Revhi 27:34 - Bhaibheri Rakachena muChindau

³⁴ Iyi ndiyo mipango yaakapanga Mambo Mwari kunaMosi paMutunhu weSinai, yevanhu vaIsuraeri.

Revhi 27:34 Iomraidhean Croise

Revhi 26:46

Izvi ndizvo zviemeso nezvitongero nezvironzo, zvaakaita Mambo Mwari pakati pake navaIsuraeri paMutunhu weSinai ngenyara yaMosi.

Revhi 7:38

Icho chaakapanga Mambo Mwari kunaMosi paMutunhu weSinai, apo akapanga vanhu vaIsuraeri kuti vaunze midiro yavo kunaMambo Mwari, mushango reSinai.

Zvi. 1:1

NaMambo Mwari wakaereketa kunaMosi mushango reSinai, ari mutende romushongano, ngezuva rokutanga romwedzi wechipiri, ngegore rechipiri ngesure kwokubuda kwavo kubva munyika yeEgipite echiti,

Zvi. 28:6

Uyu mudiro wokupisha wezuva rimwe ngarimwe, wakaemeswa paMutunhu weSinai, kuita gwema rakanaka, mubairo unoitwa ngomuriro kunaMambo Mwari.

Zvi. 3:1

Iyi ndiyo mibarirwana yaAroni naMosi ngezuva raakaereketa Mambo Mwari kunaMosi ari paMutunhu weSinai.

Zvi. 36:13

Iyi ndiyo mipango nezvitongero, zvaakapanga Mambo Mwari ngenyara yaMosi kuvana vaIsuraeri vari mumabani eMoabhi paJorodhani pasinde peJerikho.

Johani 1:17

Ngokuti mipango yakapuwa kubudikidza ndiMosi; asi nyasha negwinyiso zvakaapo kubudikidza ndiJesu Kristu.

Dhuto. 1:3

Kwakaitika ngegore remakumi marongomuna, ngomwedzi wegumi noumwe, ngezuva rokutanga romwedziwo, kuti Mosi wakaereketa kunevanhu vaIsuraeri, kudai ndizvo zveshe zvaakamupanga Mambo Mwari kuti aronze kwavari;

Dhuto. 29:1

Aya ndiwo mazwi echitenderano chaakapanga Mambo Mwari kunaMosi kuti achiite nevaIsuraeri vari munyika yeMoabhi, kututsira kuchitenderano chaakaita navo vari muHorebhi.

Dhuto. 4:45

Izvi ndizvo zvapupu nezviemeso nemipango, zvaakaereketa Mosi kuvaIsuraeri ngesure vabuda kubva muEgipite,

Dhuto. 4:5

Penyai, ndakamudzidzisa zviemeso nezvitongero, eya, kudai ngezvaakandipanga Mambo Mwari, Mwari wangu, kuti muzozviita munyika yomunoenda koogara nhaka.