Revhi 26:4 - Bhaibheri Rakachena muChindau

⁴ ndinozomupa mvura ngenguva yayo, neminda inozowanzira zviyo zvayo, nemiti yomuminda inozobereka michero yayo.

Revhi 26:4 Iomraidhean Croise

1 Madzi. 17:1

Zvino Erija muThishibhe uwo waiya weThishibhe muGireadhi wakati kunaAhabhi, “Kudai ngezvaanopona Mambo Mwari, Mwari waIsuraeri, wendinoema pamberi pake, akuzoapo beto nokuti mvura makore aya, ngepabanze peizwi rangu.”

Jobe 5:10

Uwo unonaisa mvura padera penyika, nokunaisa mvura padera peminda;

Nduyo 104:13

Unodiridzira mitunhu kubva mukamera rako; nyika yagutiswa ngemichero yemishando yako.

Nduyo 67:6

Nyika yabereka michero yayo yakawandisa; Mwari, Mwari wedu, watifumisa.

Nduyo 67:7

Mwari ngaangire kutifumisa; magumo eshe enyika ngaamukudze. KuneMutungamiriri woKuemba. Nduyo yaDhavhidha.

Nduyo 68:9

Iwewe, Mwari, wakanayisa mvura yakawanda, wakanayisa kundau dzeshe; wakagwinyisa nhaka yako apo peyakapera simba.

Nduyo 85:12

Mambo Mwari unozopa izvo zvakanaka, nenyika yedu inozowanza zviyo zvayo.

Nduyo 85:13

Kururama kuchamutungamirira; kunozonasira njira yezvitsiko zvake. Mukumbiro waDhavhidha.

Isa. 30:23

Naapo unozounza mvura kumbeu dzenyu dzemwasima pamavhu; nezviyo zviri michero inobva mumavhu, izvo zvinozonaka nokuwanda. Ngeiro zuva n'ombe dzenyu dzinozofura kumafuro akapamhama.

Isa. 5:6

Ndinozouparadza, auzotonongorwi nokuti kushakurwa; asi unozomera makato neminzwa; ndinozopangazve makore kuti asanayisa mvura padera pawo.

Jer. 14:22

Chiripo here chimwari chemadzinza pakati pezvimwari zvisina shwiro chingakona kunaisa mvura? Nokuti matenga angadzasa mvura here? Andiwepi here, Mambo Mwari, Mwari wedu? Taisa gonda redu peuri, ngokuti ndiwe unoita izvi zveshe.

Ezek. 36:30

Ndinozowandisa michero yemiti nokuwandisa zvinomeriswa mumunda, kuti muchatambudzwazve mukutsverudzwa ngendaa yenzara pakati pemadzinza.

Joeri 2:22

Musatya, imwimwi mhuka dzomushango, ngokuti mafuro omushango akasvipira; muti unobara michero yawo, muonde nomuvhini zvinopa hukuro yakazara.

Revhi 25:19

Nyika inozobereka michero yayo, nemwi munozodya mwechiguta nokugara umwo mukugarisika.

Revhi 25:21

Naapo ndinozotutsira chidakadziso changu padera penyu ngegore rechitanhatu, nayo inozobereka kudya kunokwana makore matatu.

Zek. 8:12

Ngokuti kunozoapo kukushwa kwokunyarara; muvhini unozobara michero yawo, mavhu anozobudisa michero yawo, nematenga anozobudisa beto rawo; neni ndinozoita kuti vakasara vevanhu ava vaanazvo izvi zveshe.

Mateu 5:45

kuti muite vana vaBaba enyu ari mudenga; ngokuti iye unoita kuti zuva rake ribude padera pevakashata nevakanaka, nokunaisa mvura padera pevakarurama nevasikazi kururama.

Zvak. 14:17

asi aazi kusiya asina uchapupu pachake, echiita zvakanaka, echimupa mvura inonaya kubva mudenga, nokukukura zviyo zvakawanda, echizadza mwoyo yenyu ngezvokudya nokudakara.”

Dhuto. 11:13

Kunozoitika kudai mwechizonasa kupurutana mipango yangu yendinomupanga nyamashi, kumuda Mambo Mwari, Mwari wenyu, nokumushandira ngomwoyo wenyu weshe, nomweya wenyu weshe.

Dhuto. 11:14

Zvino ndinozomupa mvura kuti inaye munyika mwenyu ngenguva kwayo, mvura yokutanga neyokugumisira, kuti mukukure koroni yenyu, nevhini renyu, nemafuta enyu.

Dhuto. 28:12

Mambo Mwari unozomubeurira upfumi hwake hwakanaka, denga kuti rinayise mvura padera penyika ngenguva kwayo, nokufumisa mushando weshe wenyara dzenyu. Nemwi munozokweretesa madzinza akawanda, asi imwimwi amuzokwereti.

Jakobe 5:7

Ndizvo sengererai, hama, metsa kuuya kwaMambo. Wonai murimi unogarira michero inomutengo mukuru yenyika, echisengerera, metsa iashire mvura yokuamba neyokugumisira.

Chakapangijihwa 11:6

Vane simba rokukonya denga, kuti isazonaya mvura ngamazuva okuprofeta kwavo, navo vane simba padera pemvura kuitsandudza kuti iite ngazi, nokuita kuti nyika igumirwe ngemadambudziko eshe, panguva dzeshe dzevanoda.