Revhi 3:11 - Bhaibheri Rakachena muChindau

¹¹ Zvino mupristi unozozvipisha padera pearita, kudai ngomudiro wokudya wakaitwa ngomuriro kunaMambo Mwari.

Revhi 3:11 Iomraidhean Croise

Nduyo 22:14

Ndinodururwa kudai ngemvura, nemagodo angu eshe arungunuka; mwoyo wangu wakadai ngemhura; unonyunguruka mukati mwangu.

Ezek. 44:7

mukutendera vapara, vasikazi kuchekwa mumwoyo nomunyama, kupinda mundau yangu yakachena, kuti vaitsverudze, mutemperi mwangu, apo imwimwi munopira kwendiri chingwa changu, mafuta nengazi. Vagura chitenderano changu ngezvinyangadzo zvavo zveshe.

Revhi 21:17

“Ereketa kunaAroni wechiti, ‘Kunyazwi ndiani uri worudzi rwako, mumibarirwana yavo, uwo uri wakaremara, asazokwedzera kupira kudya kwaMwari wake.

Revhi 21:6

Vanozoita vakachena kunaMwari wavo, vasazotsverudza zina raMwari wavo; ngokuti ndivo vanopira midiro yaMambo Mwari, inoitwa ngomuriro, nokudyazve kwaMwari; ndizvo vanozoita vakachena.

Revhi 21:8

Ndizvo munozovabata kudai ngevakacheneswa, ngokuti ndivo vanopira kudya kwaMwari wenyu; vanozoita vakachena kwomuri, ngokuti inini Mambo Mwari, uwo unomuchenesa, ndiri wakachena.

Revhi 22:25

Zve, musazoashira yakadai kubva munyara yomupara kupira kuita kudya kunaMambo Mwari; ngokuti kushata kwayo kuri kweiri, nokuremara kwayo kuri kweiri, isazoashirwa kwomuri.”

Revhi 3:16

Zvino mupristi unozozvipisha padera pearita, kudai ngomudiro wokudya unoitwa ngomuriro, kuita gwema rakanaka. Mafuta eshe ayo ngaaMambo Mwari.

Revhi 3:5

Zvino vakororo vaAroni vanozozvipisha padera pearita, ngepadera pomudiro wokupisha, uri padera pehuni dzomuriro, kudai ngomudiro unoitwa ngomuriro wegwema rakanaka kunaMambo Mwari.

Mar. 1:12

Asi imwimwi munorisvipisa, apo munoti, ‘Tafura raMambo Mwari rasvipiswa; nemichero yaro, iri kudya kwake, inoshooreka.’

Mar. 1:7

Ngokupira chingwa chakasvipiswa padera pearita rangu. Nemwi munoti, ‘Takarisvipisa ngenjiranyi?’ Ngokupinimidza kuti tafura raMambo Mwari chiro chinoshooreka.

Zvi. 28:2

“Panga vaIsuraeri, uti kwavari, ‘Zvipo zvangu, kudya kwomudiro wangu unoitwa ngomuriro, wokuita gwema rakanaka kwendiri, munozongwarira kuzvipira kwendiri ngenguva yakaemeswa.’

Zvi. 28:24

Ngenjira imweyo munozogara mwechipira mazuva eshe, metsa kupere mazuva manomwe, mudiro wokudya unoitwa ngomuriro, kuita gwema rakanaka kunaMambo Mwari; unozopira ngepabanze pomudiro wezuva rimwe ngarimwe wokupisha nowokumwa.

Varoma 8:32

Iye usikazi kuramba noMukororo wake, asi wakamupa ngendaa yedu teshe, aazotipi ngenyasha zviro zveshe zvaanazvo here?

1 VaK. 10:21

Amungamwi kubva kunetsani yaMambo nokutsani yemadhimoni. Amukoni kudya kubva patafura raMambo nepatafura remadhimoni.

Chakapangijihwa 3:20

Wona, ndinoema pamusiwo nokudododza; kudai aripo munhu unorizwa izwi rangu nokubeura musiwo, ndinozopotera mwaari, ndidye naye, naye adye neni.