Revhi 4:20 - Bhaibheri Rakachena muChindau

²⁰ Unozoitazve kumukono uwo kudai ngezvaakaita kunomukono womudiro wokushaisha; nomupristi ngokudaro unozoita muripo ngepamusoro pavo, nakwo kunozorekererwa kwavari.

Revhi 4:20 Iomraidhean Croise

EKISEDHUSI 32:30

Mangwani mangwanani Mosi wakati kunevanhu, “Mwashaisha chishaishi chikuru. Zvino ndinozokwira kunaMambo Mwari; pamweni ndingaita muripo wechishaishi chenyu”

Dha. 9:24

“Mavhiki makumi manomwe akaemeswa ngomupango padera pevanhu vako nepadera pedhorobha rako rakacheneswa, kupedza ndaa, nokupedza zvishaishi, nokuunza kuiyanisa ngendaa yokushata, nokuunza kururama kusikaperi, nokukonya ngechinamiro zvioniso nokuprofeta, nokudzodza Uwo wakapindisisa kuchena.

Revhi 1:4

Unozoisa nyara yake padera pesoro romudiro wokupisha, nawo unozoashirika kwaari kuita kuripirwa kwake.

Revhi 12:8

Kuti asikakoni kuunza gwai ngaaunze magora mairi nokuti njia itsva mbiri, imwe iite mudiro wokupisha, neimweni iite mudiro wokushaisha; nomupristi unozomuitira muripo wake, naye unozoita wakasukika.”

Revhi 14:18

Mafuta eshe anosara munyara yomupristi unozoadurura padera pesoro rouwo unoda kucheneswa. Mupristi unozomuitira muripo pamberi paMambo Mwari:

Revhi 15:15

Mupristi unozopira imwe kuita mudiro wokushaisha, neimweni kuita mudiro wokupisha; nomupristi unozomuitira muripo pamberi paMambo Mwari ngendaa yomutunda ngazi yake.

Revhi 19:22

Nomupristi unozomuitira muripo pamberi paMambo Mwari ngegondohwe romudiro wokupauka ngendaa yechishaishi chake chaakaita, nechishaishi chaakaita chinozorekererwa kwaari.

Revhi 4:21

Naye unozobudisa mukono uwo kubanze kwekamba, nokuupisha kudai ngezvaakapisha mukono wokutanga; uri mudiro wokushaisha wembungano yeshe.

Revhi 4:26

Naye unozopisha mafuta acho eshe padera pearita, kudai ngemafuta omudiro wokuiyana; ngokudaro mupristi unozoita muripo ngendaa yechishaishi chake, nacho chinozorekererwa kwaari.

Revhi 4:35

Unozotora mafuta aro eshe, kudai ngemafuta egwai anotorwa kubva kumudiro wokuiyana, nomupristi unozoapisha padera pearita, kudai ngezvinoitwa kumidiro yomuriro kunaMambo Mwari. Ndizvo mupristi unozoita muripo ngendaa yechishaishi chake chaakashaisha, nacho chinozorekererwa kwaari.

Revhi 4:8

Unozodusa mafuta eshe kubva kumukono womudiro wokushaisha: mafuta eshe akafukidza maura nemafuta eshe akatendenedza maura;

Revhi 5:10

Unozopira yechipiri kuita mudiro wokupisha, kudai ngomuitiro wacho. Ndizvo mupristi unozoita muripo ngendaa yechishaishi chake chaakashaisha, naye unozorekererwa.

Revhi 5:13

Ndizvo mupristi unozoita muripo wechishaishi chake chaakashaisha kunoumwe weizvi, naye unozorekererwa. Kudai ngomudiro wezviyo uhwo hunosara hunozoita hwomupristi.”

Revhi 5:16

Unozoripa kushata kwaakaita ngendaa yeicho chiro chakacheneswa, unozotutsira rupande rwechishanu, unozozvipa kunomupristi. Unozoita muripo ngendaa yechishaishi chake, naye unozorekererwa.

Revhi 5:18

Unozounza kunomupristi gondohwe risina kuremara kubva mumitanga, nokuti zvakaedzana kuita mudiro wechishaishi chokupauka; nomupristi ngokudaro unozoita muripo ngendaa yokusikazia kwake kwaakapauka asikazi kuzia, naye unozorekererwa.

Revhi 5:6

Unozounza kunaMambo Mwari mudiro wokupauka kwake, wechishaishi chake chaakashaisha, thukazi regwai nokuti rembudzi kuti riite mudiro wokushaisha kwake; nomupristi unozoita muripo ngendaa yechishaishi chake.

Revhi 6:7

Mupristi unozoita muripo pamberi paMambo Mwari naye unozorekererwa kunyazwi ngechiri chaakaita chokupauka ndicho.”

Zvi. 15:25

Nomupristi unozoita muripo wembungano yeshe yevana vaIsuraeri, navo vanozorekererwa; ngokuti chaiya chishaishi chokusikazia; navo vaunza mudiro wavo womuriro kunaMambo Mwari, nomudiro wavo wokushaisha pamberi paMambo Mwari.

Zvi. 15:28

Nomupristi unozoitira uwo munhu muripo pamberi paMambo Mwari wokushaisha ngokusikazia, apo akashaisha ngokusikazia, kumuitira muripo, naye unozorekererwa.

Varoma 5:11

Andizvopi zvega, asi tinoganzazve kunaMwari kubudikidza ndiye Mambo wedu Jesu Kristu, zvino kubudikidza ndiye takaashira kuiyaniswa.

Vagaratiya 3:13

Kristu wakatiripira kubva pachituko cheMupango, iye aitwa wakatukwa ngendaa yedu; ngokuti kwakanyorwa kuti, “Wakatukwa weshe unoturikwa pamuti,”

Vahebheru 1:3

Aye uri kupenya kwouthende hwaMwari nomuedzaniso wemene waMwari, nokugwinyisa zviro zveshe ngesimba reizwi rake. Naapo achenesa zvishaishi, wakagara pashi ngokumudyo kwoUkuru mudenga.

Vahebheru 2:17

Ndizvo unosisira kuti atodzane nehama dzake ngezviro zveshe, kuti aite mupristi mukuru unenyasha nounogondeka mumushando waMwari, kuti aripire zvishaishi zvevanhu.

Vahebheru 9:14

ngazi yaKristu inozopinda kwakaitawani, uwo kubudikidza ngomweya wemhera nariini wakadzipa asina chaangapomerwa kunaMwari, kuchenesa mhumba dzedu kubva kumishando yakafa kuti tishandire Mwari unopona!

1 Joh. 1:7

asi kudai techihamba mukujeka kudai ndiye uri mukujeka, tinakwo kuiyana umwe kunoumweni, nengazi yaJesu Mukororo wake inotisuka kubva kuzvishaishi zveshe.

1 Joh. 2:2

nouyu ndiye muripiri wezvishaishi zvedu, haiwa wezvishaishi zvedu zvega, asiwo nezvishaishi zvenyika yeshe.

Chakapangijihwa 1:5

nokunobva kunaJesu Kristu uri chapupu chakagondeka, dangwe rokumuka kwevakafa, nomutongi wemadzimambo enyika. Kwaari uwo wakatida, akatisunhura kubva kuzvishaishi zvedu ngengazi yake,