Revhi 26:44 - Bhaibheri Rakachena muChindau

⁴⁴ Asi zvakanyadaro apo vari munyika yemagaa avo, andizovarashi akadi, andizovanyenyizve, kuti ndivapedze yaamho, nokuti kugura chitenderano changu navo; ngokuti ndini Mambo Mwari, Mwari wavo.

Revhi 26:44 Iomraidhean Croise

Gen. 17:7

Ndinozogwinyisa chitenderano changu pakati pangu newe, nemibarirwana yako inouya sure kwako, nemibarirwana yavo kuti chiite chitenderano chemhera nariini, ndiite Mwari kwouri nokumibarirwana yako inouya sure kwako.

2 Madzi. 13:23

Asi Mambo Mwari wakavaitira nyasha, wakavazwira urombo; akakunukukira kwevari, ngendaa yechitenderano chake naAbrahama, Isaka naJakobe, naye aazi kuvaparadza, nokuti kuvarasha ngouwo mukuwo kubva kuhope yake metsa nyamashi.

Neh. 9:17

Vakaramba kupurutana, navo avazi kukarakadza ngemishamiso yowakaita pakati pavo; asi vakaomesa mitsipa yavo, vakadziemesera kuti vahwirire kuuhloko hwavo muEgipite. Asi iwewe uri Mwari wakanasirira kurekerera, unenyasha norudo, usikakasiri kutseneka, wakazara ngorudo rwakakura, newe auzi kuvasiya.

Neh. 9:31

Zvakanyadaro munyasha dzako huru auzi kuvapedza yaamho, nokuti kuvasiya, ngokuti iwewe uri Mwari unorudo rwakakura nenyasha.

Nduyo 103:13

Kudai ndibaba vanokungurira vana vavo, ngokudaro Mambo Mwari unokungurira avo vanomutya.

Nduyo 89:33

Asi andizodusi kubva kwaari nyasha dzangu dzinorudo, nokuti kukorera mukugondeka kwangu.

Nduyo 94:14

Ngokuti Mambo Mwari aazorashi vanhu vake, aazosii nhaka yake.

Jer. 14:21

Usatinyenya ngendaa yezina rako; usatsverudza chigaro chako choumambo chinouthende; karakadza, usagura chitenderano nesu.

Jer. 24:5

“Izvi ndizvo zvinoronza Mambo Mwari, Mwari waIsuraeri: Kudai ngaaya maonde akanaka, ngokudaro ndinozovaerenga kuti vakanaka avo vakatorwa kubva kuvaJudha kuita vabatwa, avo vendakabudisa mundau iyi kuenda munyika yevaKharadhea.

Jer. 30:11

Ngokuti ndinemwi, unoronza Mambo Mwari, kumuponesa; ndinozoita magumo emadzinza eshe endakamuparadzira pakati pawo, asi imwimwi andizomuparadzi. Asi ndinozomuorora ngechipimo chakanaka, andizoreki kumuorora.”

Jer. 31:20

Efuremu mukororo wangu unodikanwa here? Mwana wendinodakara mwaari ndiye here? Nguva dzeshe dzendinoereketa kumuitira ndaa, ndinomukarakadza. Ndizvo mwoyo wangu unomutambudzikira; ngegwinyiso ndinozomuitira nyasha, unoronza Mambo Mwari.

Jer. 33:26

ndingazoramba mibarirwana yaJakobe, neyeDhavhidha muranda wangu, ndisatsanangura naumwe wemibarirwana yake kutonga padera pemibarirwana yaAbrahama, Isaka, naJakobe. Ngokuti ndinozopetudza vabatwa vavo nokuvaitira nyasha.”

Ezek. 16:60

asi ndinozokarakadza chitenderano changu newe mumazuva outsva hwako, neni ndinozoemesa newe chitenderano chemhera nariini.

Revhi 26:11

Ndinozoemesa tende rangu romushongano pakati penyu, nomweya wangu auzomushoori.

Varoma 11:2

Mwari aazi kuramba vanhu vake vaakazia ngekaretu. Amuzii here izvo zvinoronza zvinyorwa ndiErija, ngenjira yaakapota ndiyo kuna Mwari kuitira vaIsuraeri ndaa?

Varoma 11:26

Ndizvo vaIsuraeri veshe vanozoponeswa; kudai ngezvakanyorwa, “Kunozobuda Mununuri kubva muZioni; iye unozodusa kusikatya Mwari kubva kunaJakobe.”

Vato. 2:1

Zvino ngirosi yaMambo Mwari yakakwira kubva Girigari kuenda Bhokhimu, yakati, “Ndakaita kuti mukwire kubva Egipite, ndakamuunza kunyika yendakapika ndiyo kunemadzibaba enyu. Ndakati, ‘Anditongozoguri chitenderano changu nemwi.