Revhi 26:25 - Bhaibheri Rakachena muChindau

²⁵ Ndinozomuunzira shoti inozounzidzira kupauka kwokubva muchitenderano changu; naapo munozoungana pamwepo mumadhorobha enyu, ndinozotuma denda pakati penyu; munozopirwa munyara dzemagaa enyu.

Revhi 26:25 Iomraidhean Croise

2 Sam. 24:15

Ndizvo Mambo Mwari wakatuma nhenda inotyisa padera pavaIsuraeri, kubvira mangwanani metsa kuguma mukuwo wakaemeswa; kwakafa vanhu makumi manomwe emakumi emazana (70,000) kubvira Dhani metsa kuguma Bheerishebha.

1 Madzi. 8:33

“Naapo vanhu vako Isuraeri vashaisha pamberi pako, vakanyiswa pamberi pemagaa avo, asi vechitenderukazve kwouri, vechitenda zina rako, vechikumbira, nokupota kwouri mumhatso iyi,

1 Madzi. 8:37

“Kudai ikaapo nzara munyika, nhenda, chimbarara, chirotarota, ndongwe, makonye kudai magaa avo echizovakomba munyika yemadhorobha avo; kunyazwi nhenda yakaitawani, kunyazwi kurwa kwakaitawani;

2 Madzi. 17:3

Sharimanesa mambo waAsiria wakakwira koorwa naye; Hoshea wakaita muranda wake, akamutherera muthero.

2 MaKro. 24:24

Kunyazwi hondo yevaAramu yakauya iri zvikwata zvishomani zvevanhu, Mambo Mwari wakapira hondo huru munyara dzavo, ngendaa yokuti vaiya vakasiya Mambo Mwari, Mwari wemadzibaba avo. Ndizvo vakatonga Joashi.

Nduyo 94:1

A Mambo Mwari, iwewe Mwari wokuunzidzira, iwewe Mwari wokuunzidzira, jeka!

EKISEDHUSI 5:3

Navo vakati, “Mwari wevaHebheru wakashongana nesu; titendere tiende, tinokupota, muhambo wemazuva matatu mushango, tipire mibairo kunaMambo Mwari, Mwari wedu; kuti asazotiunzira nhenda nokuti shoti.”

Isa. 1:20

asi kudai mwechiramba nokuita mbengo, munozodyiwa ngeshoti.” Ngokuti muromo waMambo Mwari wakazviereketa.

Isa. 65:12

ndinozomugumisira pashoti, nemwi mweshe munozogwadama pashi kuurawa; ngokuti, apo pendakadaidza, amuzi kupingura, naapo pendakaereketa, amuzi kupurutana; asi mwakaita zvakashata pamberi pemadziso angu, mwakatsanangura izvo zvendisikazi kudakara ndizvo.”

Jer. 19:7

Nomundau iyi ndinozoita kuti bangano raJudha nereJerusarema riite risina shwiro; ndinozoita kuti vawe ngeshoti pamberi pemagaa avo, ngenyara dzaavo vanotsvaka kuvauraya. Ndinozopa miiri yavo yakafa kuita kudya kweshiri dzomudenga nokwezvikara zvomunyika.

Jer. 24:10

Ndinozotumira shoti, nzara nenhenda pakati pavo, metsa vapedzwe kubva kunyika yendakavapa namadzibaba avo.’ ”

Jer. 50:28

“Izwai! Vanotiza nokupokonyoka kubva munyika yeBhabhuroni, kuuya koodaidzira mhere muZioni, yokuunzidzira kwaMambo Mwari, Mwari wedu, kuunzidzira temperi rake.

Jer. 51:11

“Rodzerai misee! Zadzai chikomwe! Mambo Mwari wamusa mweya wemadzimambo evaMedhe, ngokuti biningidzo rezano rake ngeBhabhuroni kuriparadza; ngokuti ndikwo kuunzidzira kwaMambo Mwari kuunzidzira ngendaa yetemperi rake.

Jer. 9:16

Ndinozovaparadzira pakati pemadzinza, awo asikazi kuziikanwa kwevari nokuti kumadzibaba avo; ndinozotumira shoti kuvateera metsa ndivapedze.”

Chi. 2:21

Vadoko nevakuru vanoata pamavhu mumapato; mhandwe dzangu nemajaha angu awa ngeshoti; pazuva roushungu hwako wavauraya, kuuraya usikakunguriri.

Ezek. 14:17

“Nokuti kudai ndechiunza shoti padera penyika iyo ndechiti, ‘Shoti ngaihambe kupinda ngomunyika;’ nokuuraya vanhu nemhuka kubva kweiri,

Ezek. 20:37

Ndinozomuita kuti mupinde ngepashi pendonga, nokuzomuunza muchisungo chechitenderano.

