Revhi 3:17 - Bhaibheri Rakachena muChindau

¹⁷ “Chinozoita chiemeso chinoitwa mhera nariini kunemibarirwana yenyu kundau dzeshe dzokugara: Musazodya mafuta nokuti ngazi.”

Revhi 3:17 Iomraidhean Croise

Gen. 9:4

Asi amuzodyi nyama inokupona kwayo, kuronza kuti, ngazi yayo.

2 MaKro. 29:35

Ngepabanze pemidiro yokupisha yaiya yakawanda, nemafuta emidiro yokunyarara, nemidiro yokumwa, yaipirwa pamwepo nemidiro yokupisha. Ndizvo mishando yemhatso yaMambo Mwari yakaemeswazve.

Neh. 8:10

Zvino wakati kwevari, “Endai, mudye zvakakora, nokumwa vhini rinotapira, mutumire zvikoaniswa kwevari vasina zvakanasirirwa, ngokuti zuva iri rakachena kunaMambo Mwari wedu; musatambudzika, ngokuti kudakara kwaMambo Mwari ndiro simba renyu.”

EKISEDHUSI 27:21

Mutende romushangano ngokubanze kwejira rechisitiro riri pamberi pebhokisi rechitenderano, Aroni nevakororo vake vanozochingwarira chechibaka pamberi paMambo Mwari kubvira madeekoni metsa mangwani mangwanani. Mupango uyu unozongwarirwa mhera nariini ngevana vaIsuraeri nemibarirwana yavo.

EKISEDHUSI 28:43

Ngaapfekwe ndiAroni navakororo vake apo voopotera mutende romushongano nokuti vookwedzera kuarita kushanda mundau yakachena, kuti vasazodziunzira kushata, vafe. Ichi chinozoita chiemeso chemhera nariini kwaari nokune mibarirwana yake inozouya ngesure kwake.

Ezek. 33:25

Ndizvo ereketa kwevari kuti, ‘Izvi ndizvo zvinoronza Mambo Mwari, Mwari: Munodya nyama inengazi, nokumirudza madziso enyu kuringira miedzaniso yenyu yokudira, nokuparadza ngazi; zvino munozogara nhaka yenyika here?

Ezek. 44:15

“Asi vapristi vevaRevhi, vakororo vaZadhoki, avo vakangwarira mushando wendau yangu yakachena apo vanhu vaIsuraeri vapauka kubva kwendiri, vanozokwedzera kwendiri kuti vandishandire; vanozoema pamberi pangu, kuti vandipe mafuta nengazi, unoronza Mambo Mwari, Mwari.

Ezek. 44:7

mukutendera vapara, vasikazi kuchekwa mumwoyo nomunyama, kupinda mundau yangu yakachena, kuti vaitsverudze, mutemperi mwangu, apo imwimwi munopira kwendiri chingwa changu, mafuta nengazi. Vagura chitenderano changu ngezvinyangadzo zvavo zveshe.

Revhi 10:15

Vanozounza chityu chokumirudzwa nechifuba chokuzunguzwa pamwepo nemidiro inoitwa ngomuriro yemafuta, kuti zvizunguzwe kuita mudiro wokuzunguzwa pamberi paMambo Mwari; nazvo zvinozoita zvako iwewe nevakororo vako, ngechiemeso chemhera nariini, kudai ngezvaakapanga Mambo Mwari.”

Revhi 10:9

“Usazomwa vhini nokuti zvinoradzisa, iwewe nokuti vakororo vako, apo munopinda mutende romushongano, kuti musafa; chinozoita chiemeso chemhera nariini kwomuri nomumibarirwana yenyu yeshe.

Revhi 16:29

“Neichi chinozoita chiemeso kwomuri chinoti mhera nariini: kuti ngomwedzi wechinomwe, ngezuva regumi romwedzi, munozotambudza mweya yenyu, musazoita mushando nokuti ngouri, kunyazwi vemhuri yenyu nokuti mupara unogara pakati penyu.

Revhi 16:34

Neichi chinozoita chiemeso kwomuri chemhera nariini, kuita muripo wevanhu vaIsuraeri wezvishaishi zvavo kamwe ngegore.” Mosi wakaita kudai ngezvaakapanga Mambo Mwari kwaari.

Revhi 17:7

Ndizvo avachazopiri midiro yavo kunemiedzaniso yokudira yembudzi, yevanoteera sure kwao kuita umhombo. Ichi chinozoita chiemeso kwavari kunoti mhera nariini pakati pemibarirwana yavo.’

Revhi 19:26

“Musazodya chiro chinengazi yacho. Zve, musazoshandisa masaramuso nokuti kushandisa uroyi.

Revhi 23:14

Musazodya chingwa nokuti koroni yakakochwa, nokuti mushosho, risati raguma zuva romunozounza ndiro mudiro kunaMwari wenyu. Chinozoita chiemeso chemhera nariini kumibarirwana yenyu muugaro hwenyu hweshe.’

