Revhi 26:6 - Bhaibheri Rakachena muChindau

⁶ Ndinozomupa kunyarara munyika, munozoata pashi, pasina unomutyisidzira; ndinozodzinga zvikara zvakashata kubva munyika, neshoti aizoparuri nyika yenyu.

Revhi 26:6 Iomraidhean Croise

2 Madzi. 2:24

Naapo wakakunukuka, akaringira kwevari, wakavatuka ngezina raMambo Mwari. Kwakabuda kubva mugwasha mabheya mairi echikadzi, akauraya zvirumbwana zvimweni makumi marongomuna nezviiri zvavo.

1 MaKro. 22:9

Wona, mukororo unozobarwa kwouri; unozoita munhu wokunyarara. Ndinozomupa kunyarara kubva kumagaa ake akamutendenedza; ngokuti zina rake rinozozwi Soromoni, neni ndinozopa kunyarara nokugarisika kuvaIsuraeri mumazuva ake.

2 MaKro. 20:30

Ndizvo umambo hwaJehoshafati hwaiya nokunyarara, ngokuti Mwari wake wakamupa kuzorora kundau dzeshe dzakamutendenedza.

Jobe 11:19

Unozoata pashi, akuna naumwe unozokutyisidzira; vazhinji vanozotsvaka kuzwanana newe.

Jobe 5:23

Ngokuti unozoita chitenderano nemapuwe omushango nezvikara zvomushango zvichagara mukunyarara newe.

Nduyo 144:14

nen'ombe dzedu ngadziremerwe ngokubara vana vazhinji; kusina kuphunza nokuti kubuda kunyika mukanza, kusina mhere yemadambudziko mumapato edu.

Nduyo 147:14

Unoisa kunyarara mumigano yako; unokugutisa ngekoroni yakapindisisa kunaka.

Nduyo 29:11

Mambo Mwari ngaape simba kunevanhu vake! Mambo Mwari ngaafumise vanhu vake ngokunyarara! Nduyo yaDhavhidha yoKupirwa kweTemperi.

Nduyo 3:5

Ndinoata pashi ndiate hope; ndinomukazve, ngokuti Mambo Mwari unondigwinyisa.

Nduyo 4:8

Ndinozoata pashi ndechiata hope mukunyarara; ngokuti iwewe wega, Mambo Mwari, unoita kuti ndiate pashi mukungwaririka. KuneMutungamiriri woKuemba, neMinanzi. Nduyo yaDhavhidha.

Nduyo 85:8

Ngandizwe zvaanoereketa Mwari, Mambo Mwari, ngokuti unozoereketa kunyarara kunevanhu vake, kunevakagondeka vake, kwevari vanokunukukira kwaari mumwoyo yavo.

EKISEDHUSI 23:29

Andizovadzingi kubva pamberi penyu ngegore rimwe, kuti nyika isazoita shango, nezvikara zvomushango zviwande kupinda imwimwi.

Mazwi 3:24

Apo wooata pashi, auzotyi apo pounoata pashi, hope dzako dzinozonaka.

Mazwi 6:22

Apo woohamba, zvinozokutungamirira; apo wooata, zvinozokungwarira; naapo woomuka, zvinozoereketa newe.

Isa. 35:8

Inozoapo njira yakapamhama, nayo inozodaidzwa kuti, “Njira yakachena;” vakasvipiswa avazohambi ndiyo, asi inozoita yevanhu vaMwari; haiwa vahambi nokuti mapenzi, avazorashikiswi ndiyo.

Isa. 35:9

Mhondoro nokuti mhuka inokara azvizokwirimwo, azvizoonekimwo, asi vakaripirwa vanozohamba ndimwo.

Isa. 45:7

Ndinoita kujeka nokusika chidima; ndinoita kunyarara nokusika kushata; ndini Mambo Mwari, uwo unoita izvi zveshe.

Isa. 9:7

Umambo hwake unozoramba wechikura, kuchaapo kunyarara kusina magumo padendemaro raDhavhidha nepaumambo hwake. Unozouemesa nokuugwinyisa ngokutonga kwakanaka nokururama, kubvira zvinopano mhera nariini. Kugwinyisisa kwaMambo Mwari wehondo kunozoita izvi.

Jer. 30:10

“Asi ngendaa yako usatya, iwewe muranda wangu Jakobe, unoronza Mambo Mwari, usapera simba, O Isuraeri; ngokuti, ringira ndinozokuponesa kubva kuretu, nevorudzi rwako kubva kunyika youbatwa hwavo. Jakobe unozopetuka mukuzorora, echigarisika, apana naumwe unozomutyisa.

Jer. 31:26

Apapo ndakamuka, ndikaringira, hope dzangu dzainaka kwendiri.

