Revhi 27:3 - Bhaibheri Rakachena muChindau

³ Kuerengwa kwomunhu womwamuna unemakore makumi mairi metsa kuguma makore makumi matanhatu, kunozoita zvigurwa makumi mashanu zvesirivha, kudai ngechipimo chaishandiswa mundau yakachena.

Revhi 27:3 Iomraidhean Croise

2 Madzi. 12:4

Jehoashi wakati kuvapristi, “Ashirai mare yeshe yeizvo zvakacheneswa zvinounzwa kumhatso yaMambo Mwari, mare yeshe yomunhu weshe unoerengwa, kudai ngeyaakaemeserwa munhu kuti aduse, nemare yeshe yaakadziemesera munhu mumwoyo mwake kuti aunze kumhatso yaMambo Mwari.

EKISEDHUSI 30:13

Umwe ngaumwe wakaerengwa; unozopa muripo wakaemeswa, unouremu wechipimo chakaemeswa chepandau yakachena. Munhu weshe unozopa muripo uyu kuita mudiro kunaMambo Mwari.

EKISEDHUSI 38:24

Mukore weshe wakashandiswa kumushando wokuaka weshe wendau yakachena, mukore wezvipo zvakazunguzirwa, waiya makhirogramu gumi rimwe ramazana (1,000), wakapimwa ngechipimo chaishandiswa mundau yakachena.

Revhi 27:14

“Kudai munhu echipira mhatso yake kunaMambo Mwari kuti iite yakacheneswa, mupristi unozoierenga; kunyazwi yakanaka nokuti yakashata, ndizvo kunozoitika kudai ngezvaakaerenga mupristi.

Revhi 27:25

Kuerenga kwake kweshe kunozodai ngokuerengwa kunoshandiswa mundau yakachena; unozopima magira makumi mairi kuita chigurwa chimwe.

Revhi 27:4

Kudai ari munhu womukadzi, kuerengwa kwake kunozoita zvigurwa makumi matatu.

Revhi 5:15

“Naapo umwe wenyu echizoita chishaishi chokupauka, echishaisha ngokusikazia kuneizvo zvakachena zvaMambo Mwari; naapo unozounza kunaMambo Mwari kuita mudiro wechishaishi chokupauka kwake, gondohwe risina kuremara kubva mumitanga, zvinoshandurwa kuita zvigurwa zvesirivha, kudai ngechipimo chinoshandiswa mundau yakachena, kuita mudiro wechishaishi chokupauka.

Revhi 6:6

Unozounza mudiro wokupauka kwake kunaMambo Mwari, kunomupristi, mudiro wechishaishi chake, gondohwe romutanga, risina kuremara, kudai ngokuedzanisa kwake, kuti uite mudiro wokushaisha.

Zvi. 18:16

Mutengo wokuripira munozozviripira kubvira zvaane mwedzi umwe wokubarwa kwazvo, kudai ngokuerenga kwako, ngezvigurwa zvesirivha zvishanu, kudai ngechipimo chaishandiswa mundau yakachena, (riri magera makumi mairi).

Zvi. 3:47

Unozotora zvigurwa zvesirivha zvishanu, panoumwe ngoumwe ngokuerengwa kwemasoro, kudai ngechipimo chesirivha chomundau yakacheneswa, (chigurwa chesirivha chinokwana magera makumi mairi.)