Ezek. 29:8

“Ndizvo izvi ndizvo zvinoronza Mambo Mwari, Mwari: Ringira, ndinozounza shoti padera pako, nokuuraya kubva kwouri vanhu nemhuka;

Ezek. 33:2

“O mukororo womunhu, ereketa kuvanhu vako, wechiti kwevari, ‘Kudai ndechiunza shoti padera penyika, nevanhu venyikayo vechitora munhu umwe kubva pakati pavo nokumuemesa kuita murindi wavo;

Ezek. 5:17

Ndinozotumira nzara nemhuka dzomushango padera penyu, nazvo zvinozomubira vana venyu; nhenda nokuparadzwa kwengazi zvinozopinda ngepakati penyu; ndinozounza shoti padera penyu. Inini Mambo Mwari ndazviereketa.”

Ezek. 6:3

wechiti, ‘O imwimwi mitunhu yaIsuraeri, izwai izwi raMambo Mwari, Mwari: Izvi ndizvo zvinoronza Mambo Mwari, Mwari kumitunhu, nokuzvimitunhu, kumakwenga, nokumabani; ringira, inini, inini ndemene, ndinozounza shoti padera penyu, ndinozoparadza ndau dzenyu dzakakwirira.

Hos. 11:6

Shoti inowira padera pemadhorobha avo, inopedza sika dzemisiwo yavo, vechidya ngendaa yokuronga kwavo vemene.

Revhi 26:6

Ndinozomupa kunyarara munyika, munozoata pashi, pasina unomutyisidzira; ndinozodzinga zvikara zvakashata kubva munyika, neshoti aizoparuri nyika yenyu.

Amo. 4:10

“Ndakatumira nhenda pakati penyu kudai ngezvakaitika muEgipite; majaha enyu ndakaauraya ngeshoti, ndikamutorera mahachi enyu; ndakaita kuti kunuhwa kwemakamba enyu kugume kumiro dzenyu; asi amuzi kupetuka kwendiri, unoronza Mambo Mwari.

HABHAKUKI 3:5

Wakatuma nhenda pamberi pake, echipanga rufu kuti rumuteere.

Zvi. 14:12

Ndinozovaorora ngenhenda, ndiite kuti vasagara nhaka, ndinozoita ndiwe dzinza rakakura rinesimba kupinda ivo.”

Zvi. 16:49

Zvino avo vakaurawa ngenhenda vaiya gumi namarongomuna emakumi emazana nemazana manomwe (14,700), ngepabanze peavo vakafa ngendaa yaKhora.

Zvi. 31:3

Ndizvo Mosi wakaereketa kunevanhu echiti, “Vamweni venyu ngavapakatire zvokurwa zvehondo, kuitira kuti vabude koorwa nevaMidhiani, vaite kuunzidzira kwaMambo Mwari kuvaMidhiani.

Ruka 21:11

kunozoapo kuzungunyika kukurutu kwenyika, nokundau dzakaparadzana nzara nenhenda, nezvinotyisa kakurutu nezvioniso zvakakura zvinobva mudenga.

Dhuto. 28:21

Mambo Mwari unozoita kuti nhenda ibatire kwomuri, metsa amupedza kubva padera penyika yomunoenda koogara nhaka yayo.

Dhuto. 32:25

Kubanze mumapato shoti richavauraya, nokutyisa kuri mukati mwemhatso, nazvo zvinozopedza veshe majaha, nemhandara, nevachaamwa pamwepo nevakuru vachena imvi.”

Dhuto. 32:35

Kuunzidzira ngokwangu nokuthusa; tsoka dzavo dzinozotedzemuka ngomukuwo wakaemeswa; ngokuti zuva rokutambudzika kwavo riri pasinde, kuparadzwa kwavo kunouya ngokukasira.

Dhuto. 32:41

naapo ndechizorodzera shoti yangu inon'anikira, nenyara yangu yechibatirira mukutonga; ndinozounzidzira kumagaa angu, ndinozounzidzira avo vanondizonda.

Vato. 15:11

Zvino vamuna makumi emazana matatu (3,000) evaJudha vakadzaka kubuwe rinozwi Etamu, vakati kunaSamusoni, “Auzii here iwewe kuti vaFiristia vanotonga padera pedu? Chiinyi chewaita kwetiri?” Naye wakati kwavari, “Kudai ngezvevakaita kwendiri, ndizvo ndakaitawo kwavari.”