Revhi 4:21 - Bhaibheri Rakachena muChindau

²¹ Naye unozobudisa mukono uwo kubanze kwekamba, nokuupisha kudai ngezvaakapisha mukono wokutanga; uri mudiro wokushaisha wembungano yeshe.

Revhi 4:21 Iomraidhean Croise

Ezura 8:35

Panguva iyo avo vakauya kubva kuusungwa, vakapetuka kubva kuuhloko, vakapira midiro yokupisha kunaMwari waIsuraeri, mikono gumi namairi, kuitira vaIsuraeri veshe, magondohwe makumi mapfumbamwe namatanhatu, makwayana makumi manomwe nemanomwe, nemagotokoto gumi namairi kuita mudiro wezvishaishi; zveshe izvi zvakaita mudiro wokupisha kunaMambo Mwari.

EKISEDHUSI 29:14

Asi nyama yomukono nedoo rawo nemadisa awo unozozvipisha ngomuriro kubanze kwekamba, mudiro wokushaisha.

Ezek. 45:22

Pazuva iro mutongi unozodzinasirira pachake nevanhu veshe venyika mukono kuita mudiro wokushaisha.

Revhi 16:15

“Naapo unozouraya chiphongo chomudiro wokushaisha wevanhu, unozounza ngazi yacho mukati mwejira rendau yakachenesesa, nokuita ngeiyo ngazi kudai ngezvaakaita ngengazi yomukono, afafazire pachigaro chenyasha, nepamberi pechigaro chenyasha.

Revhi 16:21

NaAroni unozoisa nyara dzake dzeshe padera pesoro rechiphongo chichazwa, atende padera pacho kushata kweshe kwevanhu vaIsuraeri, nokupauka kwavo kweshe, nezvishaishi zvavo zveshe, echizviisa padera pesoro rechiphongo, naye unozochiendesa ngenyara yomunhu wakaemeswa, kuenda nacho mushango.

Revhi 16:27

Mukono wokuita mudiro wokushaisha, nechiphongo chokuita mudiro wokushaisha, ngazi yazvo yakaunzwa mundau yakachenesesa kuti iite muripo, umwewo unozozvibudisa kubanze kwekamba; vanozozvipisha ngomuriro matoo azvo, nenyama yazvo, nemadisa azvo.

Revhi 4:13

“Kudai mbungano yeshe yaIsuraeri yechishaisha ngokusikazia, neicho chiro chakafishika kubva mukuona kwembungano yeshe, vakaita chiro chimwe chokugura mupango kunyazwi ngouri waMambo Mwari, icho chisaisisa kuti chiitwe, navo vane ndaa;

Revhi 4:20

Unozoitazve kumukono uwo kudai ngezvaakaita kunomukono womudiro wokushaisha; nomupristi ngokudaro unozoita muripo ngepamusoro pavo, nakwo kunozorekererwa kwavari.

Revhi 6:11

Naye unozokhumura zvokusimira zvake, echipfeka zvimweni, nokudusa marota nokuarasha kubanze kwekamba, kundau yakanaka.

Revhi 6:23

Mudiro weshe wezviyo womupristi unozopishwa weshe; auzodyiwi.”

Revhi 8:17

Asi mukono pachawo, doo rawo, nyama yawo nemadisa awo, wakazvipisha ngomuriro kubanze kwekamba, kudai ngezvaakapanga Mambo Mwari kunaMosi.

Zvi. 15:24

zvino, kudai chiro chechizoitwa ngokusikazia, ngokubanze chisikaziikanwi kumbungano, mbungano yeshe inozopira mukono umwe kuita mudiro wokupisha, kuita gwema rakanaka kunaMambo Mwari, pamwepo nomudiro wezviyo, nomudiro wokumwa, kudai ngenjira yakaemeswa, gotokoto rimwe rokuita mudiro wokushaisha.

Mateu 20:28

Kudai ngoMukororo woMunhu aazi kuuya kushandirwa, asi kushandira nokuhina kupona kwake kuita muripo wevazhinji.”

2 VaK. 5:21

Iye wakamuita kushaisha ngendaa yedu, uwo waiya asikazi kuzia kushaisha, kuti mwaari isusu tiite kururama kwaMwari.

Vahebheru 13:11

Ngokuti miiri yemhuka dzine ngazi inounzwa kundau yakachena ngomupristi mukuru kuita mudiro wokushaisha, inopishwa kubanze kwekamba.