Ezek. 14:15

“Kudai ndechitumira zvikara zvinotyisa kuiparadza nyika, kuita matongo, pasina naumwe ungahamba ndimwo ngendaa yezvikara,

Ezek. 14:17

“Nokuti kudai ndechiunza shoti padera penyika iyo ndechiti, ‘Shoti ngaihambe kupinda ngomunyika;’ nokuuraya vanhu nemhuka kubva kweiri,

Ezek. 14:21

“Ngokuti izvi ndizvo zvinoronza Mambo Mwari: Kunozopinda kwakaitawani kukura apo ndinozotumira kuita kwangu kunouraya kwokutonga kwangu kurongomuna kunotyisa padera peJerusarema, shoti, nzara, zvikara zvinotyisa, nenhenda, kuuraya kubva kweiri vanhu nemhuka!

Ezek. 34:25

Neni ndinozoita chitenderano chokunyarara nawo, ndinozoita kuti zvikara zvomushango zvipere munyika, kuti agare mushango, nemakwai mumakwasha ngokungwaririka.

Ezek. 34:27

Miti yomushango inozobereka michero yayo, nenyika inozobudisa zvakawanda zvayo. Anozongwaririka munyika yawo, anozozia kuti inini ndini Mambo Mwari, apo pendinozogura mipiningidzo yemajoka awo, nokuanunura kubva munyara dzaavo avo vakavaita hloko.

Ezek. 5:17

Ndinozotumira nzara nemhuka dzomushango padera penyu, nazvo zvinozomubira vana venyu; nhenda nokuparadzwa kwengazi zvinozopinda ngepakati penyu; ndinozounza shoti padera penyu. Inini Mambo Mwari ndazviereketa.”

Hos. 2:18

Ndinozokuitira chitenderano ngeiro zuva nemhuka dzomushango, shiri dzomudenga, nezvinotamanda pamavhu; ndinozogura uta, shoti nehondo kubva munyika, ndechizoita kuti vaate pashi ngokungwaririka.

Hos. 2:20

Ndinozokutora kuti uite mukadzi wangu mukugondeka; newe unozozia Mambo Mwari.

Revhi 25:18

“Ndizvo munozoita zviemeso zvangu, mungwarire zvitongero zvangu ngokugondeka, muzviite; nemwi munozogara munyika mukugarisika.

Revhi 25:19

Nyika inozobereka michero yayo, nemwi munozodya mwechiguta nokugara umwo mukugarisika.

Revhi 26:22

Ndinozotuma zvikara zvomushango pakati penyu, zvinozomutorera vana venyu, zvechiuraya n'ombe dzenyu, zvechiita kuti mushomanike. Nemapato enyu anozoita matongo.

Revhi 26:25

Ndinozomuunzira shoti inozounzidzira kupauka kwokubva muchitenderano changu; naapo munozoungana pamwepo mumadhorobha enyu, ndinozotuma denda pakati penyu; munozopirwa munyara dzemagaa enyu.

Revhi 26:7

Munozorumbirira magaa enyu, anozourawa pamberi penyu ngeshoti.

Mik. 4:4

asi vanozogara veshe uwo nouwo pashi pomuvhini wake nepashi pomuonde wake; akuna naumwe unozovatyisidzira; ngokuti muromo waMambo Mwari wehondo waereketa.

Zef. 3:13

Vakasara vaIsuraeri avazoiti zvakashata, nokuti kuereketa manyepo; norurumi runochengedzera aruzooneki mumuromo wavo. Zvino vanozodya nokuata pashi, akunazve unozovatyisidzira.”

Hag. 2:9

Uthende hwemhatso iyi hwakateera hunozopinda kukura kuno uhwo hweyokutanga, unoronza Mambo Mwari wehondo; nomundau iyi ndinozopa kunyarara, unoronza Mambo Mwari wehondo.”

Zek. 9:10

Ndinozogura ngoro dzinobva Efuremu, nemahachi ehondo kubva Jerusarema, nouta hwehondo hunozogurwa; naye unozopanga kuti kuapo kunyarara kumadzinza; nokutonga kwake kunozobva kuruandhle kuguma kuruandhle, nokubva kuRwizi kuenda kumagumo enyika.

Johani 14:27

Kunyarara ndinokusiya kwomuri; kunyarara kwangu ndinomupa. Andimupi kudai ngokupa kwenyika. Mwoyo yenyu isatambudzika, isakarukazve.

Zvak. 12:6

Ngousiku uhwo apo Herodhi paaizomuka echimubudisa, Petro waiya akaata pakati pemajoni mairi, akasungwa ngemaketani mairi, nevarindi vaiya pamusiwo vechingwarira tirongo.

Varoma 5:1

Ndizvo, kudai ngezvetinopembedzwa ngokugonda, tino kunyarara naMwari kubudikidza ndiMambo wedu Jesu Kristu.