Revhi 26:43 - Bhaibheri Rakachena muChindau

⁴³ Ngokuti nyika inozosiiwa ndivo, inozodakara ngemaSabatha ayo, apo inogara yechiita mafusi, isinavo; navo vanozoashira kuororwa kwokushaisha kwavo, ngokuti ivo vemene vakashoora zvitongero zvangu, ngokutizve mweya yavo yakanyenyeka zviemeso zvangu.

Revhi 26:43 Iomraidhean Croise

2 MaKro. 33:12

Naapo aamukutambudzika, wakatsvaka Mambo Mwari, Mwari wake, naye wakadzipfaisa kakurutu pamberi paMwari wamadzibaba ake.

2 MaKro. 36:21

kuti rizadzisike izwi iro raakaereketa Mambo Mwari ngomuromo waJeremia, metsa nyika yaita maSabatha ayo. Mazuwa eshe eyakagara iri matongo yakangwarira maSabatha, kuzadzisa makore makumi manomwe.

Jobe 5:17

Unomuchena uwo munhu waanoorora Mwari; ndizvo usashoora kuorora kwoUne-simba-reshe.

Nduyo 119:67

Ndisati ndatambudzwa ndakapauka, asi zvino ndinongwarira izwi rako.

Nduyo 119:71

Zvakandinakira kuti ndakatambudzwa, kuitira kuti ndidzidze zviemeso zvako.

Nduyo 119:75

Ndinozia, A Mambo Mwari, kuti kutonga kwako kwakarurama, nokuti muugondeki iwewe wakanditambudza.

Nduyo 50:15

Daidza kwendiri ngezuva rokutambudzika; ndinozokununura, newe unozondikudza.”

Nduyo 50:17

Ngokuti iwewe unozonda kupangwa, wechirasha mazwi angu sure kwako.

Isa. 26:16

O Mambo Mwari, mukutambudzika vakakutsvaka, vakadurura mukumbiro apo kuorora kwako kwaiya padera pavo.

Jer. 31:19

Ngesure apo ndapauka, ndakatenderuka; ngesure apo ndaonwa, ndakachaya chizva changu; ndakatsveruka, ndakapera simba ngokuti ndakatwara kutsverudzwa kwoutsva hwangu.’

Dha. 9:14

Ndizvo Mambo Mwari wakaramba akarinda zvakashata, metsa azviunza padera pedu. Ngegwinyiso Mambo Mwari, Mwari wedu, uri wakarurama mumishando yake yeshe yaanoita; ngokuti atizi kupurutana izwi rake.

Revhi 26:11

Ndinozoemesa tende rangu romushongano pakati penyu, nomweya wangu auzomushoori.

Revhi 26:15

nokudai mwechizoshoora zviemeso zvangu, nokuti kudai mweya yenyu yechizoshoora zvitongero zvangu, musikazoiti mipango yangu yeshe, asi mwechigura chitenderano changu,

Revhi 26:30

Neni ndinozoparadza ndau dzenyu dzakakwirira, ndiputsire pashi miedzaniso yenyu, ndikandire miiri yenyu yakafa padera pemiiri yemiedzaniso yenyu; nomweya wangu unozomushoora.

Revhi 26:41

ndizvo inini ndakatsvatsvana navo, ndakavaunza munyika yemagaa avo; kudai mwoyo yavo isikazi kuchekwa yechipfaiswa, navo varipa muripo wokushaisha kwavo.

Amo. 5:10

Vanomunyenya uwo unokaraidza pamusiwo, vanonyangadzwa ndiye unoereketa gwinyiso.

Zek. 11:8

Ndakauraya vaushi vatatu ngomwedzi umwe; ngokuti mweya wangu wakaremba ndivo, navo vakandinyenya.

Johani 7:7

Nyika aikoni kumuzonda imwimwi, asi inondizonda inini ngokuti ndinopupura ndiyo kuti mishando yayo yakashata.

Varoma 8:7

Ngokuti mupinimidzo wezvenyama kuambana naMwari; ngokuti aupfairi Mupango waMwari, ngegwinyiso aungakoni;

Dhuto. 32:36

Ngegwinyiso Mambo Mwari unozopokonyora vanhu vake, nokuva nenyasha kuvaranda vake, apo echiona kuti simba ravo rapera, akuna unosara wakasungwa nokuti wakasunhurwa.”