Revhi 26:9 - Bhaibheri Rakachena muChindau

⁹ Ndinozomuringira ngokumuda, ndinozoita kuti mubereke, muwande, ndigwinyise chitenderano changu nemwi.

Revhi 26:9 Iomraidhean Croise

Gen. 1:28

Mwari wakavafumisa; naMwari wakati kwavari, “Baranai muwande, muzadze nyika, muinyise; mutonge padera pehove dzomuruandhle, padera peshiri dzomumweya nepadera pezviro zveshe zvipuka zvidoko nezvinopona zvinogwezva padera penyika.”

Gen. 17:20

Asi ngendaa yaIshumaeri, ndakuzwa; wona, ndinozomufumisa, ndinozoita kuti abare kakurutu, ndinozomuwanzisa kakurutu; unozoita baba wevazvare gumi navairi, ndinozomuita dzinza guru.

Gen. 22:17

ngegwinyiso ndinozokufumisa, ndinozoita kuti mibarirwana yako iwande kudai ngenyeredzi dzomudenga nokudai ngejecha riri pahumbikumbi yoruandhle. Mibarirwana yako inozotora misiwo yemagaa ayo.

Gen. 26:4

Ndinozowanza mibarirwana yako kudai ngenyeredzi dzomudenga, ndinozopa kumibarirwana yako nyika idzi dzeshe; kubudikidza ngemibarirwana yako madzinza eshe enyika anozofumiswa,

Gen. 28:14

nemibarirwana yako inozodai ngebukuta renyika, newe unozopararira kuenda kumabirirazuva nokumabvazuva, dera nokubani; mhuri dzeshe dzomunyika dzinozofumiswa mwouri, nomumibarirwana yako.

Gen. 28:3

Mwari Unesimba-reshe ngaakufumise, aite kuti mubarane, amuwanze, kuti muite dzinza guru revanhu.

Gen. 48:4

akati kwendiri, ‘Ringira, ndinozokuita kuti ubare, ndikuwanze; ndinozokuita chiunga chevanhu, ndinozopa nyika iyi kumibarirwana yako inouya sure kwako kuita yavo mhera nariini.

Gen. 6:18

Asi ndinozogwinyisa chitenderano changu newe; newe unozopotera mungarava, iwewe nevakororo vako nomukadzi wako nevakadzi vevakororo vako pamwepo newe.

1 Madzi. 3:8

Muranda wako uri pakati pevanhu vako, avo vowakatsanangura, vanhu vazhinji, vasikaerengeki ngouwandu.

2 Madzi. 13:23

Asi Mambo Mwari wakavaitira nyasha, wakavazwira urombo; akakunukukira kwevari, ngendaa yechitenderano chake naAbrahama, Isaka naJakobe, naye aazi kuvaparadza, nokuti kuvarasha ngouwo mukuwo kubva kuhope yake metsa nyamashi.

Neh. 2:20

Zvino ndakavapingura ndechiti kwevari, “Mwari womudenga ndiye unoita kuti tibudirire; neisusu varanda vake tinozomiruka titange kuaka; asi imwimwi amuna chikoaniswa, nokuti chichemo, nokuti chicherechedziso muJerusarema.”

Neh. 9:23

Wakawandisa mibarirwana yavo ikawanda kudai ngenyeredzi dzomudenga, wakavapotedza munyika yowakaronzera madzibaba avo, kuti vapoteremwo vagare nhaka yayo.

Nduyo 107:38

Ngenyasha dzake unoita kuti vawande kakurutu; aatendi kuti n'ombe dzavo dzisvodze.

Nduyo 89:3

Wakati, “Ndaita chitenderano nowakatsanangurwa wangu, ndapika kunaDhavhidha muranda wangu:

EKISEDHUSI 1:7

Asi vana vaIsuraeri vakaberekana, vakawanda kakurutu; vakawandisisa, vakaita vane simba kakurutu; ndizvo nyika yakazara ndivo.

EKISEDHUSI 2:25

Mwari wakaona vaIsuraeri, naMwari wakanyera ndivo.

EKISEDHUSI 6:4

Ininiwo, ndakaemesa chitenderano changu navo, kuvapa nyika yeKhenani, nyika yevakagaramwo vari zvigarandimo.

Isa. 55:3

Kotamisira nzee yako, uuye kwendiri; purutana, kuti mweya wako upone. Ndinozoita chitenderano newe chemhera nariini, nyasha dzangu dzinorudo, rudo rwegwinyiso rwakagondiswa Dhavhidha.

Jer. 23:3

“Zvino ndinozounganidza pachangu akasara emakwai angu kubva kunyika dzeshe kwendakaatatanisira, nokuaunzazve kumatanga awo; nawo anozobereka nokuwandisa.

Jer. 23:4

Ndinozomirudza vaushi padera pawo, avo vanozoausha; nawo aachazotyi nokuti kuvhunduswa, apana narimwe rawo rinozorashika,” unoronza Mambo Mwari.

Jer. 33:3

Daidzai kwendiri, neni ndinozomupingura, nokumuronzera zviro zvikuru nezvakafishika zvomusaizia.

Ezek. 16:62

Ndinozoita chitenderano changu newe; newe unozozia kuti inini ndini Mambo Mwari,

Ezek. 36:9

Zvino, ringira, ndiri wenyu; ndinozokunukukira kwomuri, nemwi munozorimwa nokukushwa;

Revhi 26:15

nokudai mwechizoshoora zviemeso zvangu, nokuti kudai mweya yenyu yechizoshoora zvitongero zvangu, musikazoiti mipango yangu yeshe, asi mwechigura chitenderano changu,

Ruka 1:72

kuonisa nyasha kunemadzibaba edu, nokukarakadza chitenderano chake chakachena,

Dhuto. 28:11

NaMambo Mwari unozowanzisa nhumbi dzenyu, vana vanobarwa ndimwi, zvifuyo zvenyu, zvirimwa zvemavhu enyu, munyika yaakapika ndiyo Mambo Mwari kumadzibaba enyu, kuti ape kwomuri.

Dhuto. 28:4

Vanozofumiswa avo vanozobarwa ndimwi, nemichero yemavhu enyu, nezvinozobarwa ngezvifuyo zvenyu; zveshe zvifuyo zvenyu zvichawanzwa.

Dhuto. 7:13

naye unozomuda, amufumise, amuwanze; zve, unozofumisa vanobarwa ndimwi nemichero yeminda yenyu, nezviyo zvenyu, nevhini renyu, nemafuta enyu, nezvinoberekwa ngen'ombe dzenyu, nemitanga yehwai dzenyu, munyika iyo yaakapika ndiyo kunemadzibaba enyu kuipa kwomuri.

Vahebheru 8:9

haiwa chakadai ngechitenderano chendakaita nemadzibaba avo, ngezuva rendakavatora ngenyara kuvatungamirira kubuda munyika yeEgipite; ngokuti avazi kuangira kugara muchitenderano changu, neni andizi kupinimidza ndivo, unoronza Mambo Mwari.