Revhi 3:9 - Bhaibheri Rakachena muChindau

⁹ Unozopira mudiro wokuiyana unoitwa ngomuriro kunaMambo Mwari; mafuta aro nomuswe waro wakapamhama weshe ugure ngepasinde pegodo romushana waro, nemafuta eshe ari kumaura;

Revhi 3:9 Iomraidhean Croise

2 Sam. 6:17

Vakaunza bhokisi rechitenderano chaMambo Mwari, vakariisa pandau yaro, mukati mwetende iro reraiya radzimikirwa ndiDhavhidha; naDhavhidha wakapira mudiro wokupisha, nomudiro wokuiyana pamberi paMambo Mwari.

1 Madzi. 3:15

Zvino Soromoni wakamuka; ringira, kwaiya kurota. Wakauya Jerusarema, apo paakaema pamberi pebhokisi rechitenderano chaMambo Mwari. Wakapa midiro yokupisha, akapazve midiro yokuiyanisa, akaitira varanda vake veshe dhiri.

1 Madzi. 8:63

Soromoni wakapira kuita mudiro wokuiyanisa kunaMambo Mwari, makabi makumi mairi nemairi emakumi emazana (22,000) nezana nemakumi mairi emakumi emazana (120,000) emakwai. Ndizvo mambo nevaIsuraeri vakapira mhatso yaMambo Mwari.

1 Madzi. 8:64

Ngezuva ririro mambo wakachenesa mupanda waiya pakati pemhatso, uwo waiya pamberi pemhatso yaMambo Mwari; ngokuti apo ndipo paakapira midiro yokupisha, nemidiro yezviyo, zvigurwa zvemafuta emidiro yokuiyanisa, ngokuti arita rethusi iro raiya pamberi paMambo Mwari, raiya doko risikakwani kupishirapo midiro, nemidiro yezviyo, nezvigurwa zvemafuta emidiro yokuiyanisa.

1 MaKro. 16:1

Vakaunza bhokisi rechitenderano chaMwari, vakarigadzika mukati mwetende, raakariakira Dhavhidha; vakapira midiro yokupisha nemidiro yokuiyanisa pamberi paMwari.

EKISEDHUSI 29:22

“Unozotorawo mafuta egondohwe nemafuta omuswe, mafuta anofukidza mathumbu nemafuta anofukidza chiropa, itsvo mbiri, nemafuta akadziputira, nechitho chokumudyo; ngokuti igondohwe rokugadzwa ndiro,

Mazwi 23:26

Mwana wangu, ndipe mwoyo wako, namadziso ako anase kuringira njira dzangu.

Isa. 53:10

Asi kwaiya kuda kwaMambo Mwari kumuparadza ngokurwadziwa apo unoita kupona kwake mudiro wokushaisha, unozoona mubarirwana wake, unozorebesa mazuva ake; kubudikidza ndiye kuda kwaMambo Mwari kunozobudirira munyara yake.

Revhi 17:5

Uku kuitira kuti vaIsuraeri vaunze midiro yavo yevanouraira kubanze, vaiunze kunaMambo Mwari, kumusiwo wetende romushongano, kumupristi nokuipira kunaMambo Mwari kuita midiro yokunyarara.

Revhi 7:3

Unozopira mafuta awo eshe; muswe wakapamhama, mafuta anofukidzira maura,

Revhi 8:25

Wakatora mafuta, nomuswe wakapamhama, nemafuta eshe akatendenedza maura, nemafuta aiya padera pechiropa, netsvo mbiri, nemafuta adzo, nechityu chokumudyo.

Revhi 9:19

nemafuta omukono neegondohwe, nomuswe wakapamhama, nemafuta anofukidza maura, netsvo, nemafuta ari padera pechiropa.

Zvi. 7:88

nezvifuyo zveshe zvomudiro wokunyarara mikono makumi mairi nemirongomuna, magondohwe makumi matanhatu, magotokoto makumi matanhatu, nezvimagondohwe zvinegore rimwe makumi matanhatu. Uku ndikwo kupirwa kwezvipo zvearita, ngesure kwokudzodzwa kwaro.

1 Sam. 10:8

Newe unozodzaka Girigari kunditangira; zvino ndinozouya kwouri, koopira midiro yokunyarara. Unozogarira mazuva manomwe, metsa ndauya kwouri, nokukupangidza icho chounozoita.”