Revhi 23:21

Naapo munozodaidzira zuva ririro kuti riite zuva romushongano wakachena kwomuri; ngeiro zuva musazoshanda mushando. Chinozoita chiemeso chemhera nariini kwomuri muugaro hwenyu, kumibarirwana yenyu.

Revhi 24:3

Aroni unozozvinasira ngokubanze kwejira rendau yakachena kuzvijekisa kubvira madeekoni metsa kuedza kwezuva pamberi paMambo Mwari ngokuangirira; ichi chinozoita chiemeso chemhera nariini kwomuri kumibarirwana yenyu.

Revhi 24:9

Nazvo zvinozoita zvaAroni nezvevakororo vake; vanozozvidyira mundau yakachena, ngokuti zviri zvakachenesesa kwaari, zvemidiro yaMambo Mwari inoitwa ngomuriro, ngechiemeso chemhera nariini.”

Revhi 3:16

Zvino mupristi unozozvipisha padera pearita, kudai ngomudiro wokudya unoitwa ngomuriro, kuita gwema rakanaka. Mafuta eshe ayo ngaaMambo Mwari.

Revhi 4:1

Mambo Mwari wakaereketa kunaMosi echiti,

Revhi 6:15

Vanozonokora tsimba youfu hwomudiro wezviyo, nemafuta ahwo, nemakha ari padera pomudiro wezviyo, unozohupisha padera pearita kuita gwema rakanaka, kuita chicherechedziso chahwo, kunaMambo Mwari.

Revhi 6:18

Veshe vevamuna pakati pemibarirwana yaAroni vanozohudya. Chinozoita chiemeso chemhera nariini kumibarirwana yenyu ngendaa yemidiro yaMambo Mwari inoitwa ngomuriro; veshe vanoigwama vanoita vakacheneswa.”

Revhi 6:22

Ndizvo mupristi wakadzodzwa kubva pakati pemibarirwana yaAroni unozomuteera ndiye unozounasirira; chinozoita chiemeso chemhera nariini kunaMambo Mwari; unozopishwa weshe.

Revhi 7:23

“Ereketa kunevanhu vaIsuraeri wechiti, ‘Musazodya mafuta nokuti ngaari, en'ombe nokuti egwai neembudzi.

Revhi 7:34

Ngokuti ndakatora kubva kuvanhu vaIsuraeri chifuba chokuzunguzira, nechizva chokumirudza kubva kwezvinopirwa zvemidiro yavo yokuiyana, neni ndakazvipa kunaAroni mupristi nevakororo vake ngechiemeso chemhera nariini kubva pakati pevana vaIsuraeri.’ ”

Revhi 7:36

Izvi zvaakapanga Mambo Mwari kuti zvipuwe kwavari ngevaIsuraeri, ngeiro zuva raakavadzodza, ngechiemeso chemhera nariini kumibarirwana yavo yeshe.

Zvi. 19:21

“Chinozoita chiemeso kwavari mhera nariini. Uwo unofafazira mvura yokuchenesa unozoshamba machira ake; kunyazwi ndiani unogwama mvura yokuchenesa unozoita wakasvipiswa metsa madeekoni.

Mateu 16:24

Naapo Jesu wakati kuvadzidzi vake, “Kunyazwi ndiani unoda kuuya sure kwangu, ngaadzirambe atore muchinjiko wake, anditeere.

Mateu 26:28

Ngokuti iyi iri ngazi yangu yechitenderano, inoparadzirwa ngepamusoro pevazhinji kuita kurekererwa kwezvishaishi.

Zvak. 15:29

kuti murekere kudya izvo zvinopirwa miedzaniso yokudira nengazi nezvinodzipwa nokuomba. Kudai mwechidzingwarira kubva kuneizvi pachenyu, zvinozonaka kwomuri. Chisarai zvakanaka.”

Vaefesu 1:7

Mwaari tinakwo kuripirwa kubudikidza ngengazi yake, ndikwo kukungurirwa kwezvishaishi zvedu, kudai ngouwandu hwenyasha dzake,

Vaefesu 5:26

kuti achichenese, achisuka ngokushamba ngemvura neizwi,

Dhuto. 12:16

Kwega musazodya ngazi; munozoidurura pamavhu kudai ngemvura.

Dhuto. 12:23

Kwega ngwarirai kuti musazodya ngazi; ngokuti ngazi ndiyo kupona, nemwi musazodya kupona pamwepo nenyama.

Dhuto. 12:24

Nemwi amuzoidyi; asi munozoidururira pashi pamavhu kudai ngemvura.

Dhuto. 15:23

Kwega musazodya ngazi yayo; unozoidurura pashi pamavhu kudai ngemvura.

Dhuto. 32:14

Mukaka wakakora wezvifuyo, nomukaka wehwai nembudzi, nemafuta emakwai nemagondohwe; mikono yeBhashani, nembudzi, nemafuta ekoroni yakanaka; nemwi mwakamwa vhini rakanaka yaamho kubva kumavhini.

1 Tim. 4:4

Ngokuti zvisikwa zveshe zvakasikwa ndiMwari zvakanaka, apana chinosisira kurambwa, kudai chechiashirwa ngokubonga;