyanga dzearita remidiro yokushaisha, naye unozodururira ngazi yeshe pashi pearita.

Revhi 4:34 Iomraidhean Croise

Isa. 42:21

Mambo Mwari wakadakadzwa ngendaa yokururama kwake, kuti akurise mipango yake nokuiremeredza.

Revhi 4:18

Unozodzodza imweni ngazi panyanga dzearita riri pamberi paMambo Mwari mutende romushongano, unozodurura ngazi imweni yeshe pashi pearita remidiro yokupisha, riri pamusiwo wetende romushongano.

Revhi 4:25

Mupristi unozotora imweni ngazi yomudiro wokushaisha ngechinwe chake, nokuidzodza panyanga dzearita remidiro yokupisha, unozodurura ngazi imweni yeshe pashi pearita romudiro wokupisha.

Revhi 4:30

Mupristi unozotora imweni ngazi yawo ngechinwe chake, unozoidzodza panyanga dzearita rokupisha midiro, unozodurura ngazi yayo yeshe pashi pearita.

Revhi 4:7

Mupristi unozodzodza imweni ngazi panyanga dzearita rokupishira mutombo unegwema rakanaka pamberi paMambo Mwari, riri mutende romushongano; naye unozodurura ngazi yeshe yomukono pashi pearita romudiro wokupisha, riri pamusiwo wetende romushongano.

Johani 17:19

Ngendaa yavo ndinodzichenesa, kuti navowo vacheneswe mugwinyiso.

Varoma 10:4

Ngokuti Kristu ndiye magumo oMupango, kuti weshe unogonda aruramiswe.

Varoma 8:1

Ndizvo zvino akuchina kuitirwa ndaa kwavari vari munaKristu Jesu.

Varoma 8:3

Ngokuti Mwari wakaita izvo zvewaiya usikakoni kuita Mupango, ngendaa yokupera simba kwawo kubudikidza ngenyama; Mwari wakatuma Mukororo wake ari mumuemo wenyama ino kushaisha ngendaa yokushaisha, iye wakaitira ndaa kushaisha kuri munyama,

2 VaK. 5:21

Iye wakamuita kushaisha ngendaa yedu, uwo waiya asikazi kuzia kushaisha, kuti mwaari isusu tiite kururama kwaMwari.

Vahebheru 10:29

Kuororwa kwakapindisisa kushata kwakaitawani kukura kunozoitwa kuneuwo wakatsikatsika pashi petsoka Mukororo waMwari, akaerenga ngazi yechitenderano, yaakacheneswa ndiyo, kuti chiro chisina shwiro, akaita ngokushoora Mweya wenyasha?

Vahebheru 2:10

Ngokuti kwakamusisira Mwari, iye wakaitirwa zviro zveshe, nokubudikidza ndiye zviro zveshe zviripo, mukuunza vana vazhinji muuthende, kuti apererise mukutambudzika uwo uri mutungamiri woruponeso rwavo.

1 Pet. 2:24

Uwo wakatwara emene zvishaishi zvedu mumuiri wake pamuchinjiko, kuti isusu tife mukushaisha, tipone mukururama; kubudikidza ngemaronda ake mwakaponeswa.

1 Pet. 3:18

Ngokuti Kristu wakatambudzikawo kamwe mhera nariini ngendaa yezvishaishi, ari wakarurama ngendaa yevasikazi kururama kuti amuunze kunaMwari. Wakaurawa munyama, asi wakaitwa unopona mumweya,